2 Coríntios 3:6 - Kaxinawá Bíblia (BR)

⁶ Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

Kashinawa : Diosun Jesúswen taexun yuba bena yiniki

⁶ Jesucristo mawaiwen Diosun jawen nuku yuba bena wai maewakinan, ana jakidi kenewen akama iniki. Jakia ja binumakin jawen Yushin Pepawen aniki. Jaskawen taexun tsuabuda Diosun jawen taexun nuku tapinma nun jawen dayadubu besti nuku wamiski. Jamen Moisés Diosun yusinkin jawen yunuti inun jawen nemati inankinan, tsuanda ja yuba meneamaken jawen jatu kupikatsi amaniki. Jakia Diosun Yushin Pepatunan, nuku jaska wama ja binumakin jawen yuba benawen nuku jiwea inankubainikiki, nun jabe jiwepakexanunbunan.

2 Coríntios 3:6 Referencias Cruzadas

Jeremias 31:31

Senhor Deusũ ana hatu mestẽwãkĩ: “Hawatiãra Israelbu inũ Judá bababube ẽ hatube ana yubakai benashanaii.

Mateus 13:52

ana nuku yuikĩ: —Hawẽ hiwe anushũ huni betsã hawẽ mabu betsa tibi arutã mekea unaĩkiki, mabu bena inũ shenirã. Haska tibi arumiswẽ taeshũ hawara mabu pepa bena inũ sheni ha dabe kaĩmamis keska wakĩ Deus shanẽ ibuaikiri ẽ yusĩa bena inũ yusĩa sheni katukubaĩkĩ eari txibãkĩ ea ikũwãriatã Deusũ hãtxa kenenibu yusĩnanãmisbũ hatu pe yusĩriatirubuki— nuku watã

Marcos 14:24

hatu yuikĩ: —Yura itxapabu merabewai mawakĩ ẽ himi ẽ hatu habashũshanaii. Na vinhorã, ẽ himi keskaki, hawẽ yubaka bena xinãmatirã.

Lucas 22:20

bitã tureshũ pikubaunaibũ habiaskari wakĩ kẽtxa vinho mata tsumashũ yuikĩ: —Yura itxapabu matu merabewai mawakĩ ẽ himi ẽ matu habashũshanaii. Na vinho ẽ himi keskaki. Hawẽ yubaka bena xinãmatiki. Ea xinãbetanã, mã ashanai ikis akĩ taewabaũkãwẽ— iwanã,

João 5:21

Haska inũ, ẽ Epa Deusũ mawabu hiwemamiski. Habiaskari wakĩ hawẽ bakẽri tsuabura katutã hatu hiwekuĩmariatiruki.

João 6:63

Shabakabi matu yusĩnũ nĩkakãwẽ. Ẽ yushinĩ hatu hiwemashanikiki. Hamẽ yurabũ hãtxawenã, hawa hatu hiwemakĩ kuxipa watirumahairaki. Ẽ hãtxa ẽ matu yuiairã, ẽ yushĩ keskaki. Mã ikũwãyã ẽ hãtxã matu hiwekuĩmaikiki— iwanã,

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Romanos 3:20

Deusũ hãtxa kenenibu tapĩmisshũ: “Eãnã, ẽ hawa kaneismaki”, ikĩ yui Deus unãti wamai pepatirubumaki. Hakia haska Deusũ hãtxa keneniburã, haska hawẽ nũ txakabuwakubaĩmis dasibibũ nũ hawẽ besti unãtirubuki.

Romanos 4:15

Hamẽ hawẽ yunuti inũ hawẽ nemati hãtxa Deusũ Moisés yusĩmani kaneaibu hatuki Deus sinatakĩ kupimiski. Hakia hanu yunuti inũ nemati hãtxa hayamakẽ hawawẽ taeshũ tsua kupitirumaki.

Romanos 4:17

Haska inũ, ha Abraãonẽ ikũwãkubainai Deusũ yurabu mawa bestẽwãtiru inũ hawẽ xinãnẽ hawara xarabu dami hayariama damiwamistũ Abraão yuikĩ: “Yurabu betsa betsapabũ hatũ shenipabu ẽ mia waii”, inikẽ Moisés hakiri keneniki.

Romanos 7:6

Hakia ma nũ Cristo ikũwaĩbu nũ ma habe mawa keskakẽ ha dukũ Moisés Deusũ hawẽ yunuti inũ nemati kenemaniwẽ nuku ana yunuamaki. Hakia natiã ana kene sheni ana paema nũ txibãmakẽ Yushĩ Pepa kuxipatũ besti nuku yusĩkĩ nuku pe mekekubainikiki, bai bena nuku txibãmakinã.

