2 Samuel 11:11 - Kaxinawá Bíblia (BR)

¹¹ kemakĩ Uriasĩ yuikĩ: —Hi pũyã tinĩ wãshũ shubu keska washũ Senhor Deusũ hãtxa aruni bau tsauĩmabu habias keska anu Israelĩ enabu 10 shukuabu Jerusalém nortekiri hiweabu detenamenikabu inũ Judá enabu detenamenikaburi pi ushakanikiki. Ẽ detenamenika shanẽ ibu Joabe inũ mĩ shanẽ ibu beshmasbu habias anuri kene anuma nashabakã ushariakubaĩkanikiki. Detenameaibu keskai ẽ hiwe anu hikishũ pikĩ nushukĩ ẽ aĩ txutakĩ haska dasibi betsa betsapa ẽ atirumaki, bika tenebiakinã— aka

2 Samuel 11:11 Referencias Cruzadas

2 Samuel 11:10

hawẽ hiwe anu Urias kama ushashinai Davi yuiabu Urias hau hunũ Davĩ kena Urias huai Davĩ yukakĩ: —Txaihairakea mĩ hua punu nukabia haskai mĩ hiwe anu mĩ kama ishiaĩ?— aka

2 Samuel 20:6

taeshũ Davĩ Abisai yuikĩ: —Absalãonẽ nuku akima binumakĩ Sebã nuku txakabuhairawatiruki. Haskawẽ taeshũ ẽ detenamenikabu nenu ẽ haya hatu iyukĩ Seba hanũ pashai hunenũ txibãtãkãwẽ. Nũ haska wama mae mishki kenebaunibu kushipa betsa betsapa anu hawenabube Seba pashai hikishũ hari huneshũ betsa betsapawẽ txakabuwakĩ nuku bika tenematiruki— aka

2 Samuel 7:2

Davi ha mesti ma pe hiwekĩ Deusũ hãtxa yuishunika hawẽ kena Natã yuikĩ: —Earã, kusha hiwe hawẽruawẽ ma ẽ hiweaki. Hakia Senhor Deus hatube yubakani hãtxa aruni bau tari hiwe pema duakabi anu tsaua haska merã besti tsaua pema ẽ shinaiĩ— aka

2 Samuel 7:6

Mĩ shenipabu Egito anua ẽ hatu tashnimabiranaitiã ẽ hatube hiwekũkirani inũ na habiatiãri kẽwãti hi hiwe amisbu keska anu ẽ hiwekũkaĩsmaki. Hakia tari hiwe pekabaĩkĩ maewatirubu anu matũ shenipabu inũ minabuki ẽ nukukũkaĩmiski.

João 13:14

Ea ẽ matũ Yusĩnã inũ matũ Shanẽ Ibubiatũ ẽ matu hutxukĩ duawakĩ ẽ matu uĩmashu keska wakĩ maturi duanamei hutxukinaĩ keskakubaĩshãkãwẽ.

2 Timóteo 2:12

Tsuabura Cristowẽ taea nuitapabiai babuama kuxipakĩ nũ binukubainaiburã, txanima hanu shanẽ ibuai anu habe nũ shanẽ ibushanaii. Hamẽ tsuabũra hakiri txani peama yui keyaĩsbumarã, habiaskari Cristo hatukiri Epa Deus txanikĩ hatuki dakeriashanikiki.

1 Samuel 1:26

Anã Eli yuikĩ: —Ẽ Shanẽ ibuũ, bari betsatiã mĩ uiãyã ẽ eskayama mia yuinũ nĩkawe. Txanima mia dapishũ ea aĩbũ ẽ kesha bestiwẽ Senhor Deus ẽ ea akĩ yukahairai uĩkĩ ẽ paeã keska mĩ ea yuiyamarã, ẽ eaki.

1 Samuel 14:18

Israelĩ enabu detenamenikabu anu Deusbe hatu hãtxashunikã tari éfode ma beshiã Aías Saulũ yunukĩ yuikĩ: —Deusbe yubakani tari éfode nenu bewe— aka

1 Samuel 17:55

Davĩ Filisteu nawa Golias detei kai uĩkĩ Saulũ bebũkiri hawẽ detenamenika shanẽ ibu Abner yukakĩ: —Abnerĩ, tsuã huni bake ikimẽkaĩ, ha berunanã?— aka kemakĩ: —Shanẽ ibuũ, Deusũ nuku uiãyã eãri ẽ unãmaki— aka

1 Samuel 20:3

hakia nĩkamas Davĩ ana yuikĩ: —Mĩ ea betxipaihairai mĩ epã unãkĩ mia nuimakatsi ikama ea tenanũ ishũ mia haska yuikatsi ikamaki. Senhor Deus inũ miã mĩ ea nĩkaya ma ẽ debu kema txanima shabakabi ẽ matu yuiaii— aka

1 Samuel 4:4

haska shinãtã huni itxapa Siló anu hatu yunua bushũ hanua Senhor Deus dasibi kushipabu binu keyua hatube yubakani hãtxa aruni bau ha querubin hamamaki Senhor Deus mekeabu tsaumis beaibũ Elĩ huni bake dabe Hofni inũ Finéias hatube buriaibũ