2 Samuel 1:14 - Kaxinawá Bíblia (BR)

¹⁴ hanushũ hãtxa kushipawẽ Davĩ yuikĩ: —Shanẽ ibu wakĩ Senhor Deusũ katuni dateama haskakĩ mĩ nukũ shanẽ ibuhaira deteshinamẽ?— atã

2 Samuel 1:14 Referencias Cruzadas

Números 12:8

Habe hãtxairã, beisinãbukuĩ ẽ habe hãtxamiski, hãtxa shabakabiwenã. Haskai ea uĩ ebe beisinãbiamiskẽ haki dateama mã haki hãtxa txakabui ikai?” hatu wai

2 Pedro 2:10

Nukũ Shanẽ Ibuã hatu kupikinã, habu dasibibu hatũ kemu pae heneisbuma inũ hawẽ kuxipa danãkubainaibu hatu ashanikiki. Habu yusĩnanaĩ parananãmisburã, huĩti kuxitã tsua nĩkaisma inũ kẽkĩ xinã betsa wakatsi ikabuma hawaki dateama hatũ hãtxawẽ yushĩ txakabu hatũ shanẽ ibuya hatu itxakĩ ha amisbuki.

1 Samuel 10:1

hanua ha dabe niti itã bishtu oliva sheni mata Samuelĩ bitã Saul mashu atã hatũ beya txibãkĩ tãtsu akĩ yuikĩ: —Senhor Deusũ mia katukĩ meribi waikiki, Israelĩ enabu, hawenabukirirã, shanẽ ibushũkĩ mĩ hatu yunubaĩshanunã. Hatu yunukubaĩkĩ tsuabura hatuki sinatakĩ minabu itxakawakĩ bika tenemakubaini hatu dapi hiwebaunabu nemakĩ hatu henemakĩ keyukĩ Israelĩ enabu mĩ yunukubaĩshanaii. Eska ikis ẽ mia yuiai keska mĩ haki nuku akeakekainai ẽ mia shinãmaii, hawẽ unãti tibirã, haska Senhor Deusũ mia ma katua mĩ kairã.

1 Samuel 12:3

Na habiatiã ẽ nenuki. Haskara ẽ matu akubirãshinamẽkaĩ, ea yuikãwẽ. Tsuã ina awa kasmai jumento ẽ biaĩmamẽkaĩ, bika tenemakĩ tsua ẽ itxakawaimamẽkaĩ, hawa txakabu hau hatu unãyamanũ hune hatũ pei ẽ biaĩmamẽkaĩ, Senhor Deus bebũ inũ matũ shanẽ ibuhaira Senhor Deusũ katuima bebũ ẽ tsuara haska waimarã, shabakabi ea yuikãwẽ, mã huni betsa ẽ haska waima ẽ diriarã, hawara pepawẽ ẽ matu pakairã— hatu waya

1 Samuel 24:11

Saulũ tari kesha meshteshu sanãshũ uĩmakĩ ana yuikĩ: —Uĩhairawe, ẽ shanẽ ibũ, mĩ sãpu tari kesha ẽ mia meshtẽshu ẽ mekẽnẽ ẽ tsumarã. Ẽ mia tenãti pe ishuki. Mĩ tari kesha besti ẽ mia meshtẽshuki. Ẽ mia haska besti washuwẽ taeshũ ẽ mia txakabuwakatsi ikama inũ ẽ mia atxitirubia emebi txakabukĩ ẽ mia hawa parãma mĩ unãriaii. Ẽ mikiri haskabiakẽ miã ea tenanũ, iwanã, benakĩ mĩ ea txibãkubaĩmiski.

1 Samuel 24:6

Davĩ hawenabu hatu yuikĩ: —Ẽ shanẽ ibuhaira ẽ txakabuwai Senhor Deusũ ea nemashuki. Senhor Deusũ Saul katuniwẽ taea ha shanẽ ibuki— akĩ

1 Samuel 24:7

hawẽ tsumabu niti akĩ hau Saul deteyamanũbũ Davĩ hatu nemakẽ kini anua Saul tashnikaini kaya

1 Samuel 31:4

hawẽ detenameti mabu bushunika hawẽ tsuma Saulũ yuikĩ: —Hawa Deus umabũ ea atxitã eaya kashekĩ ea bika tenematirubuki. Hau habuã ea tenãyamanũbũ miã mĩ matxatu txaipa kenuhaira sitã ea detekĩ tenãwẽ— aka hakia hawẽ tsuma hawẽ datekĩ haska yunua akamawẽ taea haska uĩtã Saul ibubis hawẽ matxatu txaipa maiki timatã haki beukaini tatxakash iki hawẽ matxatu debuwẽ txatxitã hawaira debuaya