2 Samuel 16:4 - Kaxinawá Bíblia (BR)

⁴ hawẽ hãtxa nĩkatã: —Mefibosete ẽ pepawabiani ana hakiri shinãma hawẽ hamapai tibi Mefibosete hayani mebĩtã ikis dasibi ẽ mia yunuai minaki— aka Davi bebũ dãti iki beti ishũ Zibã kemakĩ yuikĩ: —Peki. Mĩ ẽ shanẽ ibu kayabiwẽ taeshũ mĩ ea merabewaya ẽ mia shinãkubaĩshanaii— aka

2 Samuel 16:4 Referencias Cruzadas

2 Samuel 16:3

Davĩ ana yukakĩ: —Hania, mĩ shanẽ ibu Saul ipaunitũ baba Mefiboseterã?— aka Zibã kemakĩ yuikĩ: —Haska hawẽ hutxi Saul shanẽ ibukũkaini keska Israelĩ enabu dasibibũ shanẽ ibu wakĩ ana katutirubuwẽ taea shinaĩ ẽ tsuma Mefibosete Jerusalém anu bashikuyushuki— aka

2 Samuel 16:5

hanua Davi ana kai mae betsa hawẽ kena Baurim daĩbainaya huni betsa Saulũ enabu Gerã bake hawẽ kena Simei ha bebũ tashnikirã hawenabu inũ hawẽ tsumabu detenamenikabũ Davi mekebiabũ hãtxa txakabuwakĩ itxakĩ

2 Samuel 19:27

Hakia ea ashuãmabia mia anu ka ekiri txanitxakakĩ mia parãtanimaki. Haskabiaimakẽ mĩ ẽ shanẽ iburã, mĩ Deusũ nai tsuma keskawẽ taeshũ haska mĩ pe shinaĩ mĩ ashanaii.

2 Samuel 9:6

Jônatasã bake, Saulũ baba Mefibosete Davi anu buteabu Daviki mesei ha bebũ dãti iki beti ikaya benimakĩ Davĩ yukakĩ: —Jônatasã bake Mefibosetẽ, mĩ miamẽ?— aka —Haa. Shanẽ ibuũ, mĩ ea kena ẽ hushurã, mĩ dayarurã, ẽ habiaki— aka

2 Samuel 9:9

haska wabia Saulũ dayaru ha dukũtũ dayashũpauni Ziba hau hunũ Davĩ kena ana hua Davĩ yuikĩ: —Dasibi mĩ tsuma Saul inũ hawenabus hayanibu hawẽ hamapairã, hawẽ baba Mefibosete ẽ yunushuki.

Provérbios 18:13

Hatu hãtxa wakĩ hawẽ hãtxa hatu yui keyuriamabiakẽ bebũkiri unaĩsmapatũ hawaira hatu kemakĩ hatu dakewamisbuki.

Provérbios 18:17

Ha dukũ tsuara parananaĩ hãtxai taeai nĩkakĩ: “Hawẽ hãtxa txanimaki”, ibiatã hakia ha katxu betsari txanikĩ yui pewai nĩkatã hatũ shinã betsa watirubuki.

Provérbios 19:2

Hawa bebũkiri shinã pewama hamẽ benimakaĩ daya txakayamabiashina haskarã, hawẽ daya pe kaĩtirumaki. Hawara tibi hawaira hĩ hĩ ikĩ akinã, benukĩ kanehairatirubuki.

Deuteronômio 19:15

Shanẽ ibu bebũshũ yura betsaki sinatakĩ kũyã akĩ shanẽ ibu yuikĩ: “Natunã, ma txakabuwashuki”, akĩ bestitxaitũ haska hawara hakiri txakabu yuibiaya shanẽ ibubũ hau nĩkayamanũbũwẽ. Hakia dabetũ kasmai, dabe inũ bestitũ habias hãtxawẽ txitekĩ yuiaibu nĩkashũ unãti watã shanẽ ibubũ kupitirubuki.