2 Samuel 12:13 - Kaxinawá Bíblia (BR)

¹³ e itã haskaima Natã bebushũ Davĩ yuikĩ: —Senhor Deus danãkĩ txakabu betsa betsapa ẽ akimaki— ikaya kemakĩ Natãnẽ yuikĩ: —Mĩ txakabuwaimawẽ taeshũ Senhor Deusũ mia kupia mĩ mia mawama ishanaii.

2 Samuel 12:13 Referencias Cruzadas

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

1 Reis 22:8

Israelĩ enabu shanẽ ibuhaira Acabẽ kemakĩ yuikĩ: —Betsa hayaki. Inlá bake Micaíasĩ Senhor Deusũ hãtxa nuku yuitiruki. Hakia hãtxa pepa eki txaniama hãtxa txakabus besti ea yuikubaĩmiswẽ taea ẽ ha betxipaismaki— aka Josafã nemakĩ yuikĩ: —Hari hãtxakĩ yuiyamawe— aka

2 Reis 1:9

hanua Elias uĩkãshu anu hau butanũbũ Capitão betsabe 50 detenamenikabu yunua bui mati hanu Elias tsaua anu kemashũ Capitãonẽ yuikĩ: —Deusũ huniĩ, shanẽ ibuhairatũ mia kenaikiki. Bututã shanẽ ibu anu ebe kayuwe— aka

Salmos 51:16

Ẽ inãkuĩ tibi inũ inabu tibi ẽ mia menu keyushũkĩ ẽ mia hawẽ benimawakatsi ikĩ ẽ mia inãbia mĩ betxipaiamabiakẽ ẽ mia haska washũkatsi ikamaki.

Salmos 51:4

Hawara txakabu mĩ nemani ha meai mĩ kupiti wani eã ha mei mikiri besti ẽ txakabumiski. Haskawẽ taea kupikĩ mĩ unãti wamisrã, mĩ kaneismahairaki. Mĩ kupiti tsuã binutirumahairaki.

Salmos 51:6

Txanima huĩti pepa kayatapia hayabu mĩ hatu betxipaiaii. Mĩ unanepa uke meranua mĩ ea inãmiski, shabakabi ea tapĩmakinã.

Êxodo 9:27

hanua Moisés inũ Arão hau hatu itanũbũ Faraónẽ hatu yunua ishũtanabu Moisés inũ Arão Faraónẽ yuikĩ: —Kanekĩ hawẽ hãtxa ẽ nĩkama ikũkainai matũ mekenika Senhor Deus pepahairaki. Hakia ea inũ enabu nũ txakabukũkaĩmiski.

Isaías 43:24

‘Hawara ininipa peiwẽ bitã mã ea benimawanũ’, ikai ẽ matu yunuama inũ, ha binumakĩ: ‘Yuinaka sheni ea kuashũkãwẽ’, iwanã, ẽ matu hawa yunuamaki. Hamẽ haskama maturã, atimapa tibikĩ ea danãmakĩ txakabukĩ mã ea bika tenemakubainaii.

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Mateus 14:10

hakimamari ha soldado bitxiabu hatũ hatu tenãmis shanẽ ibũ yunukĩ: —Joãonẽ bushka teshteshũ ea beshũtãwẽ— aka

Lucas 15:21

hawẽ bake mashkũ yuikĩ: “Epaã, Deusũ yunua nĩkama itxai miari itxakawabaini ẽ txakabu kaĩtanaii. Kanekĩ ẽ mia shunũbainima haskawẽ taeshũ ana mĩ bakewakĩ ea kenayamawe”, abia

Lucas 18:13

hanua ha Romanawa shanẽ ibu pei bishunika hawa keãma benãta niriashũ hawa naiuri besuama dakei aitĩ iki shutirĩ shutirĩ ikĩ yuikĩ: “Deusuũ, mĩ hãtxa ẽ kanemisbiakẽ ewẽ nuikĩ ẽ txakabu ea buashũwẽ”,

Hechos 2:37

hanu hatube itxabũ nĩkai haskatimẽ? ika hatũ huĩti nixmahairai bika tenekĩ xinãkĩ Pedro inũ Jesusũ tsuma kuxipaya betsabu hatu yukakĩ: —Betsabuũ, haskatã nũ haskatirumẽ?— hatu wabu

Hebreus 9:26

Cristo haskatianirã, mai damiwakĩ taewaitiã nukũ txakabu buanũ ika mawani nuku mawashũpakei heneama ikeanaii. Hakia bari hawẽ heneaitiã haska Epa Deus hakiri yubakani natiã hawẽ hãtxa txibãkĩ nukũ txakabu nuku buashuni mawakĩ hawẽ yura hawẽ ibu nuku inãshũkĩ nukũ txakabu buashunũ ika Cristo bestiwai tashnitã mawaniki.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

1 Samuel 15:20

Saulũ kemakĩ yuikĩ: —Haska Senhor Deusũ ea yunushina txibãkĩ hawẽ yunuawẽ taeshũ ẽ ma akĩ keyushũshinaki. Amaleque nawabu dasibi tenã keyutã hanushũ Amaleque shanẽ ibu Agague neashinabu ẽ iweshinaki.

1 Samuel 15:30

Saulũ Samuel ana yuikĩ: —Txanima kanei ẽ txakabushinaki. Hakia ẽ mia yukakĩ ea akaii. Hau Israelĩ enabu inũ hatũ anibu unanepabũ nũ kai uĩkĩ hau ea shanẽ ibuai eki meseyunũbũ haskama ebe kashũ mĩ Senhor Deus ea duawakĩ ea kewãmayui kawe— aka