2 Coríntios 1:3 - Kaxinawá Bíblia (BR)

³ Nukũ Shanẽ Ibu Jesus Cristõ Epa Deus, habias nukũ Epari nukuwẽ nuikĩ nukũ huĩti punu nukai tsiũ ikai nuku daewakĩ benimawakubaĩmisrã, kẽhairawakubainãkãwẽ.

Kashinawa : Diosun Jesúswen taexun yuba bena yiniki

³ Nukun Xanen Ibu Jesucriston Epa Dios, jabias nukun Epadi nukuwen nuikin nukun juinti punu nukai tsiun ikai nuku daewakin benimawakubainmisdan, kenjaidawakubainankanwen.

2 Coríntios 1:3 Referencias Cruzadas

Gênesis 14:20

Deus kushipahaira dasibi binuatũ miki sinataibu mĩ hatu maemanũ mia binumakĩ merabewashina ha besti kẽhairawanãwẽ”, aka Abrão mabu mebikinãshina Melquisedeque inãnũ, iwanã, mabu betsa betsapa husia décima parte Melquisedeque hamẽ inãkuiã binikiaki.

Jó 1:21

yuikĩ: —Tariuma ẽ kaini inũ ẽ mawa tariuma ẽ kaĩkaĩshanaii. Dasibi Senhor Deusũ ha ea inãkubaĩshina Senhor Deusũ ana dasibi ea mebĩshuki. Hakia Senhor Deus kẽwãkĩ ẽ pepa wabestikubaĩshanaii— itã

Daniel 4:34

Nabucodonosorĩ ana yuikĩ: “Deusũ ea kupini hanu ea menekĩ dasibi ea betsa waya ea Nabucodonosor naiuri teskãtã ẽ uiãyã ẽ shinã pepa ana eki hikimakĩ kaya waya Deus kushipa hatu binu keyua hiwei ikibi ika eã duawakĩ kẽwãkĩ yuikĩ: ‘Yurabu hiwea pakubainaibu Deus shanẽ ibukũkaĩkĩ hawẽ kushipawẽ hatu yunukubaĩshanikiki, hawa beshtekei heneamarã.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

João 10:30

Ea inũ ẽ Epa Deus ha dabe nũ bestitxai keskaki, dapashkanaismarã— hatu wa

João 20:17

Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

2 Coríntios 11:31

Ẽ haska txani keãyã nukũ Shanẽ Ibu Jesus Cristõ Epa Deusũ ẽ hãtxa nĩkakĩ txanima hãtxa besti ẽ yuiai unaĩkiki, ha ikibi ini yurabũ kẽwãkubaĩshanaibunã.

2 Coríntios 7:6

Hakia haska yura babu punu nukabu Deusũ benimawamistũ nukũ haibu Tito nukuki nukumakĩ Deusũ nuku benimawaimaki.

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Filipenses 2:11

dasibibũ unãkĩ: ‘Jesus Cristorã, txanima dasibibũ Shanẽ Ibu Yavéki’, ikĩ Epa Deus kuxipa kẽwãshãkanikiki”.

Colosenses 1:3

Matukiri xinãkĩ nukũ Shanẽ Ibu Jesus Cristõ Epa Deusbe hãtxakĩ matu yukashũkĩ nũ matukiri kẽwãkubaĩmiski.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

2 João 1:4

Haska Epa Deusũ nuku yununi matubu hatiritũ txibãhairai matukiria beabu hatuki ẽ nukua txanima haska hãtxa txanimawẽ hiweaibu hatu uĩ ẽ benimahairaimaki.

2 João 1:9

Tsuãra Cristõ yusĩa txibãkĩ taewabiatã hawẽ yusĩa hawena meribis ana txitxitã yusĩaĩnã, Deus hayamaki. Hakia tsuãra Cristõ yusĩni ha hãtxa kuxipa betsa wama habias txibaĩnã, Epa Deus inũ hawẽ bakebe dasia habe hiweaki.