2 Pedro 2:21 - Kaxinawá Bíblia (BR)

²¹ Ha dukũ Jesus Cristo txibãti unãma ikaiburã, mawaira txakabuma ikeãkanaii. Hakia Deusũ hãtxa meribi hatu yusĩabu unãtã ana txibãkatsi ikama danãkĩ henei txakabui pikukubaĩmisbuki.

Kashinawa : Diosun Jesúswen taexun yuba bena yiniki

²¹ Ja dukun Jesucristo chibanti unanma ikaibudan, mawaida chakabuma ikeankanaii. Jakia Diosun jancha medibi jatu yusianbu unantan ana chibankatsi ikama danankin jenei chakabui pikukubainmisbuki.

2 Pedro 2:21 Referencias Cruzadas

Provérbios 12:28

Yunuti pepa kushipa ha baiwẽ kairã, hawẽ hiweti hayaki. Hakia unaĩsmapabu hiwei peisbuma hatũ hiwea benui mawa bestimisbuki.

Provérbios 16:31

Tsuara hiwei pekaini txakabuismarã, anibui hawẽ bu siũ siũpaya maiti hawẽrua sawea keskakẽ kẽwãshãkanikiki.

Ezequiel 18:24

Hakia tsuara pepai hiwebiakũkaĩmistũ hawẽ pepa hene keyutã txakabu dasibi inũ hawara ẽ betxipaiama ẽ danãmis akubainaiburã, ẽ hatu kupiama hiweyukũkainai dabanẽ mã shinaĩ? Haskamaki. Haskai pepa hiwekũkainima ẽ ana shinãma ea ikũwaĩ henei txĩtũtã ibubis hawẽ txakabuwẽ taea hau mawanũ ẽ kupishanaii.

Ezequiel 3:20

Haska inũ, betsa ẽ shinainã, tsuãra ea nĩkai pepabiakũkaini hatũ pepa henetã ana txakabuwakubainaibũ mesekiri ẽ hatu yunua bui huti ikaĩ di ikabu keska nemakĩ mĩ hawa hatu hãtxa wama hatũ txakabu heneabumawẽ taea mawashãkanikiki, ẽ hatu kupiarã. Hatũ pepa akubainimabukiri ẽ ana shinãma hatũ txakabuwẽ taea mawaibũ hakia miã kanekĩ mĩ hatu nemama ishiãwẽ taeshũ ẽ mia kupishanaii.

Lucas 12:47

Haskakẽ tsuabũra hawẽ shanẽ ibũ daya unã keyubiakĩ haska abuai akama inũ txibãmawẽ taeshũ hatu kupihairashanikiki.

João 15:22

Ẽ yusĩ hua hãtxamakẽ habu na mai anu hiweabũ ibubis xinaĩ: “Ẽ pepaki”, itirububia eskatiã ana haska washũ hatũ txakabu ibubis hũtãtirubumaki, mekeirã.

João 9:41

Jesusũ hatu yuikĩ: —Deusũ yusĩa unãriama matũ txakabuwẽ mã kaneama ikeanaii. Hakia yuikĩ: “Nũ Deus unaiĩ”, ikĩ hawa nĩkama mã kaneaii— hatu watã,

Romanos 7:12

Haskakẽ Deusũ hãtxa keneniburã, harã, meribiriki. Ha inũ, hawẽ yunuti inũ hawẽ nematirã, meribi hawẽ kanetima pepa bestiki.

Gálatas 6:2

Haska inũ, matunabũ shãkama iabiranaibu mã hatu merabewamis keska wakĩ tsuabũra hawara bika teneaibu inũ tsuabũra kaneaibu hatu merabewariakubaĩkãwẽ. Hatu haska wai haska Cristõ nuku yusĩkubaini keska ashũkĩ hawẽ hãtxa mã meneshũshanaii.

1 Timóteo 6:14

Na haska tibi ẽ mia yunuai haska txibãkĩ mĩ hiwea pe mekeshũ kaneama mikiri pe hatu uĩmairakubaĩwẽ, hanu nukũ Shanẽ Ibu Jesus Cristo kuxipai huaitiã hau mikiri hawa txakabu tsuã yuiyamashanunã.

Hebreus 10:26

Ma Jesus Cristokiri unãti wakĩ txanima tapĩbiatã haratubũra hawa xinã betsa maewama ana nukũmebi txakabu mei atimapai huĩti kuxikĩ nũ akaiburã, ana hawa betsawẽ Deus daewati nũ hayamahairakiaki.

Santiago 4:17

Haskawẽ taeshũ tsuabũra hawara pepa Deusũ abumis unãbiakĩ mã akamarã, txakabukĩ Deus mã pashkaii.

2 Pedro 3:2

Xinãkãwẽ. Uatiã Deusũ hãtxa yuishunika meribibũ yusĩnibu inũ ha dikabi nukũ Shanẽ Ibu mekenã hãtxa nuku yununi habias hawẽ kuxipayabũ matu yusĩkubainaibu hakimayamakubaĩkãwẽ.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.