2 Coríntios 8:3 - Kaxinawá Bíblia (BR)

³ Haska wakĩ hatũ xinãnẽ inãkuĩkĩ hawa yauxiama hati inãtirumabia binumaibu eã ẽ hatu uĩma ẽ matuki txaniaii.

Kashinawa : Diosun Jesúswen taexun yuba bena yiniki

³ Jaska wakin jatun shinanen inankuinkin jawa yaushiama jati inantidumabia binumaibu ean en jatu uinma en matuki chaniaii.

2 Coríntios 8:3 Referencias Cruzadas

Salmos 110:3

Ha shabatiã hatube detenamekĩ mĩ hatu maemashanũ minabũ mia merabewai mia anu beshãkanikiki. Mĩ mati meribihaira hatu dami wanirã, habũ nibi inũ penaya hawẽruahaira peshekirãmis keska bari tibi pei mĩ benaskũkaĩshanaii, berunãsi kushipairã.

Marcos 14:8

Haskakẽ eki sheni ininipa maukakĩ na aĩbũ ẽ mawariama bebũkiri ẽ yura ea pewashuki, hau hawama ea maiwaxarashanũbunã.

Hechos 11:29

Haskaibũ Judéia anushũ ikũwaĩ nuitapaibu hatu merabewanũ, ishũ, yuinametã hatu pei itxawashũkĩ pei itxapayabũ itxapa inãkĩ eskarabes hayabũ eskarabes inãkĩ hatu itxawashũtã hanua

Romanos 10:2

Israelbũ Deus duawakĩ dayashũkatsi imisbuwẽ taeshũ ẽ hatu kẽwãtiruki. Hakia haskai pepabiai hawẽ hãtxa kayabi unãkĩ txibãma kanemisbu eã ẽ unaiĩ.

1 Coríntios 16:2

Matu anu ẽ kariama ea manama domingo tibi matũ dayawẽ mã pei biai itxapa mã biaitũ pei itxapa aruaya eskarabes mã biaitũ pei eskarabes arukĩ ea manakãwẽ. Mã ma itxawaxĩkẽ

1 Coríntios 9:17

Ẽ xinãnẽ Deusũ kakape yusĩbaunũ, iwanã, emebi ẽ akĩ taewaniwẽ taeshũ mã ea devekeanaii. Hakia ẽ haska ẽ xinã meribi ẽ akama Deusũ ea kenatã ea txai putani ha ẽ dayashũshanũ ea katukĩ nitxĩnikẽ haskakĩ matũ hamapai tibi biãtibiakẽ ẽ tsua matu yukaismaki.

Gálatas 4:15

Hanushũ matũ beru ẽ matu ea akaya ea merabewanũ, iwanã, matũ beru tsekashũ mã ea inãkeanimabuki. Ea haska wai mã benimakubainimawẽ taeshũ haskai mã ana haskamamẽ?

Filipenses 2:13

Matũ hiwea mã ma Cristo inãniwẽ taeshũ xinã betsawẽ Deusũ matu benimawakĩ haska matuwẽ dayakĩ hawẽ xinã pepa tashnimaya haska abuai keska matu amakĩ merabewaya shabakabi ashũkubaĩkãwẽ.

Colosenses 4:13

Haska nukũ haibu Epafras matu inũ dasibi Laodicéia mae ewapa anuabu inũ Hierápolis mae ewapa anuabuwẽ nuihairai ẽ hawẽ hãtxa nĩkamisshũ ẽ matu yuiaii.

1 Tesalonicenses 2:8

Haska wakĩ matu abukĩ Deusũ kakape yusĩ benimai matuwẽ nuihairai kashakatsis iki haska xinaĩ ẽ matu mawashũkeanimaki. Haskawẽ taea ana habias matukiri xinãkĩ matu merabewanũ, iwanã, hamapai betsa nũ matu ashũkatsis ikaii.

Filemom 1:14

mĩ ekiri xinãkĩ yunuama ibianikẽ ẽ mia haskãwãtirumaki. Mĩ xinãnẽ mĩ ea yunu bestiai haska ea abukĩ mĩ ea amashũtiruki.

1 Pedro 4:11

Haska inũ, tsuãra yusĩkatsis ikinã, Deusũ matu yusĩmis keska besti hau hatu yusĩkubainũbũwẽ, ibubis hatũ hãtxawẽ akamarã. Ha inũ, tsuãra yura betsabu merabewakatsis ikĩ haska Deusũ matu kuxipa inãmis hatu uĩmakĩ hau hatu merabewakubainũbũwẽ. Hawara betsa betsapawẽ merabenãkĩ mã akubainairã, hawẽ Deus hatu kẽwãmakubaĩkãwẽ, Jesus Cristowẽ taeshunã. Mã hatu haska wakubainairã, Jesus Cristo shanẽ ibumis dasibi kuxipa pepa hawenaki, ikibi ini hawẽ kuxipa paepa heneismarã. Haskakirã.

1 Pedro 5:2

Deusũ enabu txashuwã keska matube hiweabu Deusũ matu yununi hatu mekeirakubaĩkãwẽ, mã haska pe xinãkĩ hatu merabewakatsi ikairã, haska Deusũ abuai keska wakinã. Hatu yunu bestiama inũ pei binũ ika kemuama hakia xinã tibi wama pe bestiwẽ nuikĩ hatu pe mekekĩ ashũkubaĩkãwẽ.