2 Coríntios 7:11 - Kaxinawá Bíblia (BR)

¹¹ Hakia maturã, matũ txakabu haska Deusũ matu unãmaiwẽ matũ huĩti nixmabiatã pepanũ, iwanã, ẽ yusĩa txibaĩ ẽ haska abuai ea uĩmai eki mesekĩ ha hunĩ txakabukĩ matu txakabuwaima haska waima ẽ matu xinãma matu datei haki sinatatã pewai hawa kuxi dakewakĩ mã nemaimaki. Haska ẽ matu waima ha huni pewai mã hawa hawẽ txakabu ana habe hayama nũ unaiĩ.

Kashinawa : Diosun Jesúswen taexun yuba bena yiniki

¹¹ Jakia matudan, matun chakabu jaska Diosun matu unanmaiwen matun juinti nishmabiatan pepanun, iwanan, en yusian chibain en jaska bechipaiai ea uinmai eki mesekin ja junin chakabukin matu chakabuwaima jaska waima en matu shinanma matu datei jaki sinatatan pewai jawa kushi dakewakin man nemaimaki. Jaska en matu waima ja juni pewai man jawa jawen chakabu ana jabe jayama nun unaiin.

2 Coríntios 7:11 Referencias Cruzadas

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Salmos 2:11

Senhor Deus duawai dayashunirã, haki mesei datekĩ benima besti wakubaĩkãwẽ.

Salmos 42:1

Ni txashũ ũpash manui hene benai kamis keskai Senhor Deusuũ, haska keskariakĩ ẽ mia benakubainaii.

Salmos 69:9

Hanu miki nukuti hiwe betxipaikĩ ẽ shinã txakayamaii. Ha inũ, tsuabura mikiri hãtxa txakabukĩ ha ikĩ mia txiteaibu eã ẽ mia teneshũkubainaii.

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Daniel 6:14

haska nĩkatã huĩti nishmahairai: “Daniel hau mawayamanũ hawawẽ ẽ merabewatirumẽ? pashawakinã”, ikĩ Dariõ benabaũkĩ bari hikiriama hawẽ yunuti hãtxa keneshinabu maewakatsis ikĩ Dariõ bika teneaya

Marcos 3:5

yuinameakeakekĩ hatũ xinã bikawaibũ Jesus nĩkakatsis ikabumakẽ hanua Jesus sinatai huĩti nixmashũ hatu uĩkĩ keyutã ha huni mekẽ meyuxki yuikĩ: —Mĩ mekẽ mexãwẽ— aka mexãyã hawẽ mekẽ ma mepekei peaya

João 2:17

Jesusũ haska wai uĩkĩ haska nukũ shenipabu Davĩ Jesuskiri yuikĩ: “Deus kẽwãti hiwewẽ taea hawa dateama nashukui sinatakĩ ẽ yauxishanaii”, akĩ keneni atimas nũ xinãyã

Hechos 17:16

hanua Paulo Atenas anushũ Silas inũ Timóteo manakĩ ha mae ewapanu dami yushĩ wanibu itxapa kẽwãmisbu uĩkubauni hatuwẽ nui bika tenehairai

Romanos 11:20

Eskawẽ taeshũ hatu meshtea keska wanirã, matu yuinũ nĩkakãwẽ. Habunã, Deusũ hãtxa ikũwãbumawẽ taeshũ hatu heneniki. Hakia matubu mariastũ mã ikũwaĩburã, hawenabu matu waikiki. Haskawẽ taea hawẽ keãma Deus bestiki mesekubaĩkãwẽ.

Romanos 14:18

Ma haska hiwekĩ Cristo duawakĩ hawẽ Epa Deus benimawaya yurabũri matu uĩkĩ kẽwãtirubuki.

Romanos 3:5

Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya

1 Coríntios 12:25

Haska nukũ yura pashkaisma keskai ikũwaĩbu dasibi xinã betsa betsapa nũ hayama habiaskas nũ xinaĩbu habube duanamei ikũwaĩ betsabu uĩkĩ hatũ hamapai tibi hayabumawẽ hatuwẽ nuikĩ nũ merabenanũbũ Deusũ nuku katumakeakemiski.

1 Coríntios 5:2

Matu anua haskabiaya matũmebi mã hawẽ keaiĩ, ha huni ha akĩ huĩti nixmawamarã. Hawa yuiama mã habe hiwea itxakũkainairã, haska ha hunĩ matu wairã, nitxĩtiki. Nematã tashnimarikãwẽ.

2 Coríntios 13:7

Nukukiri xinãkĩ unãti wakĩ hatibũra nukũ yusĩa mã abuamabiakẽ haska nukukiri mã xinaĩ nũ hawẽ nuiamaki. Hakia mã pe besti hiwenũbũ nũ matuwẽ nuikũkainaii. Haska mã hiweabu hau hawa txakabũ matu atxiyamanũ Deusũ kuxipa nũ matu yukashũkubainaii.

