2 Pedro 1:1 - Kaxinawá Bíblia (BR)

¹ Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

Kashinawa : Diosun Jesúswen taexun yuba bena yiniki

¹ En Simón Pedro Jesucriston tsuma jawen kushipaya ea waniki. Nukun mekenika Dios Jesucriston kaneisma nun ikunwainbu keska man nuku chibankin ikunwandiaibuwen taexun en matu kene bumai uindakanwen.

2 Pedro 1:1 Referencias Cruzadas

Mateus 10:2

Nũ hawẽ 12 kuxipayabũ nukũ kenarã: Simão hawẽ kena betsa Pedro inũ, hawẽ betsa André inũ, Zebedeũ bake dabe Tiago inũ, hawẽ betsa João inũ,

Mateus 4:18

Hanua Galiléia iãnẽwã kesha Jesusũ ketãkubaĩkĩ baka neshenika dabe Simão, hawẽ kena betsa Pedro, inũ hawẽ betsa Andrẽ hatũ shashũshũ hisĩ pũteaibu hatu betxitã

Lucas 11:49

Haskawẽ taeshũ Deus unãnepatũ yuikĩ: ‘Ea hatu yuishunikabu inũ ẽ tsuma kuxipayabũ hau hatu yusĩnũbũ ẽ hatu yunupakea hatu danãkĩ betsabu tenãkĩ betsabu itxakawakĩ hatu nitxĩshãkanikiki’, iniki.

João 1:42

hanushũ Jesus anu Andrẽ Simão iyua hanushũ Jesusũ uĩkĩ dais butã butãkĩ yuikĩ: —Miarã, mĩ Jonasĩ bakeki. Mĩ Simãobiakẽ ẽ mia kena dabeya waii. Cefas wakĩ mia kenashãkanikiki— aniki. Cefasrã, nawã hãtxawenã, Pedroki. Pedrorã huni kuĩ hãtxawenã, Mixki Ewapaki.

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 20:21

ana nuku yuikĩ: —Haska mã unãnumamẽ? Ẽ matu hushuãki. Datetima kuxipa ẽ matu baxishunaii. Haska inũ, haska ẽ Epa Deusũ ea nitxĩkĩ yununi keska wakĩ ẽ matu nitxĩkĩ yunuriaii— iwanã,

Hechos 15:14

Jesus ikũwaĩbu Deusũ hawenabu hatu wariakĩ merabewani hau nukube ikubaĩshanũbũ haska bebũkiri tatesmakĩ Deusũ judeubumari katuyama Simãonẽ ma nuku yuishuki.

Romanos 1:1

Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

Romanos 1:12

Haska ẽ matu yuiairã, nũ Jesus txibaĩbu nuku dasibi merabenamei nũ huĩti kuxipanametirubuki, matubu inũ earã.

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 9:1

Hamẽ enakiriri matu yuinũ nĩkakãwẽ. Damasco baiwẽ ẽ kai Jesus hanu eki nukutã ea uĩmaxĩshũ nukũ Shanẽ Ibũ hawẽ tsuma kuxipaya betsa ea wakĩ ea yununiwẽ taeshũ tsuã ea yunuamawẽ taea haska matu anu ẽ dayai kashũ nukũ Shanẽ Ibũ daya ẽ matu uĩmakĩ Deusũ kaka pepa matu yusĩkubaũkĩ mã Corinto anuabu Jesus ẽ matu ikũwãmaniwẽ taeshũ ẽ Jesusũ kuxipaya betsabu keska habias daya ẽ hayabiakẽ matũ mã ea danãtirubumaki.

2 Coríntios 4:13

Haskakiri Davĩ kenekĩ: “Deus ikũwaĩ hakiri ẽ hãtxakũkainaii”, ini keskai nukubũri Deus ikũwãriai hawara nũ ikũwaĩ nũ hakiri yui hãtxariakũkainaii.

