2 Samuel 16:23 - Kaxinawá Bíblia (BR)

²³ Haskakũkainaitiã hawara akatsi yukakubainabu Aitofelĩ hatu shinãshũkĩ kemaya ha dukũ Davĩ ikũwãpauni keska wakĩ hawẽ bake Absalãonẽ ikũhairawariakubainikiaki, Deus yukai keska wakubaĩkinã.

2 Samuel 16:23 Referencias Cruzadas

2 Samuel 15:12

txashuwã bake itxapa tesẽshũ txiwẽ menushũkĩ habetã Senhor Deus kẽwãtanũ, iwanã, Davĩ merabewanika betsa hawẽ kena Aitofel hawẽ mae Gilo anuarã, Absalãonẽ ha iyukatsi kena kashũ Absalãonẽ hatu yunua haskakubainaibũ Davi shanẽ ibu mebĩkatsis ikĩ Absalão kushipakĩ habũ txibãmis shaba tibi hatu itxawakubainaya

2 Samuel 15:31

Aitofel unanepatũ Davi merabewakubainima ana merabewama hakia natiã Absalão merabewaya Davi yuiabu hau Aitofelĩ haska shinaĩ Absalão amakatsi merabewakubainai hau haska amakatsi ikai Senhor Deusũ kanemashanũ Davĩ Senhor Deus dayuikĩ ea akaya

2 Samuel 17:1

Hanushũ hawaira merabewakatsi ikĩ Aitofelĩ ana Absalão yuikĩ: —12.000 detenamenika pepabu hatu katunũ ishũ ẽ shinaiĩ. Na habias meshu merã Davi detetanũ ika hatubetã ẽ txibãkatsi ikaii.

2 Samuel 17:14

haska wa nĩkatã Absalão inũ Israelĩ enabu anibu unanepabu yuinamei: “Aitofelĩ nuku yusiaĩ hãtxa pebia Arqueu nawa Husaĩ nuku yusiaĩ hãtxawẽ Aitofel binumakĩ pewaikiki”, inibukiaki. Absalão txakabuwamakatsi ikama Aitofelĩ yusiã hãtxa pepa Senhor Deusũ hatu txibãmakĩ amama inikiaki.

2 Samuel 17:23

hawẽ yusiã hãtxa nĩkatã ashuãbumawẽ taea Aitofelĩ unãtã punu nukai huĩti nishmatã hawẽ jumentoki katsaumekaini kaĩkaini hanua kaini anu kashũ hanushũ hawẽ hiwe inũ hawẽ mabu inũ hawẽ yunu bai betsa betsapa hawenabus hatu yunu keyutã habiatiãri dispi bua hiki neshatã ibubis tenesheketã mawa hawẽ epa maiwanibu dapi maiwarianibukiaki.

Jó 5:12

Unanepa hãtxai yubakai parananaĩbu hatũ shinã hamẽ wãkĩ Deusũ hatu txakabuwamakĩ hatu itimaska wamiski.

Salmos 19:7

Senhor Deus yusinananirã, kanema pehairaki, Hiwea bena inananãmiski. Hawẽ yunua betsa waisma ikũ kayabiki. Yurabũ hawa unãriama pepabu unanepa hatu wamiski.

Números 27:21

Mĩ ana hiweamakẽ hawara ea yukakatsi iki ebe hatu hãtxashunika Eleazar anu Josué kashũ hawarakiri Eleazarki txania hanushũ ẽ kenawẽ taeshũ Eleazar hawẽ unãti wati Urim hiweawẽ ea yukatã Josué unãma hanushũ ha unãti txibãkĩ Israelĩ enabu hamapai tibi hatu ashũkubaĩshanikiki— aka

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Lucas 16:8

deveabu tibi habiaskas hatu wakẽ hawẽ tsumapã hawẽ aka haki txaniaibu unãtã haska nuitapatiruma haskai haibuyai hiweshanai unãtã hawẽ mabu mekenika txakabubia unãnepawẽ taeshũ kẽwãniki. Txanima mabuwẽ kemukĩ inãnãnaĩ hawẽ nuiama unãnepatã Deusunabumã haska wai hiwekĩ habũ Deus nĩkaibu hatu binumisbuki.

Romanos 1:22

Ha Epa Deus kuxipahaira mawatiruma ana kẽwãma habũ xinã kuxitã ha dami uĩtiru kẽwãkatsi ikĩ huni mawatiru betsabũ dami waibu tsuabũra ha dami bitã kẽwaĩbu betsabũ peiyabu dami waibu bitã kẽwaĩbu betsabũ yuinaka piti inũ pitima tae dabe inũ dabeya dami waibu bitã kẽwaĩbu betsabũ nutawẽ sharaibu dami waibu bitã kẽwãkĩ haska xarabu besti kẽwãkubainũ ikĩ Deus danãkĩ yuikĩ: “Ẽ unãnepaki”, ibiai unaĩsmapabu ipaunibukiaki.

1 Pedro 4:11

Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.