2 Samuel 15:24 - Kaxinawá Bíblia (BR)

²⁴ Pashku Cedrom pukeriabuma Deus hatube yubakani hãtxa aruni bau Levĩ enabũ iabainaibube Deusbe hatunabu hãtxashunika dabe Zadoque inũ Abiatar pashku kesha anu hatu bebũ buaibũ Abiatar dapi Deusũ hãtxa aruni bau tsauãbu Davibe bukĩ daĩbaĩbainaibũ

2 Samuel 15:24 Referencias Cruzadas

2 Samuel 15:27

—Uiã. Mia inũ Abiatar Jerusalém anu matũ huni bake dabebe unanuma txĩtũbaĩritãkãwẽ, mia mĩ huni bake Aimaásbe inũ Abiatar hawẽ huni bake Jônatasberã.

2 Samuel 15:35

Deusbe nukunabu hãtxashunika dabe Zadoque inũ Abiatarĩ ea merabewariakubaĩkanikiki. Shanẽ ibuhairatũ hiwe hawẽrua anushũ hawara dasibi nĩka keyukĩ matũ ea yuishũkubaĩshãkãwẽ.

2 Samuel 20:25

Haskakubainaibukiri habũ kaka tibi Seva hatukiri kenekubainaya hanua hawenabu Deusbe hatu hãtxashunikabu dabe Zadoque inũ Abiatar ikubainaibũ

2 Samuel 6:13

4 hunibũ iabaini paibaini 6ki ma tatsekebainaibũ Davĩ Senhor Deus ha menushũkatsi ina awa bene pepa inũ txashuwã bene shuarãwã ma pewa tesẽtã dashpeshũ hawẽ sheni bishũ txiwẽ kuakĩ hawẽ kuĩwẽ Davĩ Senhor Deus benimawabaini

1 Reis 1:8

hakia hawenabu Deusbe hãtxashunika Zadoque inũ Joiadã huni bake Benaia inũ, Deusũ hãtxa yuishunika Natã inũ, Davĩ haibuhaira merabewanika Simei inũ, Reí inũ, detenamenikabũ Davi merabewamisbũ habu kushipabũ Adonias betxipaikatsi ikabumakẽ

Josué 3:3

hatu yuikubaũkĩ: “Nukũ mekenika nukube yubakani Senhor Deusũ hãtxa aruni bau Levĩ enabu Deusbe nuku hãtxashunikabũ buaibu uĩtã nenua maturi bukĩ hatu txibãshãkãwẽ.

Josué 3:6

hatube ushashini bestẽkauã Deusbe hawenabu hãtxashunikaburi Josué yuikĩ: “Nukũ mekenika nukube yubakani hãtxa aruni bau iabaini nukunabu bebũ matu dukũ pukui taebaĩshãkãwẽ”, hatu wa ha hatube yubakani hãtxa aruni bau hi dabe haya hawẽ iabaini hatunabu bebushuni henekiri bui taeaibũ

Josué 6:6

nĩkatani hushũ Josué Deusbe hawenabu hãtxashunikabu kenashũ hatu yuikĩ: “Senhor Deus nukube yubakani hãtxa aruni bau iabainaibũ txashuwã mashũ puri ati txã txã akubaini matu 7 dukũ bebubaĩkãwẽ”, hatu watã

1 Samuel 4:11

Deus hatube yubakani hãtxa aruni bau dikabi Filisteu nawabũ atxitã habianuri Elĩ bake dabe Hofni inũ Finéias tenãriabũ