2 Coríntios 5:21

Jesus Cristo hawa txakabu meamahairabiakẽ hakia nukũ txakabuwẽ taeshũ txakabu memis keska wakĩ Deusũ Cristo aniki. Nũ Cristowẽ taea pepa keskabu Deusũ nuku ana kupikatsi ikama: “Ẽ haibuaibu txakabu hayama keskaki”, iwanã, Deusũ nukukiri haska xinãmiski. Haskakẽ Cristo matu mawashuniwẽ taea Deusbe haibunamekubaĩkãwẽ.

Gálatas 2:8

Deusũ bake Jesusũ Pedro katushũ yunurianiki, hau hawẽ kuxipayashũ hawenabu judeubu hau hatu yusĩkubaĩshanunã. Habiaskari wakĩ Deusũ bake Jesusũ eari katutã hawẽ kuxipayawashũ judeubuma anu eari yununiki, haburi ẽ hatu yusĩriakubaũshanunã.

Efésios 3:5

Uatiã nũ hawa unãma inibuki. Hakia natiã Jesusũ kuxipaya meribibu inũ hawẽ hãtxa yuishunikabu habu hawẽ Yushĩ Pepawẽ Deusũ shabakabi ma hatu unãmayamaki.

Efésios 4:11

Ha haska hamebi huyamashũ betsabu hawẽ kuxipayabu hatu wakĩ betsabu hawẽ hãtxa yuishunikabu hatu wakĩ betsabu hakiri kakape txanikubaunikabu hatu wakĩ betsabu yusĩnanaĩ mekenikabu hatu watã hatu yunuakeakebainiki.

Efésios 4:5

Haskawẽ taea nũ Shanẽ Ibu bestitxai hayaki. Ha inũ, ha besti nũ ikũwaĩ inũ hawẽ besti xinã betsatã yura betsabu unãti wamanũ ika mã naxiakeakemisbuki.

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

Filipenses 1:29

Deusũ hawẽ pepawẽ matu kenakĩ katushũ ikũwãmanirã, ha besti ikũwaĩ pepa bestitimaki. Habiaskariai Cristowẽ bika mei nuitapariatiki.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

2 Timóteo 1:5

Ha dukũ mĩ txitxi Lóide inũ mĩ ewa Eunicẽ Jesus Cristo ikũwãni txĩtuĩsbuma keska habias xinã miãri mĩ ikũhairawakĩ mĩ xinã mĩ betsa watiruma ẽ unaiĩ.

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

Tito 1:4

Titoõ, txanima ebetã ikũwaĩ mĩ ẽ bake kayabi keskaki. Nukũ Shanẽ Ibu Jesus Cristo hawẽ Epa Deusbe miwẽ nuikĩ mia unãnuma hiwemakĩ hau mia duawakubainũbũwẽ.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Santiago 1:1

Matu Israelĩ 12 huni bakebũ hatũ bababũ mã Jesus Cristo ikũwaĩbu mai hirabi anu mã sa ini manibaunabu ẽ Tiagõ, Deus inũ nukũ Shanẽ Ibu Jesus Cristõ tsumapã ẽ matu kene bumai uĩrakãwẽ.

1 Pedro 1:1

Ẽ Pedro Jesus Cristõ kuxipayatũ ẽ hãtxa ẽ matu bumaii, mã mai pakea tibi Ponto inũ, Galácia inũ, Capadócia inũ, Ásia inũ, Bitínia anu mã hiwebaunabu anurã.

1 Pedro 1:7

Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.

1 Pedro 2:7

Na haska keneni keska tsuabũra ma ha mixki kuxipa ikũwaĩbu maturã, mã ha abuhairaii. Hamẽ tsuabũra ha mixki kuxipa ha ikũwãma danãkubaĩkanikiki, ha keneni keska wakinã: “Mixki hiwe wanikabũ ha mixki danãbiaibũ hawẽ hiwe mestẽwãti kayabi mixki pehairaki, kuxiparã”, aniki.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

2 Pedro 1:4

Na haska tibi nuku amairã, haska bebũkiri Deus ibubis hãtxai hawẽ kuxipahairawẽ yubakani txanima betsa waisma haska ikũwãkĩ mã xinã betsa watã mã ma Deusũ beya ibu wawẽ taea na mai anushũ txakabu kemu paewẽ ikaibu hatu binui mã ma Deusunabu pashatirubuki.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,