2 Coríntios 12:10 - Kaxinawá Bíblia (BR)

¹⁰ Haskakẽ babui Cristõ kuxipawẽ ẽ kuxipatiruwẽ taea Cristo duawanũ, ika ẽ xinã txãkãmiski, eska tibiwenã, ẽ babuaiwẽ inũ, eki sinataibuwẽ inũ, ẽ yumaĩ hawaumawẽ inũ, ea tenãnũ ishũ ea itxakawaibuwenã, Cristowẽ dayai ẽ bika tenekubainaiwenã. Hanu ẽ babuhairaitianã, Cristõ kuxipa ẽ mekubaĩmiski.

Kashinawa : Diosun Jesúswen taexun yuba bena yiniki

¹⁰ Jaskaken babui Criston kushipawen en kushipatiduwen taea Cristo duawanun, ika en shinan chankanmiski, eska tibiwenan, en babuaiwen inun, eki sinataibuwen inun, en yumain jawaumawen inun, ea tenanun ixun ea ichakawaibuwenan, Cristowen dayai en bika tenekubainaiwenan. Janu en babujaidaitianan, Criston kushipa en mekubainmiski.

2 Coríntios 12:10 Referencias Cruzadas

Lucas 6:22

Ha inũ, matũ Hutxi Kayabi Iuwa tsuabũra mã ea txibaĩbuwẽ taeshũ habũ matuki ehẽ iki danaĩ matu itxakĩ hatũ itxati hiwe anu mã ana hikiyamanũ matu nemakĩ matu danaĩbũ mã benimakũkaĩshanaii.

João 15:21

Hatũ ea yununi habũ unãbumawẽ taeshũ na haska tibi matu wakinã, mã ea txibaĩbuwẽ taeshũ matu ashãkanikiki.

Hechos 5:41

shanẽ ibubũ besuuria Jesusũ kuxipayabu kaĩbaini yuinamei: “Hawẽ bake Jesus Cristõ kakapekiri nũ yusĩayã Deusũ hawẽ nuku unãti watã nuku duawakatsi hatu yunua habuwẽ datei nũ beshtekẽnũ nuku akanikiki”, iki benimabaini buxĩshũ

Romanos 5:3

Haska bestimaki. Natiã Cristo nũ ikũwaĩwẽ taeshũ hamapai mei nũ bika teneaiwẽri Deusũ hawẽ kuxipa nuku uĩmakubainaiwẽ hawẽ xinã txãkaĩ nũ txĩtuãma nũ kuxipakũkainai nũ unaiĩ.

1 Coríntios 4:10

Nukurã, mã haskara nukukiri xinaĩ? Cristowẽ taea nũ tatĩmakenã, hakia maturã, Cristowẽ taea mã unãnepakiaki. Hamẽ nukurã, nũ babuki. Hakia maturã, mã kuxipakiaki. Nukurã, nuku itxakawakanikiki, nukuki meseamarã. Hakia maturã, matu kẽwaĩ matuki mesemisbukiaki.

2 Coríntios 1:4

Hamapai tibi mei nũ bika teneaya Deusũ nuku daewakĩ nuku benimawamiski. Nuku haska wamiswẽ taeshũ Jesus Cristo ikũwaĩ betsabu hawara mei bika tenei huĩti nixmaibu Deusũ ma nuku merabewamiskẽ hatuwẽri nuikĩ nũ hatu benimawariatirubuki.

2 Coríntios 10:18

Hanua ibubis hawẽ xinãnẽ besti hamẽmẽ keaĩnã, Deusũ abuama hume humepamiski. Hakia tsuara ha nukũ Shanẽ Ibukiri pe hãtxairã, hakiri pe xinãkĩ kẽwãmiski.

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

2 Coríntios 13:9

Haska inũ, Deusũ matũ xinã kuxipa waya hau niti ikama mã pepaki nukunũbũ nũ babubia benimakĩ Deus nũ matu yuka heneshunama ikũkainaii.

2 Coríntios 4:5

Haska inũ, mai damiwakĩ Deusũ yuikĩ: “Mexu anua hau shabayunũwẽ”, anishũ habiatũri nukũ huĩti anu shaba peshani keska wakĩ Deusũ Cristo nuku unãmaya hawẽ kaka pepa Cristokiri nũ shabakabi matu unãmakubainaii. Haskakẽ yusĩkĩ: “Jesus Cristo nukũ Shanẽ Ibu kayabiki”, ikĩ, “Jesus Cristo abuhairakĩ nũ matũ dayaru bestiki”, ikĩ shabakabi dasibibuki txani ibubis nũ keĩsmaki.

2 Coríntios 5:15

Cristo mawairã, dasibi hatu ishuniki. Hamẽ ikama habu hiweabu ishuinã, hau ana hatũmebi hatũ xinãnẽ besti hiweyamanũbũ hau ha hiweshũshanũbũ hatu ishuniki, mawatã ana hatu bestẽshunirã.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

2 Coríntios 6:4

Hakia nũ haskai Deusũ tsuma ikinã, eskawẽ nũ matu uĩmamiski. Hamapai bika nuku tenemaibu mei hawa hayama nuitapakĩ nũ hawa hatu kemama tenekubaĩmiski.

Efésios 6:10

Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

Filipenses 1:29

Deusũ hawẽ pepawẽ matu kenakĩ katushũ ikũwãmanirã, ha besti ikũwaĩ pepa bestitimaki. Habiaskariai Cristowẽ bika mei nuitapariatiki.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

2 Tesalonicenses 1:4

Hanua matu itxakawakĩ yumãwãbiaibũ ikũwaĩ kuxipai mã hawa txĩtuãma ikũkainaya haska xinãkĩ hanu ikũwaĩ itxamisbu tibi anushũ benimai nũ matukiri txani nũ hãtxakũkainaii.

2 Timóteo 3:11

haska Antioquia anushũ inũ, Icônio anushũ inũ, Listra anushũ ea itxakawakĩ ea bika tenemakubirãyamabu mĩ unaĩ keskakĩ miari bika tenemaibu mĩ teneai ea keskakĩ mĩ mekubainaii. Ea haska tibi wabiaibũ nukũ Shanẽ Ibuã ea hatu mepamakubaĩyamaki.

Santiago 1:2

Ẽ betsabu inũ ẽ puibuũ, hawara bika betsa betsapa mã mekĩ tenebiai Deusũ benimati mã hayawẽ xinã txãkãkãwẽ.

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.