Romanos 8:2

Jesus Cristo mã ikũwaĩwẽ taeshũ Deusũ yunua benawẽ hawẽ Yushĩ Pepatũ matu ma mekeikiki. Haskawẽ taeshũ matu tibitũ matũ xinã txakabu tashnimatã mã ma xinã betsabunã, haskawẽ taeshũ Satanásã hatũ mawa kayabi anu matu yunukatsis ikai Yushĩ Pepatũ nematã matu mekeshanikiki, hiwekuĩmakinã.

1 Coríntios 11:25

misi inũ txashuwã bake nami hatubetã pitã kẽtxa uva vinho mata tsumashũ Deus kẽwãtã hatu yuikĩ: “Yuba benawakĩ ẽ matu mawashuni kai xinãmati inãkĩ na uva vinho ẽ matu amairã, mawakĩ ẽ himi ẽ matu habashũshanai keskaki. Ikũwaĩbube itxashũ ea xinãbetanã habiaskari akubaĩshãkãwẽ”, hatu wanikiaki.

1 Coríntios 12:28

Haska tibi nũ hayanũbũ Deusũ haska abukĩ hawẽ daya tibi nuku yunukĩ ha dukũ Jesusũ kuxipayabu wakĩ ha katxu Deusũ hãtxa kakape yuishunikabu wakĩ ha katxu yusĩkĩ tapĩmanikabu wakĩ hanua ikũwaĩ betsabu habũ tsuã atiruma dami wanikabu inũ, habũ isĩ teneaibu shushawanikabu inũ, habũ merabewanikabu inũ, shanẽ ibu keska wakĩ yununikabu wakĩ hanushũ hãtxa betsa tapĩriamawẽ hãtxatirubu wakĩ haska tibi nuku yunuakeakeniki.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

1 Coríntios 3:10

ea dukũ Deusũ ea katutã duawakĩ hiwe wanika unãnepa keska ea wakẽ hiwe tekeismawakĩ ha dukũ shãtu ewapa watã pukĩbaũkĩ haki tsamabirãkatsi mixki ewapa ẽ datãbaũkĩ itsa waniki, matukiri kakape yusĩkĩ taewakinã. Ẽ haska wanikẽ hiwe benibaũmisbu keska wakĩ huni betsã matu yusĩpakeikiki. Hiwe pepawai dayamisbu keska wakĩ huni tibitũ matu ana yusĩkĩ kanemama hau matu pehairawakubainũbũwẽ.

1 Coríntios 3:5

Nũ haskarawẽ taeshũ mã nukukiri xinaĩ ikai? Tsuamẽ, Apolorã? Tsuamẽ, Paulorã? Mã haska nukukiri xinaĩnã? Nuku daberã, nũ Jesusũ dayaru bestiki. Haskawẽ taeshũ hawẽ daya nũ ashuãyã nukuwẽ taeshũ mã ikũwãniki, haska nukũ Shanẽ Ibũ nuku yununiwenã.

2 Coríntios 11:23

Ha inũ, habũ yuikĩ: “Nũ Cristõ tsumabuki”, iki Cristo dayashunaiburã, ẽ iriakũkainaii, Cristo dayashũkĩ hatũ daya binumahairairã. Mã eki hãtxai mã ea tatimawabianũ eã ẽ hatu binumiski. Ha inũ, Deusũ kakape ẽ yusĩayã itxapaki ea bitximisbuwẽ eã ẽ hatu binuhairaki. Ha inũ, hatikira ea kuxanibu tsuabũra tanatirubumawẽ taeshũ ẽ hatu binuhairaki. Ha inũ, ẽ mawakeãkũkainiwẽ ẽ hatu binuhairariaki. Ẽ haska tibi memis ẽ matuki txaniairã, earã, ẽ tatimamẽ? Ẽ tatimamaki.

2 Coríntios 3:14

Haska Moisés hãtxa danãkubiranaibu hatũ huĩti Deusũ kuxiwani keska wakĩ natiã habias yubani hãtxa betsabũ danãriaibu hatũ huĩti Deusũ kuxiwariamiski. Moisés hãtxa keneni yuiaibu hatu nĩkamamakĩ bepukĩ hunemiski. Tsuabũra Cristo danãkĩ Moisés hãtxa nĩkatirubumaki. Tsuabũra na habiatiã Deus kẽwãnũ, iwanã, benakĩ Deus unãkatsis ikaibu hãtxa shabakabiwẽ Deusũ hatu nĩkamamiski. Haskakẽ Cristo ikũwanũ ikaibu Deusũ hatũ huĩti ana kuxiwama inũ Moisés hãtxa ana bepuama shabakabi tapĩkĩ nĩkatirubuki.

