2 Coríntios 7:8 - Kaxinawá Bíblia (BR)

⁸ Hanushũ ẽ kenewẽ ẽ matu dakewakĩ huĩti nixmawakĩ ẽ matu tsiũ akima ẽ unaiĩ. Ha inũ, matu haska bumai eari ẽ huĩti tsiũ iriayuimaki. Ẽ matu haska waima ẽ ana haskakiri matu xinãmaki.

Kashinawa : Diosun Jesúswen taexun yuba bena yiniki

⁸ Januxun en kenewen en matu dakewakin juinti nishmawakin en matu tsiun akima en unaiin. Ja inun, matu jaska bumai eadi en juinti tsiun idiayuimaki. En matu jaska waima en ana jaskakidi matu shinanmaki.

2 Coríntios 7:8 Referencias Cruzadas

João 21:17

ana hawẽ henekĩ Pedro yukakĩ: —Jonasĩ bake Simãoneẽ, mĩ ea abuhairai?— aka dabe inũ bestiki habias yukaiwẽ taea Pedro huĩti nixmai punu nukatã abuaiwẽ taeshũ yuikĩ: —Shanẽ Ibuũ, ẽ xinã dasibi unãkĩ ẽ mia abuhairairã, mĩ unaiĩ— aka —Habiaskari wakĩ enabu txashuwã keska hatu yusĩkĩ hatu ea mekeshuĩrakubaĩshãwẽ— iwanã,

2 Coríntios 7:11

Hakia maturã, matũ txakabu haska Deusũ matu unãmaiwẽ matũ huĩti nixmabiatã pepanũ, iwanã, ẽ yusĩa txibaĩ ẽ haska abuai ea uĩmai eki mesekĩ ha hunĩ txakabukĩ matu txakabuwaima haska waima ẽ matu xinãma matu datei haki sinatatã pewai hawa kuxi dakewakĩ mã nemaimaki. Haska ẽ matu waima ha huni pewai mã hawa hawẽ txakabu ana habe hayama nũ unaiĩ.

2 Coríntios 7:12

Eskawẽ taeshũ ẽ matu ha aniki. Ha huni hawẽ ibuã aĩbe hiwea merabewanũ, ikama inũ hunĩ hawẽ aĩ ma mebiã merabewanũ ikamari hakia haskama nukuwẽ nuikĩ haska nukũ yusĩa mã txibãkatsis ikai Deusũ matũ xinã unãmaya mã unãnũbũ: “Mã itxamis anua ha huni nitxĩrikãwẽ”, iwanã, matu anu kene bumakĩ ẽ matu haskakiri xinãkĩ bumayamaki.

2 Coríntios 7:6

Hakia haska yura babu punu nukabu Deusũ benimawamistũ nukũ haibu Tito nukuki nukumakĩ Deusũ nuku benimawaimaki.

2 Coríntios 7:7

Ha Tito hikituxikĩ nuku benimawai bestiwẽma hakia haska matube pe hiwetã matube haskaxina txaniai nĩkai inũ haska ha huni hawẽ ibuã aĩbe hiwea nitxĩmashũ ikis mã ha huni merabewai inũ, haska mã ea uĩkatsis ikai Tito nukuki txaniaya ẽ xinã txãkaĩ matuwẽ ẽ tse ikũkainimaki.

2 Coríntios 7:9

Hanushũ ẽ matu haska waya matũ txakabu unãtã xinã betsa watã hawara Deusũ matu amakatsis ikai dateama mã akimaki. Ha inũ, matu ha abiakĩ nũ hawa matu txakabuwama ikima mã unaiĩ. Hakia nukũ hãtxa nĩkabiatã matũ xinã mã betsa wamakenã, Deusũ matu kupikeanimaki. Haskawẽ taea natiã matuwẽ ẽ benimaii.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.