2 Samuel 17:20 - Kaxinawá Bíblia (BR)

²⁰ ha katxu hatu itxũ hatu benai Absalãonẽ dayarubu bushũ aĩbu yukakĩ: —Aimaás inũ Jônatasrã, hani bukãshumẽ?— akabu aĩbũ hatu beparãkĩ yuikĩ: —Nenu nuku daĩbaĩkãshuki, henekiri bukinã— hatu wa, henekiri bushũ benakubaũtani hatu betxiama Jerusalém anu txĩtũbainaibũ

2 Samuel 17:20 Referencias Cruzadas

2 Samuel 15:34

Hakia Jerusalém anu txĩtũkaini kashũ nashi petã tari bena sawetã Absalão huai yuikĩ: “Shanẽ ibuũ, ẽ mĩ dayaruki. Habias mĩ epa ẽ merabewakubainima keska wariakĩ unanepa hãtxawẽ ẽ mia merabewakubaĩshanaii” akĩ haska Aitofelĩ shinãshũkĩ merabewabiamiskẽ miã hawẽ shinã betsa wamakĩ Aitofel ea nemashũkĩ mĩ ea merabewatiruki.

Êxodo 1:19

bestitxaitũ shanẽ ibu yuikĩ: —Nuku nũ Hebreu aĩbuaiburã, Egito aĩbu nũ keskabumaki. Nũ kariamakẽ huĩti kushitã hawaira ibubis hatũ bake kaĩmisbuki, nũ hatu merabewariamarã— aka

Juízes 4:20

Síserã ana yuikĩ: —Mĩ hiwe sheshekaiã tsaushũ ea uĩshũwẽ. Tsuara hushũ mia yukakĩ: “Mĩ hiwe anu tsua huama ishumẽ?” mia akabu: “Tsua huamaki”, iwanã hatu yuishãwẽ— itã

1 Samuel 21:2

Davĩ parãkĩ yuikĩ: —Nukũ shanẽ ibuhairatũ ea yunukĩ: “Hawara pewatãwẽ”, ea akĩ yunushina hau tsuã unãyamanũ ea nitxiã hukĩ haratura ea yunua ẽ beai ẽ unãmaki. Hamẽ huni ẽ merabewanikaburã, ha mae anu hau eki nukui benũbũ hanu ẽ hatu yuibirãshinaki.