2 Coríntios 4:8 - Kaxinawá Bíblia (BR)

^8-10 Haska inũ, Jesus anibu keska wakĩ nukuri itxakawakĩ tenãkatsis ibiaibũ hamapai bika betsa betsapa nuku waibu tenekĩ Jesus Cristo nukũ Shanẽ Ibu hiweatũ nuku merabewakubainai txĩtuãma dasibibu nũ hatu uĩmakubainaii. Haska tibi Jesus Cristõ nuku merabewamis matu yuinũ nĩkakãwẽ. Hamapai bika betsa betsapa nuku tenemakĩ harakiri nuku pashatimawabiaibũ nukũ Shanẽ Ibuã bai nũ manaka besumawamaki. Ha inũ, nuku tenãkatsis ibiaibũ hatuwẽ datekĩ nukũ Shanẽ Ibu nũ henebaĩsmaki. Nuku nemanũ ishũ kushakĩ nuku di abiaibunã, hawẽ taeshũ nuku yamawatirubumaki.

Kashinawa : Diosun Jesúswen taexun yuba bena yiniki

^8-10 Jaska inun, Jesús anibu keska wakin nukudi ichakawakin tenankatsis ibiaibun jamapai bika betsa betsapa nuku waibu tenekin Jesucristo nukun Xanen Ibu jiweatun nuku medabewakubainai chintuanma dasibibu nun jatu uinmakubainaii. Jaska tibi Jesucriston nuku medabewamis matu yuinun ninkakanwen. Jamapai bika betsa betsapa nuku tenemakin jadakidi nuku paxatimawabiaibun nukun Xanen Ibuan bai nun manaka besumawamaki. Ja inun, nuku tenankatsis ibiaibun jatuwen datekin nukun Xanen Ibu nun jenebainsmaki. Nuku nemanun ixun kuxakin nuku di abiaibunan, jawen taexun nuku yamawatidubumaki.

2 Coríntios 4:8 Referencias Cruzadas

Salmos 37:33

Senhor Deusũ hawenabu hatu pe mekeawẽ taea haska huni txakabubũ hatukiri shinã txakabiaibũ hatu nemashũmiski. Ha dikabi tsuabũra hatu metukĩ unãti wabiaibũ hawa txakabu habukiri hayama ishãkanikiki.

Provérbios 14:26

Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

Provérbios 18:10

Senhor Deusũ kushipa kayabi shinãtirã, mishki kushipa hiwe keyatapa wanibu hanu iruti keskaki. Tsuara pepabu hatũ mekenika Senhor Deus anu itxai buaibu hatu mekekubaĩmiski.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Habacuque 3:17

Nukũ Mekenika Senhor Deusũ nuku pashawashanaiwẽ taea ẽ benimahairashanaii. Nukũ mai pakekawana nukuki sinataibũ dasibi txakabuwakĩ keyuabũ figueira hi hua hawa hayama inũ, uva bai hawa bimi hayama inũ, oliva hi hawa bimi hayamarikẽ hanua bai anuri hawa mibã bimi tsekatirubu hayamarikẽ txashuwã shukua dasibi yumetsui keyuabu ana hayama inũ, inapã hiwe anu ina awa betsa taska niamabiakẽ Senhor Deus ẽ kẽwãkubaĩshanaii.

João 14:18

Haskawẽ taeshũ eãnã, baxikĩ bake ibuuma keska wakĩ ẽ matu henebainamaki. Hakia ana matube iki ẽ ana txĩtũkirãshanaii.

1 Coríntios 10:13

Tsuabũra hawara txakabu ma huni mã meriama inũ txakabuhairatũ matu atxima ana matu atximakatsis ikai nukũ yura babũ nũ tenetirumarã, xinãkãwẽ. Haskawẽ taeshunã, mĩ yura babubiakẽ Deus putama haki txiti ikubaĩkãwẽ, nuku babu watã hau nuku bika tenemakĩ haska tsuã tenetiruma nũ haskatã binutirumaki. Matu haska tenemabiaya hawẽ baxikuama Deusũ hawẽri hawẽ kuxipa matu unãmakĩ matu hawẽ tashnimakĩ matu binumashanikiki, txakabu tenekĩ mã binuaiwẽ taeshunã.

2 Coríntios 12:10

Haskakẽ babui Cristõ kuxipawẽ ẽ kuxipatiruwẽ taea Cristo duawanũ, ika ẽ xinã txãkãmiski, eska tibiwenã, ẽ babuaiwẽ inũ, eki sinataibuwẽ inũ, ẽ yumaĩ hawaumawẽ inũ, ea tenãnũ ishũ ea itxakawaibuwenã, Cristowẽ dayai ẽ bika tenekubainaiwenã. Hanu ẽ babuhairaitianã, Cristõ kuxipa ẽ mekubaĩmiski.

2 Coríntios 6:12

haska mã nukukiri xinãmis xinaĩrakãwẽ. Nũ matuwẽ nuikĩ nũ matu danãmabiakẽ matũri matũ nui uĩmakĩ mã nuku hawa waismaki.

2 Coríntios 6:4

Hakia nũ haskai Deusũ tsuma ikinã, eskawẽ nũ matu uĩmamiski. Hamapai bika nuku tenemaibu mei hawa hayama nuitapakĩ nũ hawa hatu kemama tenekubaĩmiski.

2 Coríntios 7:5

Macedônia mai pakea anua nũ huai yura itxapabũ nuku yumãwãkĩ nuku haska wakubiranimabu matu yuinũ nĩkakãwẽ. Deus danãkĩ nuku itxakawakĩ bikawakĩ nuku deteaibũ harakiri haskatima date paepai nũ hani haskatã huĩrukũtirumahaira ikimaki.

Gálatas 4:20

Haskarara mã xinaĩ ikai ẽ matu unãmaki. Hamẽ natiã ea kayabis ẽ harirã, haska ẽ xinaĩ hãtxa pewẽ ẽ matu yui kapanã ẽ katirumaki.

1 Samuel 28:15

Samuelĩ Saul yuikĩ: —Ea iwekĩ haskakĩ mĩ ea bika tenemabiranai?— aka kemakĩ Saulũ yuikĩ: —Natiã date paepakĩ ẽ mia aki ikaii. Filisteu nawa itxapabu beshũ nuku detenũ ikaibu ẽ hatu haska washũ nematirumaki. Deus ẽ yukabia Deusũ daki ma ea heneaki. Ea ana kemama inũ hawẽ hãtxa yuishunikabu anu inũ usha namaiwẽ ea kemamaki. Haskawẽ taeshũ ẽ hatu haska watiru mĩ ea yuinũ ẽ mia kenashuki— aka

1 Samuel 31:4

hawẽ detenameti mabu bushunika hawẽ tsuma Saulũ yuikĩ: —Hawa Deus umabũ ea atxitã eaya kashekĩ ea bika tenematirubuki. Hau habuã ea tenãyamanũbũ miã mĩ matxatu txaipa kenuhaira sitã ea detekĩ tenãwẽ— aka hakia hawẽ tsuma hawẽ datekĩ haska yunua akamawẽ taea haska uĩtã Saul ibubis hawẽ matxatu txaipa maiki timatã haki beukaini tatxakash iki hawẽ matxatu debuwẽ txatxitã hawaira debuaya