2 Pedro 3:10 - Kaxinawá Bíblia (BR)

¹⁰ Hawatiãra nukũ Shanẽ Ibu huirã, tsuã ana hakiri xinãmakẽ yumetsu hua keskanũbarikiaki. Hanua kanatũ itxakayamai keskawẽ nai anu yamawakĩ habũ tsumabauna txi kuxipahairawẽ menukĩ mai hirabiri damiwani kupikĩ yamawashanikiki.

Kashinawa : Diosun Jesúswen taexun yuba bena yiniki

¹⁰ Jawatianda nukun Xanen Ibu juidan, tsuan ana jakidi shinanmaken yumetsu jua keskanunbadikiaki. Janua kanatun ichakayamai keskawen nai anu yamawakin jabun tsumabauna chi kushipajaidawen menukin mai jidabidi damiwani kupikin yamawaxanikiki.

2 Pedro 3:10 Referencias Cruzadas

Salmos 46:6

Deusũ hawẽ hãtxa nawa tibi hatu nĩkamaitiã datei saki saki iki hatũ hui dẽke ishãkanikiki. Mai yamakainaya shanẽ ibu tibitũ hatũ kushipa benushãkanikiki.

Joel 1:15

Ma pemahaira huaya nũ peirakãwã! Senhor Deusũ hanu kupishanai ma kemaikiki. Shaba mesehairatiã nuku dasibibu unãti wakĩ kushipa dasibi binu keyuatũ hawẽ kupitiwẽ yamawabaũshanikiki.

Joel 2:1

Tsuãra Mati Sião anushũ trombeta mawakĩ txã txã akĩ Senhor Deusũ mati meribi anushũ mese huaikiri hawẽ unãmati hatu banabimakãwẽ. Senhor Deusũ hatu kupiaitiã nai kuĩ meshupa inũ nai kuĩ uta shabatiã meshua yamea dakashanai ma kemaiwẽ taea Judá mai pakea anu hiwebaunabu dasibi datei saki saki ishãkanikiki. Detenamenikabu kushipahaira mirima mati matipa anu bebirã bebirani ma penai shabakiranai keska dasibi nati ikabu uĩshãkanikiki. Haskaibu uatiã tsuã uiãma inibu inũ ana haska kaiaĩ unuri ana uiãma ishãkanikiki, ana ha keska betsa tashniama ishanairã.

Joel 2:31

Ha haskaitiã bari ana pesheama meshui inũ ushe ana txashamari himi keska ishanikiki. Ẽ bake kushipahairai txashakapa shanẽ ibui hua kemariamakẽ ha hanu kupiaitiã shaba mese atimapa ishanikiki”, matu waya

Joel 3:14

Senhor Deusũ hatu kupishanaitiã ma kemaiwẽ taea hanushũ Unãti Wakĩ Katuti Pashku Napaku anu yurawã itxapahaira hanu itxai keyushãkanikiki.

Amós 9:13

Eska Senhor Deusũ ana yuikĩ: “Shekiwã trigo txushihaira mirimahairawẽ taea tsekakĩ keyuriabuma ana hanu banatitiã kemaya mai yapubainaibutiã huni betsabu beshãkanikiki. Hawẽ hene tsinikĩ uva bimi mirimahairaki pai pai ikĩ keyuriabuma shekiwã trigo ana banatitiã ikũkaĩshanikiki. Mati keyatapa inũ mati tenãmã anua ũpash itxapa habai keska uva vinho itxapa hayashãkanikiki.

Amós 9:5

Mekenika Deus kushipahaira dasibi binua Senhor Deusũ mai mea mai payukui babuaya ano tibi Egito anu hawẽ henewã ewapa Nilo bai matai ewatã netsutãtãmis keskai mai manaũri inakaina ana shekei butuaya hanua dasibi yurabu hiwebaunabu datehairai kashakubaĩshãkanikiki.

Malaquias 4:5

Uĩkãwẽ. Ha shaba mese dasibi datemakĩ ea ẽ Senhor Deusũ kupiaitiã huriamakẽ ẽ hãtxa yuishunika Elias hiwepaunirã, ana matu anu ẽ yunushanaii.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Marcos 13:31

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Lucas 12:39

Ha inũ, hatiara yumetsu huai bebũkiri unãkĩ hiwe ibũ beshtekatsi manatiruki, hau hikiyamanunã.

