2 João 1:10 - Kaxinawá Bíblia (BR)

¹⁰ Ẽ matu yuiai keskabu Jesusũ hãtxa kayabi matu pe yusĩabuma habũ matu yusĩnũ ika buaiburã, habe hãtxanameama inũ matũ hiwe anu hatu ikĩ mapemayamashãkãwẽ.

Kashinawa : Diosun Jesúswen taexun yuba bena yiniki

¹⁰ En matu yuiai keskabu Jesúsun jancha kayabi matu pe yusianbuma jabun matu yusinun ika buaibudan, jabe janchanameama inun matun jiwe anu jatu ikin mapemayamaxankanwen.

2 João 1:10 Referencias Cruzadas

Gênesis 24:12

hau ea unãmanũ ishũ Abraão tsumapã Deusbe hãtxakĩ ea akĩ yuikĩ: —Ẽ tsuma Abraão mekenika Senhor Deusuũ, ẽ tsuma mĩ duawamis keska wakĩ eari merabewakĩ uĩmakĩ ea tapĩmawe. Uĩwẽ. Ũpash bana kini dapi ẽ nikẽ ũpash bi txipashbu ibirã ibiranaibu unãti wamakĩ txipash betsa ẽ yukakatsi ikaii: “Mĩ shumu buteshũ ũpash ea amawe!” ẽ aka ha txipash mĩ ma katua ebe hãtxai: “Awe, ũpashrã. Mĩ camelori ẽ mia amashunaii”, akĩ ea yuiai ẽ unãkatsis ikai ha txipash mĩ ea katushunairã, Isaque aĩ hau ishanunã. Haskawẽ taeshũ ẽ tsuma Abraão mĩ ana duawai ẽ unãkatsis ikaii— akaya

Hechos 15:23

hatu bumakatsi hatu keneshũkĩ: “Nũ Jesusũ kuxipayabu inũ mekenikabu nũ matubetã ikũwaĩbunã, nũ matu kene bumai uĩkĩ nĩkashãkãwẽ. Judeubuma mã Antioquia mae ewapanu hiweabu inũ, Síria inũ, Cilícia mai pakea anu hiweabũ nukubetã Jesus mã ikũwaĩbu nũ matu xinaiĩ.

1 Coríntios 16:22

Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.

1 Coríntios 5:11

Hakia hatiri mã eska hayabuwẽ taeshũ ẽ matu yui ikai nĩkakãwẽ. Tsuabura hãtxai: “Ẽ Jesus ikũwaĩ ẽ matũ betsaki”, ibiai haska hiweama txakabui txutanamebauni inũ, mabu tibiwẽ kemui inũ, yushĩ dami betsa bitã kẽwaĩbu inũ, yupukunaĩbu inũ paeĩ heneisbuma inũ, betsa parãtã yumetsumisbu ha haskai beparamemisburã, ana hatubetã piama daĩkubaĩkãwẽ, ana hatube mapuamarã.

2 Tesalonicenses 3:14

Ha inũ, nukũ hãtxa nũ matu bumai hatiribũ nĩkakĩ tapĩkatsi ikama hatũ txakabu unaĩ hau dakenũbũ ana hatube mapuyamakubaĩkãwẽ.

2 Tesalonicenses 3:6

Ẽ betsabu inũ ẽ puibuũ, nukũ Shanẽ Ibu Jesus Cristõ nuku yunumiswẽ taeshũ nũ maturi yunuai, nĩkakãwẽ. “Nukubetã Jesus ikũwãkatsi ibiai tsuara nũ yusĩaĩ txibãma inũ beya bena nũ matu yusĩma danãkĩ akabumarã, ana hatukiri xinãyamakubaĩkãwẽ”, hatu dakewakinã.

Tito 3:10

Tsuãra Jesus Cristo ikũwaĩbu hatu itimaska wakĩ hatu pashkakatsi ikaibu merabewanũ, iwanã, kenatã mĩ yuia nĩkamakẽ ana ha katxu kenatã mĩ yuia nĩkamarikẽ hanushũ hau ana matube itxayamashanũ nematã hatu nitxĩwẽ.

2 João 1:11

Tsuãra ha parananaĩbu hatube hãtxanamekĩ beyawakinã, hawẽ txakabu habetã abaĩshãkanikiki. Uĩrashãkãwẽ.

3 João 1:10

Haska bestiama, hatunã, nukukiri txakabu yuikĩ nuku yuãkĩ nukuki kashei txanitxakamiskiaki. Ha inũ, yusĩnã betsabũ matu merabewanũ ika matu anu buaibu matu beyawamamakĩ nemai inũ tsuãra hatu beyawakatsis ikaibu nemakĩ hau habe mã ana itxayamanũbũ matu nematã tashnimamiskiaki, shanẽ ibukinã. Haskamiskẽ ea kayabis matũ mae anu kashũ kenatã habe hãtxakĩ ẽ txiteshanaii.