2 Samuel 15:18 - Kaxinawá Bíblia (BR)

¹⁸ hanushũ hawẽ shanẽ ibu beshmasbũ Davi hau keshebainũbũ ha dapi hatu nitxĩtã hanushũ hawẽ yura habũ mekemis Quereteu nawabu inũ Peleteu nawabu bebuaibũ ha katxu 600 detenamenikabu Geteu nawabu Davi dapi mapuabu Gate anua Davi dayashunũ ika habe benibu habe mapumisbu ha katxu hatu bebũ mapuriabũ

2 Samuel 15:18 Referencias Cruzadas

2 Samuel 15:17

habũ txibaĩbu dasibibube Davi kai maewã kesukauana hawẽ henea hiwe anu Davi hatube niti itã

2 Samuel 18:2

dasibibũ detenamenikabu shanẽ ibuhaira dabe inũ besti katukĩ Zeruiã bake Joabe inũ, Joabẽ betsa Abisai inũ, Gate anua Filisteu nawa Itai katushũ hau hatu yunukubainũbũ hati shukua detenamenika Joabe anu yunukĩ hati shukua betsa habiatiri detenamenika Abisai anu yunukĩ hati teshekãshu habiatiri detenamenika Itai anu yunukĩ keyutã hawẽ detenamenikabu dasibi Davĩ hatu yuikĩ: —Mã detenamei kayarã, ẽ matube kaii— hatu wa

2 Samuel 20:23

Detenamenikabu Israel dasibi yunui Joabe shanẽ ibu ikũkainaya, hanua Quereteu nawabu inũ Peleteu nawabũ habũ Davi mekemisbu hatũ shanẽ iburã, Joiadã huni bake Benaia inikiaki.

2 Samuel 20:7

detenamenikabu Joabẽ yunumis inũ, Quereteu nawabu inũ, Peleteu nawabu shanẽ ibuhaira Davi mekemisbu inũ habu detenamea unãhairaibu hawẽ betsa Abisaĩ hatu katutã Seba txibanũ ika Jerusalém anu shanẽ ibu beshmas Abisaibe kaĩbaini bui

2 Samuel 6:10

Davĩ hawẽ mae ewapa anu ana bukatsi ikama mae betsa Gate anu Obede-Edomnẽ hiwe anu hau bunũbũ Davĩ hatu yunua

1 Reis 1:38

hanua hawenabu Deusbe hãtxashunika Zadoque inũ Deusũ hãtxa yuishunika Natã inũ Joiadã bake Benaia detenamenikabu Quereteu nawabu inũ Peleteu nawabũ Davi mekemisbube bushũ Davĩ mula Salomão katsaũtã pashku debu deti ika Giom anu iyushũ