Romanos 8:20

Hatiãra haskashanai unãma mai hirabi anu Deusũ damiwani bika tenei itimaskakanikiki. Haskairã, hatũ txakabuwẽ ikabumaki. Hakia haska Deusũ xinãni habu damiwanibu unãmakẽ haska Deus yubakani keska hatu ashũshanikiki. Dasibi mai hirabi Deusũ hatu damiwani

1 Coríntios 1:8

Haskawẽ taeshũ Deusũ hawa heneama matu kuxipa wakubaini Cristo ana huaya hawa txakabu matukiri yuitirubuma ishãkanikiki.

1 Coríntios 5:5

hau Deusũ Yushĩ Pepatũ ana mekeyamanũ ha hunĩ txakabuwaima kupikĩ Satanás yunukĩ inãkãwẽ, Satanásã hawẽ yura hau hawara tenemanunã. Haska wanikẽ nukũ Shanẽ Ibu Jesus hukĩ hau hawẽ yushĩ mekei kanunã.

2 Coríntios 1:14

Nukukiri mã nĩka beshmas waii. Hakia nukũ Shanẽ Ibu Jesus ana huaya mã pepaibu matuwẽ keĩ nũ benimaya nũ matu yusĩ pewamiswẽ taea inũ nukuwẽri taea benimakĩ mã nuku kẽwãriashanai ẽ manakubainaii.

1 Tesalonicenses 5:4

Hamẽ ẽ betsabu inũ ẽ puibuũ, maturã, mã ma unãnepabuki, tsuãra kakape tapĩkĩ ikũwãkatsi ikabuma keskamarã. Hatiãra nukũ Shanẽ Ibu hui haskakirãshanikiri ana matu yuinũ nĩkakãwẽ. Huni yumetsunũ ika hawaira hatiãra tsuã unãmakẽ humis keskai nukũ Shanẽ Ibu bebũkiri tsua yuiama hawairakirã tashnishanikiki. Haskaya habũ ikũwãkatsi isbuma mexu merã hiweabu keska teku iki: “Habaa!” ishãkanikiki. Hakia habũ ikũwaĩbu hawa dateama ishãkanikiki, nũ ha manakamis huayarã.

2 Pedro 3:11

Haska dasibi Deusũ yamawashanai mã unaĩwẽ taea natiã mã hiweyuarã, haska Deusũ abuai keska aki meribi pepai hiwepakekãwẽ.

2 Pedro 3:12

Hanũ hau Deusũ yurabu kupiyunũ manama hawaira hawẽ bakekiri kakape txanikĩ yuibaũkãwẽ, hau samama hurinunã. Hanu ana manama hukinã, nai txiwẽ menuaya ha habuã tsuma txĩ menukĩ metesha niri ishanikiaki.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

Judas 1:6

Ha dikabi Deusũ hawẽ nai tsumabu nai anua habu tibi ha mekei hanu hau shanẽ ibunũbũ hatu yunubia haska besti mekekatsi ikama hatũ daya henebiranaibu Deusũ hatu nemakĩ hanu mexuhaira kaĩkaĩtirumanu hatu bitxitã hanu bari hawẽ heneai anu hatu kupiaitiã haburi kupishanai hatu mekea mapuabuki.

Apocalipse 16:15

Haskai ẽ uĩayã Jesus hãtxai: “Uĩa. Ea ana matu anu kairã, ẽ yumetsu kai keskakaĩshanaii, tsuã haska ana xinãmakenã. Habu mã benimashanaiburã, usha keskama bestẽshũ mĩ hiwea mĩ tari mĩ meke pewa keska ishãkãwẽ, hawa mĩ tari pekatã nia keskamarã, matũ yura tariuma nia hawẽ mã daketiru keska iyamakãshunã”, ea waya

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya

Apocalipse 21:1

Ha haskaibutiã habu dukũ bari inũ, ushe inũ, bixi inũ, mai damiwani bepemanai shabakainaya iãnẽwã batapari hayamaya habiatiãri ana uĩkĩ nai bena inũ mai bena tashniriai ẽ uĩriaxinaki.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.

Apocalipse 6:14

hanua nai yamakaini una sebiki ikaskainaya mati inũ hene anu mai natukã maeakei shekekaunaya