2 Coríntios 3:3

Deusũ hawẽ yunuti inũ hawẽ nemati Moisés inãkĩ mixkiki Deusũ kenekĩ netãni keska wakĩ natiã shabakabi matu uĩnũbũ nukũ yusĩawẽ Cristõ hawẽ Yushĩ Pepawẽ txĩta tushkutimawẽ matũ huĩtiki kenea keska wakubainikiki. Hakia Deus hiweatũ Yushinĩ matũ xinã betsa wamakĩ matũ yuraki hawẽ kene netã keska waikiki.

2 Coríntios 3:7

Deusũ hawẽ yunuti inũ hawẽ nemati mixkiki keneshũ Moisés inã hatu unãmakĩ yuikubainũ ika mati anua Moisés butukẽ hawẽ besu txashakirãkiranai maĩbiaya hawẽ datekĩ Israelbũ Moisés beistirubuma inikiaki. Haska hatu wabiani dasibi Deusũ yunuti inũ hawẽ nemati Moisés inãni tsuabũra txibãtirubuma ha dayani kanemisbu Deusũ hawẽri hatu kupishanikiki, niti akama Deusuma mawa kayabi tenemakinã.

2 Coríntios 3:9

Eskati wakĩ aniki, ana matu yuinũ nĩkakãwẽ. Hawara Deusũ Moisés yusĩni pebiakẽ tsuãra: “Dasibi Moisés hãtxa ẽ txibãtirumaki”, ishũ txakabuwaibu hawẽ taeshũ unãtã hatu kupiti kaka waniki. Haska hawara Moisés yuini kuxipabiakẽ Deusũ hawẽ bakewẽ taeshũ binumakĩ Deusũ nuku ma pepawaikiki.

Gálatas 3:21

Ha dukũ Abraão Deusũ yubani inũ ana ha katxu Moisés yusĩmanirã, haska ha dukũ Abraão yuini Deusũ betsa wakĩ nematirumẽ? Haskamaki. Deus daewakĩ hawẽ nemati inũ hawẽ yunuti hãtxa pe txibãkubaĩkĩ tsuabũra hiwekuĩa bikeãkanaii.

Efésios 2:1

Uatiã matu hiwearã, txakabu betsa betsapa aki Deusuma pashka mawawẽ datei mã hiwenibuki,

Efésios 2:5

nukũ txakabũ nuku beshea nũ mawa keskabiakẽ Cristo Deusũ yunua huni mawa ana bestẽwãtã hawẽ taeshũ nuku hiwea inãniki. Hawẽ pepawẽ taeshũ Deusũ matũ txakabu buanikẽ hanushũ matũ mã ma mekea biaki.

Efésios 3:7

Ha haska waniwẽ taea Deus duapa ewẽ nuikĩ hawẽ kaka pepa ẽ yusĩkubaunũ ea yununiki, haska wakĩ hawẽ kuxipahaira ea uĩmakinã.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

2 Timóteo 1:11

Haskawẽ taeshũ Deusũ ea katutã hawẽ bakekiri kaka pepa judeubuma ẽ hatu yusĩkubaunũ ea yunukĩ Jesusũ kuxipaya ea wanishũ ea yusĩnã waniki.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 7:22

Ha dukũ nuku yubani keskama Jesuswẽ hawẽ yubaka bena binumakĩ pepahaira waniki.

Hebreus 8:13

Hanua hawẽ yubati hãtxa benakiri Deusũ Jeremias hãtxa watã xinaĩ: “Ha dukũ ẽ yubati hãtxa sheni ẽ anirã, ana ikama ishanikiki”, ikĩ ana atimawakĩ xinãkĩ: “Bena ẽ yunuaya ha dukũ ẽ yununi shenikũkaini yamai kaikiki”, iwanã, Deusũ xinãniki.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 João 1:1

Ẽ betsabu inũ ẽ puibuũ, ẽ matu kene bumai uĩrakãwẽ. Mai damiwariama Cristo hiweni natiã hiwea mã nĩkakubainairã, haskarã, nukũ dukũ hawẽ daya tateskĩ taewabainai nukubũ nũ nĩka taewabainiki. Hanushũ nukũ beruwẽ daiskĩ mekĩ hatũ nuku hiwekuĩmamis ha hãtxa hiwea haya nũ beiskubainiki.