2 Coríntios 5:11 - Kaxinawá Bíblia (BR)

¹¹ Haskakẽ nukũ Shanẽ Ibũ kuxipa meseki datekĩ hawẽ kaka pepakiri yurabũ hau Jesus ikũwanũbũ nũ hatu yusĩbaunai haskai nũ hiwemis Deusũ nuku unãhairaikiki. Haskawẽ taeshũ hau mã tapĩrianũbũ pe hiwekĩ hãtxa txanima nũ matu yusĩmis unãkĩ mã xinãtiruki.

Kashinawa : Diosun Jesúswen taexun yuba bena yiniki

¹¹ Jaskaken nukun Xanen Ibun kushipa meseki datekin jawen kaka pepakidi yudabun jau Jesús ikunwanunbun nun jatu yusinbaunai jaskai nun jiwemis Diosun nuku unanjaidaikiki. Jaskawen taexun jau man tapindianunbun pe jiwekin jancha chanima nun matu yusinmis unankin man shinantiduki.

2 Coríntios 5:11 Referencias Cruzadas

Gênesis 35:5

hatu haska wamabaini tashnibainaibũ mae tibi anua Deusũ hatu datemabaunaiwẽ taeshũ Jacó hawenabube detekatsi ibiai datekĩ hawẽ bakebube txibãma inibukiaki.

Jó 31:23

Deusũ ea kupikĩ tenemaya haskatã hawẽ kushipa ẽ nematiruma hawẽ ẽ datehairaii.

Salmos 73:19

Hawa manama hawaira mĩ hatu yamawashanaii. Habu date betsa betsapaya dasibi keyushãkanikiki.

Isaías 33:14

Sião anu huni txakabu hiweshũ txakabuwamisbu datei habu saki saki ikaibũ habu patapai txakabumisbu date paepakĩ habũ yuikĩ: “Deusũ txiwẽ nuku kupikĩ yamawai inũ hawẽ txi nukaisma ikibi ikanurã, nukuburã, tsuabu nũ hari hiwetirubumẽ?” ikaibũ

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Lucas 12:5

Hakia haki besti mesei mã datekubainũbũ matu yuinũ nĩkakãwẽ. Tsuãra matũ hiwea tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Txanima ẽ matu yuiairã, ha bestiki datei mesekubaĩkãwẽ.

Lucas 16:31

ana nemakĩ Abraãonẽ yuikĩ: “Moisés yusĩa txanima inũ Deusũ hãtxa yuishunikabũ hatu yusĩni hawa nĩkaisbumawẽ taeshũ huni mawa ana bestẽkaini kashũ minabu hatu yusĩbia hawa nĩkamari itirubuki”, akĩ Abraãonẽ nemaimaki— iwanã,

Hechos 13:43

hanushũ judeubu itxapabu inũ nawabũ judeubũ beya txibãmis itxapabũri Jesuskiri kakape hãtxa ikũwãkĩ Paulo inũ Barnabé nĩkakubainaibu txĩtuãma hau pepawẽ Deus benimawakubaĩshanũbũ hatu yusĩnibukiaki.

Hechos 18:13

judeubũ itxati hiwe mekenika shanẽ ibu Sóstenesĩ txitekĩ Romano shanẽ ibu yuikĩ: —Na huninã, Moisés hãtxa nukũ shenipabu yusĩni ana hatu txibãmama haska wakĩ hau Deus kẽwãnũbũ yusĩa benawẽ na huni kakũkaũkĩ nukunabu yusĩ txakaikiki— akaya

Hechos 18:4

hanua sábado huĩrukũti tibitiã hanu judeu itxamisbu hiwe anushũ Jesuskiri hatu yusĩkĩ hatu tapĩmakĩ ikũwãmai judeubu inũ Gregonawabube Paulo hãtxanamekũkainaya

Hechos 19:26

Ha yusĩnã Paulõ hatu yuikĩ: “Mekenẽ hunĩ damiwarã, yushĩ kuxipa deusmaki”, akĩ yurabu habũ bimisbu nuku putamakanikiki. Nenu nukũ mae Éfeso anu bestima hakia Ásia hirabi anushũ hatu yusĩkubaunai nĩkakĩ hatu haska wai mã unaiĩ.

Hechos 26:26

Haskarã, ha shanẽ ibu Agripã Deusũ hãtxa unaĩwẽ taeshũ dateama haskakiri hãtxakĩ ẽ yui ikaii. Haska eã ẽ hakiri xinãnã, unã keyuriaikiki. Txanima Jesus hawa huneama habiaskariai hiwekũkainiki— iwanã,

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

2 Coríntios 6:1

Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

Efésios 5:21

Haska inũ, Cristokiri pe xinãkĩ mã duawakatsis ikairã, ikũwaĩbu betsabube binunãnãkatsis ikama hatube yununãnãma nĩkakanãkubaĩkãwẽ.

Hebreus 10:31

Txanima hawara tibi txakabui ikaiburã, mese beshmaski. Hamẽ Deus Hiweatũ hatu kupiai tibi ishanairã, mese mepakekubaĩshãkanikiki, hau haki besti datekubainũbũwẽ.

Hebreus 12:29

Nukũ Deus kuxiparã, txi keskaki, dasibi yamawakĩ keyutirurã.

Judas 1:23

Mã habuwẽ nuikĩ merabewakatsis ikairã, hatũ kupiti ma kemawabu txi anu ma kemai keskabu menã hatu neshea keska warikãwẽ. Betsabu habũ txakabu mã abuamabia matũmebi meketã hatũ hiwea beya husiama danãbiakĩ hau Jesus Cristo ikũwanũbũ hatu merabewakubaĩkãwẽ.

Apocalipse 20:15

tsuabũra Deus txibãkĩ Jesus ikũwãbuma habũ kena Deusũ haki kenemis una anu habũ kena hayama ha iã hanu menui here hi hi ikai anu ma hatu puta keyuabuki.