2 Coríntios 9:10 - Kaxinawá Bíblia (BR)

¹⁰ Haska keska Deusũ nuikipabu hatũ hawara inãmistũ maturi matuna inãmiskẽ yauxiama pashkashũ mã hatu inaĩbu ana akũhaira matu inãkĩ binumakĩ Deusũ matu merabewamakubaĩshanikiki.

Kashinawa : Diosun Jesúswen taexun yuba bena yiniki

¹⁰ Jaska keska Diosun nuikipabu jatun jawada inanmistun matudi matuna inanmisken yaushiama paxkaxun man jatu inainbu ana akunjaida matu inankin binumakin Diosun matu medabewamakubainxanikiki.

2 Coríntios 9:10 Referencias Cruzadas

Gênesis 47:19

Nuku hanubi biwe, nukũ yura inũ nukũ bairã, hawẽ taeshũ shekiwã nũ pikubainũbunã. Faraónẽ tsumabu nuku wawe, nukũ bai anushũ nũ ha dayashũkubaĩshanũbunã. Shekiwã mĩ nuku inaĩwẽ hiwekĩ nukũ bai anu banariai nũ hiwekũkaĩyutiruki. Mĩ nuku haska waya nukũ bai anu hamẽ txaka besti beneama iriatiruki. Mĩ nuku haska wamakẽ nũ mawaya nukũ bairi benushanikiki— akabu

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Isaías 55:10

Ana yuikĩ: “Ui inũ matsi tãki nai anua mai anu bututã ana hawẽri txĩtuãma mai metxa wakĩ pepa wa yunu banabu hukũmakĩ peshemamiski. Hanua hawẽ heshe ewatã kaniai ha bimi tsekatã misi watã pimisbuki.

Mateus 6:1

ana hatu yuikĩ: —Yura betsabu mã merabewai hau matu uĩ bestikĩ kẽwãnũbũ haskayamakubaĩshãkãwẽ. Hakia yurabũ berubi besti mã hatu merabewakĩ duawamiskenã, Epa Deus nai anuatũ hawa ana betsawẽ matu manakuama ishanikiki, kẽwãmarã.

2 Coríntios 9:12

Hawara Deusũ matu amakatsi ikai txibãkĩ Cristo ma ikũwaĩwẽ hawẽ kakapewẽ matu betsa wa yura betsabu shabakabi merabewakĩ mã hatu uĩmashanaii. Ha inũ, na mã hatu merabewashanai nukũ betsabu Jerusalém anua hawa hayabumakẽ nũ hatu bushuã bitã benimakĩ Deus kẽhairawashãkanikiki, matũ pepawẽ taeshunã.

2 Coríntios 9:6

Hanua haska hunĩ eskarabes mibaĩmatũ yunu ewai kaniai eskarabes tsekamis inũ, hunĩ mirima mibaĩma hawẽ yunu ewai kaniai akũhaira tsekamisrã, haska keska xinãkãwẽ.

Gálatas 3:5

Deusũ hawẽ Yushĩ Pepa matu inãshũ hawara dami itimaska hawẽ kuxipawẽ hunibũ atirubuma matu amakubaĩmisrã, haratu txibãkĩ matu amamismẽ? Moisés keneni mã txibãmiswẽ taeshũraka? Haskamahairaki. Uĩrakãwẽ. Deusũ hãtxa nĩkakĩ mã ikũwaĩwẽ taeshũ besti hawẽ kuxipawẽ matu amamiski.

Efésios 5:9

Ha shabapã nukũ xinã betsa wamatã nuku tapĩmai tsekekaĩkĩ mia imairã, nuku duapamai inũ, nuku kayatapimai inũ, nuku txani txakatimawaikiki.

Filipenses 1:11

Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Filipenses 4:17

Haskakẽ pei ẽ matu ea akamabia mã ea merabewamiswẽ taeshũ matũ pepa Deusũ hau matukiri ana xinãshanũ haska ẽ matukiri xinaiĩ.

1 Tesalonicenses 3:12

Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.