2 Pedro 3:13 - Kaxinawá Bíblia (BR)

¹³ Nukubunã, eska uĩkatsi nũ manakanaii. Nai inũ mai bena Deusũ ma nuku bebũkiri yubanirã, ha haska tashnirã, kaneisbuma inũ pepabuna besti ishanikiki.

Kashinawa : Diosun Jesúswen taexun yuba bena yiniki

¹³ Nukubunan, eska uinkatsi nun manakanaii. Nai inun mai bena Diosun ma nuku bebunkidi yubanidan, ja jaska taxnidan, kaneisbuma inun pepabuna besti ixanikiki.

2 Pedro 3:13 Referencias Cruzadas

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 65:17

“Mã ea haska wabiaibũ ẽ matu ashũshanai nĩkakãwẽ. Nai inũ mai ẽ ana bena washanaii. Habu dukũ dasibi ẽ hatu dami wani hakimashãkanikiki, tsuã ana habukiri shinãmarã.

Isaías 65:25

Kamã inu lobo pubẽbia txashuwã bakebe ketashameshũ hawama pishanikiki. Inu betsa leão ana pubeãma ina awa bene keskakĩ basi pishanikiki. Dunu pianãtũ pitirã, mai kuru besti ishanikiki. Dasibi ẽ mati meribi pepa anu mapuaburã, ana hawa bika tenei txakabuama dasibi pe besti ishãkanikiki”, ikĩ Senhor Deusũ hawẽ hãtxa yuikĩ mestẽwaniki.

Romanos 8:21

Deusũ kupikubaĩkĩ hau keyukĩ yamawashanũ manakanikiki. Deusũ hawẽ bakebu duawakĩ mai hirabiri duawashanaiwẽ taeshũ dasibi damiwani benimashãkanikiki, mibanã, yuinakarã, bixirã, yuraburã, dasibi betsa betsaparã.

2 Pedro 1:4

Na haska tibi nuku amairã, haska bebũkiri Deus ibubis hãtxai hawẽ kuxipahairawẽ yubakani txanima betsa waisma haska ikũwãkĩ mã xinã betsa watã mã ma Deusũ beya ibu wawẽ taea na mai anushũ txakabu kemu paewẽ ikaibu hatu binui mã ma Deusunabu pashatirubuki.

Apocalipse 21:1

Ha haskaibutiã habu dukũ bari inũ, ushe inũ, bixi inũ, mai damiwani bepemanai shabakainaya iãnẽwã batapari hayamaya habiatiãri ana uĩkĩ nai bena inũ mai bena tashniriai ẽ uĩriaxinaki.

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.