2 Coríntios 3:8 - Kaxinawá Bíblia (BR)

⁸ Hakia haska nukũ txakabu Cristõ buakatsis inikiri Deusũ Yushĩ Pepatũ nuku yubakĩ hawara Deusũ Moisés yusĩa yusĩ hawẽ besu txasha txasha iki kuxipai txani pehairabianikẽ hawẽ Yushĩ Pepatũ haska wani ana binumaikiki.

Kashinawa : Diosun Jesúswen taexun yuba bena yiniki

⁸ Jakia jaska nukun chakabu Criston buakatsis inikidi Diosun Yushin Pepatun nuku yubakin jawada Diosun Moisés yusian yusin jawen besu chaxa chaxa iki kushipai chani pejaidabianiken jawen Yushin Pepatun jaska wani ana binumaikiki.

2 Coríntios 3:8 Referencias Cruzadas

Isaías 11:2

Deusũ Yushĩ kushipa habe ketashametã putama eska wamakubaĩshanikiki. Ha huni Deusũ Yushinĩ merabewa haratu bai pepa inũ haratu bai txakabu unãmatiru wakĩ inũ, hawẽ unanepati inãkĩ inũ, hawẽ shinã bebũkiri pewanika inãkĩ inũ, kushipa inãkĩ inũ, Senhor Deuski mesetirubu unãmanika ishanikiki.

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

João 7:39

Haska nuku yuikinã, Deusũ Yushĩ Pepakiri nuku yuiniki. Hanushũ Jesus ikũwaĩbu hawẽ kuxipa Deusũ inanũ ikaya Jesus mawa besteã hawẽ Epanu kariamakẽ Deusũ Yushĩ Pepa nuku inãyuama iniki.

1 Coríntios 3:16

Haskawẽ taeshunã, matunã, mã unãmamẽ? Mã ikũwaĩbu Deus matubekẽ mã hawẽ hiwe keskawẽ taea Deusũ Yushĩ Pepa matuki dasia hiweaki.

2 Coríntios 3:17

Hanua nukũ Shanẽ Ibu inũ hawẽ Yushĩ Pepatũ habiaskas xinaĩbũ hawẽ Yushĩ Pepatũ nuku mekeaya txakabũ nuku ana tsumama inũ pepanũ, iwanã, hawẽ yunuti inũ hawẽ nemati Deusũ Moisés yusĩniwẽ nuku ana bikawatirumaki.

2 Coríntios 3:6

Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

2 Coríntios 3:7

Deusũ hawẽ yunuti inũ hawẽ nemati mixkiki keneshũ Moisés inã hatu unãmakĩ yuikubainũ ika mati anua Moisés butukẽ hawẽ besu txashakirãkiranai maĩbiaya hawẽ datekĩ Israelbũ Moisés beistirubuma inikiaki. Haska hatu wabiani dasibi Deusũ yunuti inũ hawẽ nemati Moisés inãni tsuabũra txibãtirubuma ha dayani kanemisbu Deusũ hawẽri hatu kupishanikiki, niti akama Deusuma mawa kayabi tenemakinã.

2 Coríntios 3:9

Eskati wakĩ aniki, ana matu yuinũ nĩkakãwẽ. Hawara Deusũ Moisés yusĩni pebiakẽ tsuãra: “Dasibi Moisés hãtxa ẽ txibãtirumaki”, ishũ txakabuwaibu hawẽ taeshũ unãtã hatu kupiti kaka waniki. Haska hawara Moisés yuini kuxipabiakẽ Deusũ hawẽ bakewẽ taeshũ binumakĩ Deusũ nuku ma pepawaikiki.

Gálatas 3:14

Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.

Gálatas 5:5

Hanua nukunã, Jesuski dasitã nũ ikũwaĩwẽ taeshũ Deusũ Yushĩ Pepatũ nuku merabewaya Deus kaneismatũ nukũ txakabu nuku buashuniwẽ pepai nũ habe hiwekuĩshanai hawa teama nũ manayukubainaii.

Efésios 2:18

Natiã Cristowẽ taeshũ judeubu inũ judeubumãri habias Yushĩ Pepawẽ Deus beyawai nũ haki kematirubuki.

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.