2 Coríntios 5:5 - Kaxinawá Bíblia (BR)

⁵ Deusũ nuku haki maewakatsi bebũkiri yubakatã hawẽ Yushĩ Pepa hawẽ unãti watã kanetima nuku inãni hawẽ taeshũ nũ bishanairã, nũ hayaki.

Kashinawa : Diosun Jesúswen taexun yuba bena yiniki

⁵ Diosun nuku jaki maewakatsi bebunkidi yubakatan jawen Yushin Pepa jawen unanti watan kanetima nuku inani jawen taexun nun bixanaidan, nun jayaki.

2 Coríntios 5:5 Referencias Cruzadas

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

Romanos 8:23

Habu bestima nuku dikabirã, nũ Deusũ bakebunã, hawẽ Yushĩ Pepawẽ haska Deusũ nuku duawashanai hawẽ unãti wati yubani nũ haya hawẽ bake kaya keska wakĩ yura bena nuku inãshanai bishanũ ika hawara hawẽ bakebu yubabaini Deusũ nuku inãshanai huĩti detsupe ishũ bika tenekĩ nũ manayuaii.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

1 João 3:24

Tsuãra Deusũ hãtxa nũ txibaĩburã, nũ haki dasia hiwea inũ hari nukuki dasiria hiweriaki. Ha inũ, hawẽ Yushĩ Pepa nuku yunua nũ biniwẽ taeshũ nukuki dasia hiwea nũ unãkanaii.