2 Samuel 17:27 - Kaxinawá Bíblia (BR)

^27-29 Maanaim anu Davi kai hikitushiaibũ hatu betxibirãkĩ shinãkĩ: “Hari tsua hiweabumanua punu nuka, bunibirani ũpash manubirãkanikiki”, iwanã, hatu i pewakĩ hatu duawakĩ haki dakati inũ, mai kẽtxa inũ, mai kẽti inũ, hatũ piti shekiwã dabe trigo inũ, cevada duru inũ, tsui inũ, yusu ewapa inũ, yusu peshemishtĩ lentilhas inũ, buna bata inũ, awa txutxu katsai buspuai inũ, ina awa inũ txashuwã txutxu tãki Davibe beabũ hau pinũbũ hawẽ dayarubu hatu bumashuni Amom nawabũ mae hatũ kena Rabá anua Naásũ huni bake Sobi inũ, mae betsa Lo-Debar anua Amielĩ huni bake Maquir inũ, Gileade mai pakea mae betsa Roguelim anua Barzilai shanẽ ibũ ha dabe inũ bestitũ Maanaim anu Davi hikia betxibirã duawanibukiaki.

2 Samuel 17:27 Referencias Cruzadas

2 Samuel 17:26

Gileade mai pakea anushũ Absalão inũ Israelĩ enabu habe bushũ hatũ tari hiwe pũtebaunabũ

2 Samuel 9:4

Davĩ yukakĩ: —Hanimẽ?— aka Zibã kemakĩ: —Mae betsa Lo-Debar anu Amielĩ bake Maquirĩ hiwe anu hiweaki— aka

1 Reis 2:7

Hamẽ betsarã, yura betsabu habũ ea duawanibu ea haburi pepa washũkubaĩshãwẽ. Mĩ betsa Absalão anua ẽ pashaima Gileade mai pakea anushũ Barzilai ewẽ nuikĩ hawara nũ hayama nuku inãkĩ ea mekekubainimawẽ taeshũ Barzilaĩ enabu duawakubaĩshãwẽ. Jerusalém anu hawẽ huni bakebu bai beaibu hatu itã mĩ tapu anushũ hatubetã pikubaĩshãwẽ.

1 Samuel 11:1

Amom nawa shanẽ ibuhaira Naásũ Israelĩ mae betsa detetã hatu mebinũ, iwanã, hawẽ detenamenikabu hatu pewatã maewã Jabes-Gileade anu hatu iweshũ hatu keshemabaunawẽ taeshũ Jabes anua anibu unanepabu kashũ Naás yuikĩ: —Nukube yubakawe, mĩ dayaru nũ ikũkaĩshanairã— akabu