2 Coríntios 3:12 - Kaxinawá Bíblia (BR)

^12-13 Eska Israelbũ Moisés besu uĩkĩ hawara txashahaira maĩ beshmasai hau uĩyamanũbũ Moisés tari tuashwẽ hawẽ besu hunei bepukukũkaini keskama haska nukũri nũ ikũwaĩbu Cristo manakakĩ nukũ hãtxa hakiri huneama hawa dateama shabakabi nũ yusĩkubainaii.

Kashinawa : Diosun Jesúswen taexun yuba bena yiniki

^12-13 Eska Israelbun Moisin besu uinkin jawada chaxajaida maiin bexmasai jau uinyamanunbun Moisin tadi tuaxwen jawen besu junei bepukukunkaini keskama jaska nukundi nun ikunwainbu Cristo manakakin nukun jancha jakidi juneama jawa dateama xabakabi nun yusinkubainaii.

2 Coríntios 3:12 Referencias Cruzadas

João 10:24

shanẽ ibubũ bebũteshũ yukakĩ: —Hatishuĩra nũ ana hamẽ bika teneyamanũ menã hawa kuxi shabakabi nuku yuiriwe, habia mĩ nukũ Messias Cristomẽkainã— akabu

João 16:25

hanushũ ana nuku yusĩkĩ: —Hãtxa hunea miyuiwẽ ẽ matu yusĩkubirãxinaki. Hakia ana hãtxa huneawẽ yusĩama hanu shabakabi ẽ matu unãmashanai ma kemaikiki. Haskakaĩxĩshũ ẽ Epa Deuskiri hanu shabakabi kayabi ẽ matuki txanishanaii.

João 16:29

hanushũ hawẽ tsuma betsã yuikĩ: —Txanima na habiatiã shabakabi nuku yui ana miyui hãtxa huneawẽ mĩ hãtxamaki.

Hechos 14:3

hatu haska wabiabu Jesusũ kuxipayabu Paulo inũ Barnabé habube shaba itxapa hiweyushũ nukũ Shanẽ Ibuki txiti itã hawa dateama Jesuskiri txani txakama hawẽ hãtxawẽ hatu ashũkĩ haska Deus nuikipakiri txanikĩ hatu unãmaya, hanushũ Deusũ hatu merabewakĩ kuxipa wakĩ dami atimaska betsa betsapa hatu ashũkĩ uĩmaya

Hechos 4:13

hanua Pedro inũ João hawa dateama kuxipai shanẽ ibubũ uĩabũ berubi Jesuskiri shabakabi hatu yusĩaĩbu shanẽ ibubũ nĩkatã ha hunibu unãnepabuma inũ escola anushũ hawa tapĩsbumabia pewẽ hatu hãtxa waibuwẽ taea unaĩ e itã hakia Jesus hatube nishũ hatu yusĩkubainima xinãtã

Hechos 9:27

hakiri mesebiaibũ Barnabẽ Saulo Jesusũ kuxipayabu anu iyushũ hatu unãti wamakĩ yuishũkĩ: —Ana haki meseyamakãwẽ. Damascokiri kakĩ nukũ haibu Saulõ Shanẽ Ibu Jesus uĩ habe hãtxaimaki. Hanushũ Jesus ikũwãtã hawẽ kuxipawẽ Damasco anushũ hawa dateama Jesuskiri hatu dasibi yusĩbaũxinaki— hatu wakĩ hatu beya wamakĩ tapĩmaxinawẽ taea

Hechos 9:29

judeubu Grego hãtxawẽ hãtxamisbube hatube hãtxai yuinamekĩ hatu yusĩayã hawẽ yusĩa danaĩ haki sinatakĩ tenãnũ ika yubakaibũ

1 Coríntios 14:19

iwanã, ikũwaĩ betsabube itxashũ itxapabu yusĩnũ, iwanã, 10.000 ha hãtxa ea nĩkabuma hãtxawẽ ẽ yusĩkatsi ikama hakia hãtxa shabakabi mekẽ bestiti dasibibũ nĩkatirubu ẽ yusĩkatsis ikaii.

2 Coríntios 10:1

Haska bestibu mã ekiri hãtxamis ẽ Paulõ ẽ matu yuiai ea nĩkairakãwẽ. Matu anushũ betsabũ yuikĩ: “Paulo nukube hiwea hãtxahairaisma yunuama unãshubira nuku hãtxa wabiamis txaikeshũ nuku keneshũkĩ hãtxa kuxipawẽ yunukĩ nuku ha amiski”, iwanã, mã ea yuãbiamisbũ haska duapakĩ ẽ xinãmis matu yuinũ nĩkairakãwẽ. Haska mã yuibiaya hãtxa kuxipawẽ ẽ matu kũyã atirubia haska duapakĩ unãshubira Cristõ yurabu yusĩkubaini keska wakĩ hãtxa shãkamawẽ yuikĩ matu kũyã akatsi ikama matu anu ẽ ana kakẽ habũ ea shenĩkamisbu ẽ hatube hãtxakatsi ikamaki. Hatũ xinã betsa wamakĩ hau ana hamakiri xinãtxakayamanũbũ hatu meshtãmakãwẽ.

2 Coríntios 3:11

Ha inũ, hawara mixkiki Deusũ Moisés keneshũ inãni hawẽ yuba pebia beshtekei beshmasaya hanua Cristowẽri nuku ana yuba bena wani nũ ma tapiã pehairakũkaĩshanikiki, niti ikama ikibi ikirã.

2 Coríntios 4:13

Haskakiri Davĩ kenekĩ: “Deus ikũwaĩ hakiri ẽ hãtxakũkainaii”, ini keskai nukubũri Deus ikũwãriai hawara nũ ikũwaĩ nũ hakiri yui hãtxariakũkainaii.

Filipenses 1:14

Na ea nenu eska wayamabu ewẽ dateama itxapabũ Cristo ikũwãkĩ hawẽ kakapewẽ benimakĩ dateama huĩti kuxitã nukũ Shanẽ Ibuki txiti itã Deusũ kakape hatu yusĩkubaũkanikiki.

Filipenses 1:20

Haska inũ, Deus dayashuni tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii.

Colosenses 4:4

Ha inũ, haska Deusũ abuai eã ẽ hatu shabakabi Cristokiri unãmakĩ ẽ hatu yusĩ kanũ ea yukashũrikãwẽ.

1 Tesalonicenses 2:2

Ha inũ, matu anu nũ hikiriamakẽ Filipos anushũ nuku itxakawakĩ nuku nuitapawaimabu mã unãriaii. Nuku bika tenemabiaibũ Deusũ nuku kuxipa wakubaina hawẽ kakape nũ matu yusĩkubainimaki.

1 Timóteo 3:13

Hanua merabewanikabu pepakĩ Jesus Cristo dayashũkinã, betsabu uĩmai hawa txakabuamakẽ habũ kẽwãtirubuki. Hanua Jesus Cristo ikũwaĩwẽ taea benimai unãnuma hiwekubaĩtirubuki.

Filemom 1:8

Haskawẽ taeshũ ea ẽ Cristõ kuxipayabiatũ ẽ mia yunua ẽ yunua txibãkĩ mĩ atirubia