2 Samuel 11:8 - Kaxinawá Bíblia (BR)

⁸ nĩkatã hanushũ beparãkĩ hau hawẽ aĩ anu katanũ Davĩ yuikĩ: “Mĩ hiwe anu kashũ mĩ tae txuki petã mĩ aĩbe huĩrukuĩ ushayutãwẽ”, aka Davĩ hiwe hawẽrua anua Urias kaĩkainaya Uriasĩ hiwe anu piti pepa inãkuĩkĩ shanẽ ibuhaira Davĩ hatu bumashũbia

2 Samuel 11:8 Referencias Cruzadas

Gênesis 18:4

Mã haska betxipaiairã, mã hutxukinũ ũpash matu bishũtãpa? Haskatã ha hi utapã namã tsauyukãwẽ, huĩrukuinã.

Gênesis 19:2

hatu yukakĩ: —Mã huai?— hatu wa —Nũ huaii— akabu —Maturã, ẽ matu iyushũ beya wai ẽ hiwe anu beyukãwẽ— hatu wabaĩ —Ha hari ũpash tsaua hawẽ hutxikikãwẽ. Hanua ẽ hiwe anu ushashini bestẽtã penaya ana mã katiruki— hatu wa habũri yuikĩ: —Haskamaki. Hemaĩtĩ anu nũ ushaii— akabu

Gênesis 43:24

José hiwe ewapa anu hatu iyushũ ũpash hatu inã hutxukiaibũ hanushũ hatũ jumento hatu pimashunaya

Gênesis 43:34

José hatu yunukĩ hau tapuki piti hatu inãbaunũbũ hawẽ tsumabu piti pashkamakĩ hawẽ betsabu tibi hatu inãmabaũkĩ hanushũ Benjamim besti neshe neshe amakĩ 5 kẽtxati piti matahaira wamashũ inã hatubetã pi mabesh aki habu Josébe benimaibũ

Lucas 12:2

Hawara habũ hune akubaĩmisburã, ana huneama shabakabi dasibibũ unãshãkanikiki.

Lucas 7:44

Jesus nasauketã aĩbu uĩkĩ Simão yuikĩ: —Na aĩbũ ea duawairã, mĩ uĩaĩ?— iwanã —Mĩ hiwetã ẽ hikiai haska wamisbu keska wakĩ hutxukiti ũpash mĩ ea tsaũshunama ibiashukẽ na aĩbũ hawẽ beũwẽ ea hutxushũ hawẽ buwẽri ẽ tae ea hutekere ashuki.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.