2 Samuel 15:14 - Kaxinawá Bíblia (BR)

¹⁴ haska wa nĩkatã hawẽ shanẽ ibu beshmasbu dasibi Jerusalém anu habe hiweshũ mekeabu Davĩ hatu yunukĩ: —Dasibi menã hawaira tashniribainãkãwẽ. Nũ yane kamakẽ Absalão hukẽ nũ haskatã pashatirubumaki. Hawenabu beshũ nuku txakabuhaira wakĩ nenu Jerusalém anu nukube hiweabu nupe kenu txaipawẽ nuku dete keyui betirubuki. Menã burinãkãwẽ— hatu wa

2 Samuel 15:14 Referencias Cruzadas

2 Samuel 12:11

Eska Senhor Deusũ mia yuikiki. Minabũ hau mia txakabuwanũbũ ẽ hatu yunushanaii. Mĩ berubi mĩ aĩbuaibu betsa mia mebĩtã mia dapi huni betsa hiwea ẽ yunua shabakã bari txasha anushũ mĩ aĩ txutashãkanikiki.

2 Samuel 15:15

hatũ shanẽ ibu kemakĩ yuikĩ: —Mĩ nukũ shanẽ ibuhairatũ haska mĩ nuku shinãshuna nũ mibe kaii— akabu

2 Samuel 19:10

Shanẽ ibu wakĩ hawẽ bake Absalão nũ katubiaimakẽ detenamekĩ ma nuku tenanãshinabuki. Shanẽ ibu Davi hau ana hushanũ hawa manakĩ nũ shinaĩ?” iake iakeaibũ

2 Samuel 19:9

habu Israelĩ enabu shukuabu tibi anua yurã kaiã ha iki yuinamei: “Ha dukũ nukuki sinatakĩ Filisteu nawabũ nuku itxakawakubaĩbiaibũ Davĩ nuku hatu nemashũkĩ hatu tenãkĩ keyuniki. Hakia hawẽ huni bake Absalãowẽ datei nukũ mai pakea Hene Jordão ukeri Davi pashai hunekainimaki.

Salmos 51:18

Mĩ shinã pepawẽ Sião merabewakĩ pewawe, ana hawẽ kenekauana benibaũkĩ hau Jerusalém ana kene bena wanũbunã.

Mateus 11:12

Naximanika João huriama matũ itxati hiwe tibi anushũ Moisés yusĩa inũ Deusũ hãtxa yuishunikabũ yusĩpauni matu yusĩ bestikubainimabuki. Hakia João hushũ Deus shanẽ ibushanaikiri bebũkiri hawẽ kaka pepa yusĩkubainaya huni pubenẽ detekatsis ikĩ Deus shanẽ ibushanai ewamamakĩ beshtenũ ika ikanikiki.

Lucas 10:15

Ha inũ, Cafarnaum anu hiweabũ mã xinãkĩ: “Nũ pepabuwẽ taeshũ Deusũ nuku kẽwãshanikiki”, ibiakĩ mã ea ikũwãbumawẽ taeshũ hanu txi nukaisma anu Deusũ matu yunushanikiki— iwanã,