2 Samuel 1:2 - Kaxinawá Bíblia (BR)

² shaba dabe inũ bestitiã Saulũ detenamenikabũ tari hiwe pũtebaunabu anua huni betsa hawẽ tari buash buashpa hawẽ bushka mai hashaira Ziclague anu hui Davi bebũ hikitã haki datei dãti iki maiki beti ikaya

2 Samuel 1:2 Referencias Cruzadas

Gênesis 22:4

usha dabekaĩ Abraão nukutã hanu Deusũ yuishina betxitã

Gênesis 37:29

Rúben hatu dapashkabaĩtani ana kini anu kemashũ uiã José hayamakẽ nuihairai huĩti nishmahairatã hawẽ beyawẽ taeshũ hawẽ tari ushnitã

Gênesis 37:34

huĩti nishmahairatã hawẽ tari ushnitã pekashũ nishi tari tima besha sawea usha itxapa hawẽ bakewẽ nuitxakayamai kashahairaya

Gênesis 43:28

ha namã beti ishũ yuikĩ: —Mĩ tsuma nukũ eparã, pe nuku hiweshũyuaki— akabu

2 Samuel 1:3

Davĩ yukakĩ: —Mĩ harakiria huai?— aka kemakĩ yuikĩ: —Israelĩ enabu Filisteu nawabube detenameaibu anua hunei pashakirãshina ẽ huaii— aka

2 Samuel 15:32

mati mamaki anu hanushũ Deus kẽwãmisbu anu Davi ma mapeketanaya unuria haki nukutanũ ika hawẽ haibu Arqueu nawa betsa Husai hawẽ tari ushnikia mai mishpuwẽ mapu tukua Daviki nukua

Ester 4:16

“Hau ea samakeshunũbũ kashũ nukunabu Judeubu Susã anu hiweabu hatu itxawatãwẽ. Shaba dabe inũ besti inũ meshu dabe inũ bestiri hawa piama hawa nushuama samakeaibũ ẽ dayaru aĩbuaibu inũ eari nũ habiaskariairã. Samakei henetã shanẽ ibuhairabe matu hãtxashuni ẽ kashanaii. Hawẽ nemati hãtxa pemabiakẽ, ea detekatsis ikĩ hau ea hatu detemashanũwẽ. Mawaki ẽ dateamaki”, iwanã, “Na habias hãtxa Mardoqueu ea yuishũtãwẽ”, akĩ ana Hataque yunua

Ester 5:1

Shaba dabe inũ besti binutã hawẽ shanẽ ibu tari hawẽrua Esterĩ sawetã shanẽ ibuhairatũ hiwe anu kai hemaĩtĩ kenekauna uke merã hikikaĩ ha shanẽ ibuhaira Assuero hawẽ tsauti anu tsaua ha dĩtu hikiti shui bepeã anu Ester kakaĩ nishũ manaya

Joel 2:13

Matũ txakabu henetã shinã betsa wakĩ matũ Mekenika Senhor Deus anu txĩtũtã ha besti txibãkĩ hawẽ hãtxa ikũwãkubaĩkãwẽ. Senhor Deus nuikipa duapa hĩ hĩ isma unãshubira sinatakũkaĩmis betxipainamenikahaira matu kupikatsi ikamabia matu kupitiruwẽ taeshũ nui bika tenekĩ matũ tari mã ushnimis keska wakĩ matũ huĩtinĩ mã txakabumis uĩmakĩ matũ tari ushnia keska wakãwẽ.

Mateus 12:40

Nínive anu kashũ hau hatu yusĩtanũ Jonas yunua nĩkama hari kama mae betsa anu pashai kai iãnẽwã merã pukuabu hasapanã bakawã ewapatũ sheaxina shaba dabe inũ besti mexu habiatiri kaya maxĩ mapeketã bakawã hanã Jonas besteniki. Earã, matũ Hutxi Kayabi Iuwa habiaskariai mawa mai anu daka shaba dabe inũ besti mexu habiatiri ka ẽ ana bestẽriashanaii.

Mateus 16:21

hanua Jerusalém anu ka haska washanaibu nuku yusĩkĩ taewakĩ: —Eki sinatakĩ ea itxakawakĩ judeu shanẽ ibubu inũ, Deusbe nukunabu hãtxashunikabu inũ, Deusũ hãtxa kenenibu yusĩnanãmisbũ ea danãkĩ itxakawakĩ ea hatu tenãmabu shaba dabe inũ bestitiã ẽ ana bestẽshanaii— akĩ

Josué 7:6

Josué inũ hatũ shanẽ ibubube huĩti nishmahairashũ hatũ tima tari ushnitã isĩ tenei keskai mai mishpu mapu tukutã Senhor Deus hatube yubakani hãtxa aruni bau besuuri dashka ikaĩ beti ika beua bari txaitanai manibai hanua bari kaya

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

1 Samuel 20:41

hawẽ tsumapã bushuĩ ma kakẽ mishki ture mãtxĩkĩ maspuanibu petxiuria Davi tashnikirã: “Mĩ haska wakĩ ea pehaira washuki”, aki Jônatas bebũ Davi dãti iki dabe inũ bestiki maiki beti beti itã benikauã nia hatũ beya txibaĩ habe tãtsu irabetã habe kasha txakayamai Davi hui teris iki teshatã

1 Samuel 4:12

hakia detenamenika betsa Benjamimnẽ enabu pashai Siló anu kushikaini habias shabatiã hawẽ tari buash pishta inũ hawẽ yura dasibi mai has haira hikiaya

1 Samuel 4:16

nukushũ ha hunĩ yuikĩ: —Detenameaibu anua haria hatu maemabirani yumãtã piskukirani barikis ẽ huaii— aka Elĩ yukakĩ: —Ẽ bakẽ, hawa matu haska wakãshumẽkaĩ, ea yuiriwe— aka