2 Coríntios 2:6

Na besti ẽ matu yuiai nĩkakãwẽ. Hawẽ txakabuwẽ taeshũ mã ha tashnimaima matube ana itxatiruma tenehairakubaĩkĩ hatishũ mã bika tenemaima henetã ikũwaĩ hau heneyamanũ matu mã hawẽ nuiai hau unãnũ ana itã beyawakĩ daewarikãwẽ. Hakiri hawẽ txakabu ana xinãma hakimawakĩ maturi hakimarikãwẽ.

2 Coríntios 6:4

Hakia nũ haskai Deusũ tsuma ikinã, eskawẽ nũ matu uĩmamiski. Hamapai bika nuku tenemaibu mei hawa hayama nuitapakĩ nũ hawa hatu kemama tenekubaĩmiski.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

2 Coríntios 7:7

Ha Tito hikituxikĩ nuku benimawai bestiwẽma hakia haska matube pe hiwetã matube haskaxina txaniai nĩkai inũ haska ha huni hawẽ ibuã aĩbe hiwea nitxĩmashũ ikis mã ha huni merabewai inũ, haska mã ea uĩkatsis ikai Tito nukuki txaniaya ẽ xinã txãkaĩ matuwẽ ẽ tse ikũkainimaki.

2 Coríntios 7:9

Hanushũ ẽ matu haska waya matũ txakabu unãtã xinã betsa watã hawara Deusũ matu amakatsis ikai dateama mã akimaki. Ha inũ, matu ha abiakĩ nũ hawa matu txakabuwama ikima mã unaiĩ. Hakia nukũ hãtxa nĩkabiatã matũ xinã mã betsa wamakenã, Deusũ matu kupikeanimaki. Haskawẽ taea natiã matuwẽ ẽ benimaii.

Efésios 4:26

Ha inũ, maturã, tsuara mã sinatamisrã, ana hawẽ txakabuyamakãwẽ. Tsukira sinatabiatã ana manai hatishuĩra bari txai tanama ushariama daenamekubaĩkãwẽ.

Efésios 5:11

Tsuabura mexu merã nia keskashũ txakabu xinãtã matu amakatsis ikaiburã, hawa pe hayabumaki. Ana hatuki dasiama matuĩ hatu dakewakĩ shabakã kaĩma keska wakĩ shabakabi pepakiri hatu yuikubaĩkãwẽ.

Filipenses 2:12

Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.

1 Tesalonicenses 4:6

Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.

1 Timóteo 5:20

Hanushũ txakabu wakubainaibu pewanũ itã Deuski hatu datemakĩ dasibiburi hau daterianũbũ itxashũ nĩkaibũ pewakĩ hatu mesewakĩ shabakabi nemakubaĩwẽ.

2 Timóteo 2:15

Hamẽ mia ikirã, hĩ hĩ ikama mĩ Deus dayashunairã, Deusũ besuubi hawa berabini mĩ dakeama ishanairã, txanima hãtxa Jesus Cristokiri dasibi hatu yui pepakũkaĩwẽ. Mĩ haskamiswẽ taeshũ Deusũ mia unãti wakĩ: “Huni dayakapakũkaĩkĩ mĩ ea dayashũmis peki”, iwanã, mia yuishanikiki. Xinaĩrakubaĩwẽ.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 4:1

Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.

Santiago 3:17

Hakia haska Deus anua huai haya hawẽ unãnepakĩ akirã, mã eskatirubuki. Matũ yura mã shanẽ ibubia matũ xinãwẽ shanẽ ibukiri xinãma hatu binukatsi ikama pe besti ikũkaini shabakabi mã hatu uĩmatirubuki. Ha dikabi duapai inũ, hatuwẽ nuikĩ betsabu hãtxai nemama nĩkamis inũ, daewanika inũ, betsabuwẽ nui merabenã bestimis inũ, beparameama dasibi hatu merabewamis inũ, txanima yui kayabimis inũ, yurabu paraĩsma inũ, Deus txibaĩ txĩtuãma inũ, pepas besti katui unãnepabu mã hiwetirubuki.

1 Pedro 1:17

Habiaskari wakĩ yurabu betsa betsapa dasibi uĩkĩ hatũ xinã tibi inũ haska wamisbu tibi kaneama Deusũ unãti washanaiwẽ taeshũ Deus dayuikĩ: “Epaã, ea mekewe”, aki bari tibi matũ hiweawẽ duawakĩ kẽwaĩ haki mesekubaĩkãwẽ.

1 Pedro 2:2

Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,

Judas 1:23

Mã habuwẽ nuikĩ merabewakatsis ikairã, hatũ kupiti ma kemawabu txi anu ma kemai keskabu menã hatu neshea keska warikãwẽ. Betsabu habũ txakabu mã abuamabia matũmebi meketã hatũ hiwea beya husiama danãbiakĩ hau Jesus Cristo ikũwanũbũ hatu merabewakubaĩkãwẽ.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.