1 Timóteo 6:6 - Kaxinawá Bíblia (BR)

⁶ Haskakiri nukubũ nũ hariri xinãkĩ ikũwaĩburã, txanima kayabiki. Deusũ hawẽ pepa tibi mabu keyumis keskama nuku inaĩ inũ nuku inãshanaiwẽ taea nũ benimahairakũkainaii. Haskakẽ natiã haska nũ haya bestiwẽ benimayunãkãwẽ.

Kashinawa : Diosun Jesúswen taexun yuba bena yiniki

⁶ Jaskakidi nukubun nun jadidi shinankin ikunwainbudan, chanima kayabiki. Diosun jawen pepa tibi mabu keyumis keskama nuku inain inun nuku inanxanaiwen taea nun benimajaidakunkainaii. Jaskaken natian jaska nun jaya bestiwen benimayunankanwen.

1 Timóteo 6:6 Referencias Cruzadas

2 Reis 6:2

Ana hiwe bena ewapa wakĩ hashpa duakabi wanũ ika Hene Jordão keshakea nuku tibitũ hi bestitxai txaipa nũ meshtei kai mĩ nuku yunutirumẽ?— akabu Eliseũ hatu yunukĩ: —Butãkãwẽ— hatu waya

Salmos 37:16

Ha huni pepa mabu eskarabesya hiwearã, haska peki, haska huni mabuwãyãtũ shinaĩ txakabumisbu keskamarã. Hanua huni pepa mabu eskarabes haya hawa hawẽ mabu shinãma ha mabuwãyã binuaki.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Êxodo 2:21

ha huni iweabu beya wakĩ Reuel inũ hawenabu Moisĩ hatu betxipai hatube hiwekũkainaya txipu aĩwãmakĩ Reuelĩ hawẽ aĩbu bake Zípora bimakẽ

Provérbios 15:16

Mabu mirima hayabia hawẽ datei hiwekubaĩtirubuki. Hakia tsuara mabu eskarabesyabiatũ Senhor Deus duawakĩ hatu binuhairatirubuki.

Provérbios 16:8

Huni pepama parananãkubaĩkĩ pei itxapa bikubaĩtirubuki. Hakia huni betsa hawa parananãma pe dayakũkaĩkĩ eskarabes bibiakĩ ha huni padananãmisbu hatu binuhairaki.

Lucas 12:15

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã,

Lucas 3:14

hanushũri soldadobũri yukakĩ: —Nukukaĩ, yusĩnaã, xinã betsa watã mia unãmakatsirã, nũ haskashanai?— akabu Joãonẽ haburi yuikĩ: —Maturã, matũ xinãnẽ itxakanikakĩ hatũ hamapai mebĩyamakubaĩshãkãwẽ. Ha inũ, txani txakakĩ yura betsã pei parãtã mebĩyamakãwẽ. Hakia matũ daya pei besti bi benimakubaĩshãkãwẽ— hatu waya

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

Filipenses 1:21

Natiã ẽ hiweyuarã, Cristo ẽ hiweshũyukũkainaii. Hakia hawẽ taea ẽ mawarã, ẽ nenu hiwemis binuaki.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

1 Timóteo 6:8

Haskawẽ taea Deus nũ ikũwaĩburã, tari inũ piti inũ hanu ushati haya ha besti nũ hayarã, haskawẽ besti benimakubainãkãwẽ.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.