2 Coríntios 10:5 - Kaxinawá Bíblia (BR)

⁵ Haska inũ, haska Deus danaĩ unãnepabũ xinãmis hawauma wakĩ Deus nũ hatu unãmakatsis ikaii, hatũ txakabu beshteketã xinã betsatã hau Cristo txibanũbunã.

Kashinawa : Diosun Jesúswen taexun yuba bena yiniki

⁵ Jaska inun, jaska Dios danain unanepabun shinanmis jawauma wakin Dios nun jatu unanmakatsis ikaii, jatun chakabu bexteketan shinan betsatan jau Cristo chibanunbunan.

2 Coríntios 10:5 Referencias Cruzadas

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

2 Reis 19:22

Tsuki sinatai mĩ hãtxa txakabushinamẽ? Keinã, tsuki beru txãkãtã ha iki mĩ kũyã ishiãmẽ? Enabu Israel hatu ha aki txanima mĩ eki ishiãki, hatũ mekenika meribi pepa hiweakirã.

2 Reis 19:28

Ibubis kẽkĩ mĩ hatu txakabuwakĩ itxakawakubaĩmisri ẽ unãriaii. Haskawẽ taeshũ ina awa pubẽ amisbu keska wakĩ mia depestã ẽ mia mane deuwamashanaii, mĩ keshari mia shewesheriakinã. Mia haska watã ha baiwẽ mĩ huimawẽri ana hawẽri mĩ mae anu ẽ mia nitxĩshanaii”, akĩ Senhor Deusũ hãtxa keyuaya

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Salmos 139:2

Dasibi ẽ ikũkainai mĩ ma ea unã keyuaii. Txaihairabiashũ haska ẽ shinaĩ shũska mĩ tanaii.

Êxodo 5:2

hatũ hãtxa nĩkabiakĩ hawa hatu tapĩkatsis ikama Faraónẽ hatu yuikĩ: —Matũ mekenika Senhor Deus tsuamẽ? ha nĩkatã eã Israelĩ enabu ẽ nitxinunã. Ha matũ mekenika ẽ unãma inũ matunabu besi buaibu ẽ hatu nitxiãmahairaki— hatu wa

Provérbios 15:26

Huni txakabubu yubakaibu Senhor Deusũ hawa betxipaiama hatu danãmiski. Hakia habũ hãtxa txakabu yuisbuma hatũ hãtxa pe bestiwẽ Senhor Deus benimakũkaĩmiski.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Lucas 1:51

Haska inũ, ibubis yubakatã keĩsbuma hatu shanẽ ibu wakĩ betsabu nuitapai buniaibu piti pepa hatu yani wamakĩ mabu itxapayabu nuitapawakĩ mekẽ bestia mais hatu nitxĩmiski. Haska inũ, ibubis keaĩbu itxakawakĩ hatu huĩti nixma wakĩ ibubis shanẽ ibui kuxipamisbu hatu mitanuma wakĩ Deusũ hawẽ kuxipa uĩmakĩ hatu unãmashanikiki.

Romanos 1:21

Hanushũ yura itxapabũ Deuskiri tapĩbianishũ hawẽ hãtxa danãkĩ duawama inũ kẽwãma inibuki. Hakia haki petxitã hatũ xinãnẽ besti txakabu xinaĩ unaĩsmapakĩ ana txanima hãtxa tapĩtirubuma ikubainibuki.

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

Romanos 7:23

Haskabiakẽ ẽ akubainai uĩ txakabũ ea beshetã ea tsumawatã ẽ xinã kayabi nematã ea henekatsi ikamakẽ haska Jesus ẽ dayashunai ẽ pe besti xinãtiruma shabakabi ẽ unãkubainaii.

1 Coríntios 1:19

Haskakẽ ha yurabukiri yuikĩ hawẽ hãtxa yuishunika Isaías Deusũ yuikĩ: “Habu unãnepabu unaĩsmapa keska wakĩ, dasibi tapĩkĩ kaneisbuma unãriama keskabu ẽ hatu washanaii, hawarawẽ unãnepamis hawauma keska wakinã. Manayuwe”, aka nuku keneshuniki.

1 Coríntios 3:19

Na mai anu hiwea unãnepaiburã, Deusũ hatu danãkĩ unaĩsmapabukiri hatu xinãmiski. Habiaskari xinãkĩ ẽ shenipabu Jõ yuikĩ: “Unanepabũ betsa parãtã binunũ ikaibu Deus unãnepa kayabitũ hatu beshtekĩ hawauma hatu wamiski”, hatu waya huni betsã keneshuniki.

2 Coríntios 11:20

Haska inũ, habũri matu dayaru watã matu yunuabu mã hatu dayashũmiski. Matu parãbetanã, itxakawakĩ matũ hawara matu biaĩbu mã hatu inãmiski. Habũ matu tãpais akabu mã tenemiski, haskatimabiakenã.

Filipenses 4:7

Mã haska waibu Deusũ unãnuma matu hiwemakĩ haska tsuã xinãkĩ nĩkatirumawẽ Deusũ hawẽ unãnumawẽ matũ huĩti inũ matũ xinã mekekubaĩshanikiki, Jesus Cristo nĩkakĩ mã txibaĩwẽ taeshunã.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Hebreus 4:12

Ha Deusũ hãtxa kaĩkinã, paepa hiwea keskatũ nukũ xinã pewakĩ huni hawẽ nupe kenu dabeyatũ huĩti uke merã txapashũ uĩa keska wakĩ nukũ xinã inũ nukũ yushĩ unãti wamiski.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.