2 Coríntios 7:2 - Kaxinawá Bíblia (BR)

^2-4 Mã pe hiweabuwẽ taea matukiri nĩkatã xinaĩ hawa dateama matukiri shabakabi hãtxakĩ ẽ matu kẽwaiĩ. Hamapai bika nũ tenerabebiai haska mã pe hiweabu nĩkai ẽ huĩti benimahairaii. Matũ txakabu henetã nuku keskakĩ Deus duawanũ ika mã hiweaya matuwẽ nuihairai ẽ matuki ana ha ikamaki. Haskarã, ma bebũkiri ẽ xinãwẽ ẽ matukiri txanimaki, ẽ matube hiwekatsi ikai inũ ẽ matube mawakatsis ikairã. Hanua nũ tsua txakabuwaismabiakẽ yura eskarabes matu anushũ nukukiri xinã txakakĩ: “Paulo inũ habetã yusĩmisbũ nukũ hamapai biãkĩ nuku nuitapawakĩ itxakawakĩ nuku paraĩmabuki”, ikaibu nũ hatu haska waismawẽ taeshũ hatu ikũwãyamakãwẽ. Hakia nũ matũ haibuaibuwẽ taea matuwẽ nuihairakĩ nũ matu pe xinãmis keska wakĩ nukukiriri pe xinãkãwẽ.

Kashinawa : Diosun Jesúswen taexun yuba bena yiniki

^2-4 Man pe jiweabuwen taea matukidi ninkatan shinain jawa dateama matukidi xabakabi janchakin en matu kenwaiin. Jamapai bika nun tenedabebiai jaska man pe jiweabu ninkai en juinti benimajaidaii. Matun chakabu jenetan nuku keskakin Dios duawanun ika man jiweaya matuwen nuijaidai en matuki ana ja ikamaki. Jaskadan, ma bebunkidi en shinanwen en matukidi chanimaki, en matube jiwekatsi ikai inun en matube mawakatsis ikaidan. Janua nun tsua chakabuwaismabiaken yuda eskadabes matu anuxun nukukidi shinan chakakin: “Pablo inun jabetan yusinmisbun nukun jamapai biankin nuku nuitapawakin ichakawakin nuku padainmabuki”, ikaibu nun jatu jaska waismawen taexun jatu ikunwanyamakanwen. Jakia nun matun jaibuaibuwen taea matuwen nuijaidakin nun matu pe shinanmis keska wakin nukukididi pe shinankanwen.

2 Coríntios 7:2 Referencias Cruzadas

Mateus 10:14

Ha inũ, hanishũra matu danãkĩ nĩkakatsi ikabumakẽ hatu unãti wakĩ hanua kaĩbaĩkĩ matũ tae anua mai kuru hatuki tabaĩshãkãwẽ, hau habiaskasi hiwenũbunã, hawa unãmarã.

Mateus 10:40

ana nuku yuikĩ: —Haska inũ, ẽ matu nitxiã mã kakẽ tsuãra matũ hãtxa nĩkakĩ matu beya wakĩ eari beya wakĩ haibu washãkanikiki. Tsuabũra ea haibu wakĩ hatũ ea yununiri haibu wariashãkanikiki, hawẽ hãtxa nĩkakinã.

Lucas 10:8

Hanira mae anu mã hikia matu beya waibu anushũ hawara piti matu inãbu piyushãkãwẽ, danãmarã.

Hechos 20:33

—Daketapakĩ ibubis matũ pei inũ matũ mabu matu bianũ ika kemuama

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 11:16

Haska ẽ tatima keska ekiri xinãkĩ tsuabũra mã haska xinãmiskẽ haska mã habũ xinãmis ẽ tatima ibubis ẽ kẽtiru mã ana ekiri xinãyamanũbũ matu yui ẽ hawẽ keĩ hãtxai ea nĩkakãwẽ.

2 Coríntios 11:9

Hanua matu anu yusĩ hiweyui kashũ ẽ hawa hayamabia matu daketapa wakatsi ikama ẽ xinãyã nukũ betsabu Macedônia anushũ haska ẽ hayama ẽ binũ hatũ pei ea bumayamabuki. Mã ma ea haska wayamawẽ taea matu anu ana ẽ kakenã, mã ea ayama keska besti ea wakubaĩshãkãwẽ.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

Filipenses 2:29

Nukũ Shanẽ Ibuwẽ taea nukũ betsa Epafrodito kai benima paewẽ ikĩ peirawashãkãwẽ. Ha inũ, tsuabura ha keskaburi abukĩ hawẽ hãtxa nĩkanũ ishũ hatu ikubaĩkãwẽ.

Colosenses 4:10

Haska inũ, Aristarco ebe bitximabũ hawẽ hãtxa matu bumariakĩ yuikĩ: “Deusũ hau matu duawakubainũwẽ”, matu waikiki. Barnabẽ txai Marcõs habiaskari hawẽ hãtxa matu bumariaikiki. Marcoskiri ẽ matu yuimaki. Hatiãra matukiri bakĩ matu yusĩ kaya ikĩ pewatã duawashãkãwẽ.

1 Tesalonicenses 2:10

Haska mã ikũwaĩbube hiwea pepakũkaĩkĩ hawa kaneama nũ matu hawa txakabuwama ikũkainima Epa Deusbetã mã unaiĩ.

Filemom 1:12

Onésimo ẽ abuhairai mia anu ẽ ana nitxiã kaikiki. Haki dakeama mĩ ea atiru xinãkĩ haska keska washãwẽ.

Filemom 1:17

Haskawẽ taeshũ ebetã Jesus ikũwãkĩ mĩ ea haibuwaniki. Haska ekiri xinãkĩ mĩ ea duawai keska wakĩ ewẽ taeshũ Onésimo ana irishãwẽ.

2 João 1:10

Ẽ matu yuiai keskabu Jesusũ hãtxa kayabi matu pe yusĩabuma habũ matu yusĩnũ ika buaiburã, habe hãtxanameama inũ matũ hiwe anu hatu ikĩ mapemayamashãkãwẽ.