2 Coríntios 1:18 - Kaxinawá Bíblia (BR)

¹⁸ Ẽ xinã betsa betsapa ẽ maewama Deusũ unaĩkiki. Haskawẽ taeshũ mã nuku ana ha atirubumaki.

Kashinawa : Diosun Jesúswen taexun yuba bena yiniki

¹⁸ En shinan betsa betsapa en maewama Diosun unainkiki. Jaskawen taexun man nuku ana ja atidubumaki.

2 Coríntios 1:18 Referencias Cruzadas

João 7:28

Templo hemaĩtĩ anushũ yusĩkĩ haska habu hãtxaikiri xinaĩ hãtxaibu nĩkatã hãtxa kuxipawẽ Jesusũ hatu xinãmakĩ: —Matunã, ea unãkĩ hanua ẽ yumeriani mã unãriaii. Emebi ẽ xinãnẽ ibubis ẽ huamaki. Hakia parananaĩsmatũ ea yununirã, matunã, mã ha unãmaki.

João 8:26

Ẽ matukiri itxapa unãti wakĩ ẽ yuitirubia hatũ ea yununitũ txanima hãtxa ea yuia nĩkatã habiaskari yurabu ẽ yuikubainaii— hatu wa

1 Coríntios 1:9

Ha inũ, Deusũ bake nukũ Shanẽ Ibu Jesus Cristobe mã hiwekubaĩshanũbũ Deusũ matu katunitũ duawakĩ hawa matu hakimakĩ henebainama ishanikiki, haska yubakani amis betsa wakĩ kaneismawẽ taearã.

2 Coríntios 1:23

Haskakẽ matu dake tenemakatsi ikama haskai mã Corinto anuabu ẽ kariama hau nukũ Epa Deusũ matu shabakabi unãmanũwẽ, ẽ txanitxakama ea unaĩkikirã.

2 Coríntios 11:31

Ẽ haska txani keãyã nukũ Shanẽ Ibu Jesus Cristõ Epa Deusũ ẽ hãtxa nĩkakĩ txanima hãtxa besti ẽ yuiai unaĩkiki, ha ikibi ini yurabũ kẽwãkubaĩshanaibunã.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

2 Coríntios 6:8

Ẽ hanu haska wakĩ hatu merabewa bestiaitiã yura betsabũ nuku kẽwaĩbũ hatiritũ yuãkĩ nuku kẽwaĩsbumaki. Ha inũ, yura betsabũ nukukiri shetxakaibũ betsabũ nukukiri pe yui hãtxamisbuki. Ha inũ, yura betsabũ nukũ yusĩa danaĩ: “Matxupaki”, nuku wabiaibũ txanima yui besti nũ hãtxakũkaĩmiski.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Apocalipse 3:14

Ana Jesusũ ẽ João ea yuikĩ: “Hatũ Deusũ hãtxa dayashunika Laodicéia anu itxamisbu mekea na hãtxa ẽ mia yuiai keneshũriwe. ‘Dasibi Deusũ hakiri yuiai ẽ Habiaskaki, imistũ mai hirabi inũ nai hirabi damiwakĩ ewẽ Deusũ ani txanima hãtxa besti txani ẽ kaneismatũ ẽ matu yuiai nĩkakãwẽ.

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.