2 Coríntios 8:8 - Kaxinawá Bíblia (BR)

⁸ Haska matu yuikĩ ẽ matu yunuti mese washunamaki. Hakia Macedônia anuabũ hatu ashuĩmabu keska wakĩ Jerusalém anua nuitapaibu ikũwaĩbuwẽ maturi mã nuiai shabakabi dasibibu mã uĩmatirubuki, iwanã, ẽ matu haska xinãmaii.

Kashinawa : Diosun Jesúswen taexun yuba bena yiniki

⁸ Jaska matu yuikin en matu yunuti mese waxunamaki. Jakia Macedonia anuabun jatu axuinmabu keska wakin Jerusalén anua nuitapaibu ikunwainbuwen matudi man nuiai xabakabi dasibibu man uinmatidubuki, iwanan, en matu jaska shinanmaii.

2 Coríntios 8:8 Referencias Cruzadas

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

1 Coríntios 7:12

Haska tibi mã aĩyã inũ beneya mã hiweabu matu xinãkĩ haska nukũ Shanẽ Ibũ yunuama ibianikẽ haska matu tibikiri eã xinãkĩ ẽ matu yunuai ea nĩkakãwẽ. Jesus ikũwãriama betsa aĩyãbu inũ betsa beneyabukiri eska hiwekãwẽ. Mĩ aĩnẽ ikũwãmabia mibe hiweshũ mia merabewakatsi ikairã, nitxĩkĩ heneyamakãwẽ.

1 Coríntios 7:25

Hamẽ betsarã, beneyariabumakiri mã ea yukaima haskakiri nukũ Shanẽ Ibũ ea yunuamabia ewẽ dabanã ikĩ ea duawa hawẽ kuxipawẽ yununikai ẽ txĩtuãmawẽ taeshũ matukiri haska ẽ xinaĩ matu yusĩnũ nĩkairakãwẽ.

1 Coríntios 7:6

Na haska matu yusĩkinã: “Aĩyãkãwẽ, benayakãwẽ”, iwanã, yunuama inũ ẽ matu nemamariki.

2 Coríntios 6:6

Haska inũ, nukũ hiwea pepa kayabi nũ hatu uĩmairã, tsua parãma inũ, unãnepai sinatama txanima nũ ikũ kayabi ikai Deusũ Yushĩ Pepatũ kuxipaya nũ Deusũ tsumabu txanima nui kayabi nũ hiwekũkaĩmiski.

2 Coríntios 8:10

Haska inũ, na haska merabenãtikirirã, eã haska ẽ matukiri xinaĩ matu yuinũ ea nĩkakãwẽ. Hatu merabewakatsis ikĩ bari betsatiã matũ pei itxawakĩ taewakĩ benimayabi mã ayamaki.

2 Coríntios 8:24

Haskakẽ habu ha ikũwaĩbũ matu uĩayã haska mã hatuwẽ txanima nuiai hatu uĩmakĩ beyawashãkãwẽ. Mã hatu haska waya haska wakĩ nũ matukiri kẽwãkubaĩmis mã hatu uĩma kayabishanaii.

2 Coríntios 9:7

Haskakẽ yauxiama hatu merabewakĩ nukũ hawara benimayabi nũ hatu inãyã Deusũ abumiswẽ taeshũ tsuã matu yunuamabia bestibu haska mã yubaima keska hatu merabewai yauxibetanã inũ sinatabetanã inaĩ xinãma hawara mã pashkakatsi ikai hatu inãkuĩshãkãwẽ.

Efésios 4:15

Hakia abunamekĩ hãtxa kayabi yui nukũ Shanẽ Ibu Cristo keskai ewai hiweyukubainãkãwẽ, Cristo nukũ bushkakẽ haki dasi tsamitã nũ hawẽ yura ewawairã.

Efésios 6:24

Haska inũ, tsuabũra nukũ Shanẽ Ibu Jesus Cristo abukĩ betsa waisma hau Deus hatuwẽ nuikĩ duawakubainũwẽ. Hatiski, ẽ hãtxarã. Paulo

Hebreus 10:24

Ha inũ, nũ habũ ikũwaĩburã, merabenaĩ abunamei pepai duanamekubainãkãwẽ.

Josué 24:14

Haskakẽ Senhor Deuski mesekubaĩshãkãwẽ. Parananãma ikũ kayabi huĩti shabakabiwẽ Deus duawakubaĩshãkãwẽ. Ukeri henewã Eufrates inũ Egito anushũ matũ shenipabũ yushĩ betsa betsapa kẽwãbiapaunibũ habu henetã Senhor Deus besti duawakĩ kẽwãkubaĩshãkãwẽ.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.