2 Coríntios 13:7 - Kaxinawá Bíblia (BR)

⁷ Nukukiri xinãkĩ unãti wakĩ hatibũra nukũ yusĩa mã abuamabiakẽ haska nukukiri mã xinaĩ nũ hawẽ nuiamaki. Hakia mã pe besti hiwenũbũ nũ matuwẽ nuikũkainaii. Haska mã hiweabu hau hawa txakabũ matu atxiyamanũ Deusũ kuxipa nũ matu yukashũkubainaii.

Kashinawa : Diosun Jesúswen taexun yuba bena yiniki

⁷ Nukukidi shinankin unanti wakin jatibunda nukun yusian man bechipaiamabiaken jaska nukukidi man shinain nun jawen nuiamaki. Jakia man pe besti jiwenunbun nun matuwen nuikunkainaii. Jaska man jiweabu jau jawa chakabun matu achiyamanun Diosun kushipa nun matu yukaxunkubainaii.

2 Coríntios 13:7 Referencias Cruzadas

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

João 17:15

Habiaskabiakẽ: “Ikũwãbuma anua hatu dapashkamabaĩwẽ”, iwanã, ẽ mia yukamaki. Hakia hau diabo Satanásã hatu parãyamashanũ hatu nemashũkĩ mekeshãwẽ.

Romanos 1:28

Habũ Deuskiri xinã txanima kayabi ana xinãkatsi ikama ikubainaibuwẽ taeshũ hatũ huĩtinĩ xinã txakaibu haska abui hiweaibu Deusũ habu ana nemamaki.

Romanos 12:17

Ha inũ, yura betsabũ matu itxakawabu ana hatube manakunãyamakubaĩkãwẽ. Ha inũ, hawara pepa yura betsabũ abukĩ matu yunuabu txibãkĩ mã haskari akairã, hatu bebũshũ shabakabi ashũkĩ uĩmakubaĩkãwẽ.

Romanos 13:13

Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.

Romanos 16:10

Ha inũ, Jesus Cristo dayashuni bika betsa betsapa mebiai txĩtuĩsma Apeles ẽ hãtxa ea yuishũriashãkãwẽ. Ha inũ, Aristóbulo hawenabube hiweabu haburi ẽ hãtxa ea hatu yuishũriashãkãwẽ.

1 Coríntios 11:19

Matũmebi pashkai mã unãtinãkeakeairã, haskatimaki.

2 Coríntios 10:10

Hamẽ bestibũ ẽ kene uĩtxakakĩ yuikĩ: “Hãtxa bika inũ kuxipa keneshũ nuku yunubiai Paulo nuku anu hiwea unãnepa keskama huni babu hawẽ hãtxa hameaĩ tsuã kẽwãtirumaki”, mã imiski.

2 Coríntios 10:18

Hanua ibubis hawẽ xinãnẽ besti hamẽmẽ keaĩnã, Deusũ abuama hume humepamiski. Hakia tsuara ha nukũ Shanẽ Ibukiri pe hãtxairã, hakiri pe xinãkĩ kẽwãmiski.

2 Coríntios 13:6

Hamẽ nũ habũ matu yusĩmisrã, hawa txakabu wakĩ daka kanekĩ nũ matu uĩmatxakai hawa txĩtuãma nũ Jesus ikũwaĩ mã nuku unãtirubuki.

2 Coríntios 13:8

Haska wakĩ txanima hãtxa nũ danãtirumaki. Hakia txanima hãtxawẽ shabakabi nũ matu ashuãkeakemiski.

2 Coríntios 13:9

Haska inũ, Deusũ matũ xinã kuxipa waya hau niti ikama mã pepaki nukunũbũ nũ babubia benimakĩ Deus nũ matu yuka heneshunama ikũkainaii.

2 Coríntios 6:4

Hakia nũ haskai Deusũ tsuma ikinã, eskawẽ nũ matu uĩmamiski. Hamapai bika nuku tenemaibu mei hawa hayama nuitapakĩ nũ hawa hatu kemama tenekubaĩmiski.

Filipenses 4:8

Ẽ betsabu inũ ẽ puibuũ, kenekĩ ẽ ma matu keyushunai ea nĩkairakãwẽ. Eska tibi pepa xinãkãwẽ. Dasibi hãtxa kayabi inũ, dasibiwẽ pepa wai nũ haki mesetiru inũ, dasibi nũ kanetiruma inũ, dasibi pepas inũ, dasibi hawẽ nũ xinã txãkãtiru inũ, dasibibu tsuara hawẽ pepawẽ kẽwãmisbu inũ, haska tibi hatukiri xinã kayabikubaĩkãwẽ, haskakĩ Deus benimawakinã.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

1 Timóteo 2:2

Deusũ yusĩa pepa txibaĩ unãnuma benimai hiweshũ hawama pepa besti hawa dakeama nũ hiweyukubainũbũ shanẽ ibubu inũ yununikabu haska tibikiri hatu yukashũkubainãkãwẽ, hau Deusũ nukukiri hatu pe xinãmanunã.

2 Timóteo 2:15

Hamẽ mia ikirã, hĩ hĩ ikama mĩ Deus dayashunairã, Deusũ besuubi hawa berabini mĩ dakeama ishanairã, txanima hãtxa Jesus Cristokiri dasibi hatu yui pepakũkaĩwẽ. Mĩ haskamiswẽ taeshũ Deusũ mia unãti wakĩ: “Huni dayakapakũkaĩkĩ mĩ ea dayashũmis peki”, iwanã, mia yuishanikiki. Xinaĩrakubaĩwẽ.

2 Timóteo 4:18

Txakabu dasibi nukũ Shanẽ Ibũ ea binumakubaĩkĩ hanu shanẽ ibuai pepa hawẽrua nai anu ea pashawatã ea mekeshanai ẽ unaiĩ. Haskakẽ niti ikama ha duawakĩ kẽwanãkãwẽ. Haskakirã.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.