1 Timóteo 6:4 - Kaxinawá Bíblia (BR)

⁴ Hawẽ taea besti keĩ unãmabia ha iki haskakiri xinaĩ hamebi hatũ xinã hatu atimapa wamamisbuki. Eska tibi hatũ xinã meranua tashnirã, hawara betsana ha hawena haska hayama uĩ haskai ha besti haska hayamẽ iki sinatairã, yuãnanaĩ betsabube danãnanaĩnã, abunameama sheti ikama hatuki ha ikirã,

Kashinawa : Diosun Jesúswen taexun yuba bena yiniki

⁴ Jawen taea besti kein unanmabia ja iki jaskakidi shinain jamebi jatun shinan jatu atimapa wamamisbuki. Eska tibi jatun shinan medanua taxnidan, jawada betsana ja jawena jaska jayama uin jaskai ja besti jaska jayamen iki sinataidan, yuananain betsabube danananainan, bechipainameama xeti ikama jatuki ja ikidan,

1 Timóteo 6:4 Referencias Cruzadas

Provérbios 13:7

Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.

Isaías 58:4

Ha shabatiã samakeirã, mã eskamiski, ha iki kũyã ikirã, detenameirã, pubẽkĩ matũ mekẽnẽ hatu kushakinã. Ha shabatiã samakei mã haskamiswẽ taeshũ ebe hãtxakĩ mã ea yukaibu ẽ matu hawa nĩkaismaki.

Hechos 15:2

hanushũ Paulo inũ Barnabẽ haska hatu yusĩaĩbu danaĩ hatube yuinamei ha itxakayamai itimaskaibũ haska abuama atimas ikũwaĩbu itxatã Paulo inũ Barnabé inũ ikũwaĩ betsabu katushũ hau haska yusĩa husiaibu pewakĩ Jesusũ kuxipaya betsabu inũ mekenikabu Jerusalém anuabubetã pewai hau hatube hãtxatanũbũ hatu yunukĩ

Hechos 18:15

Hakia kena betsa betsapa inũ, matũ shenipabũ yusĩni hãtxa inũ, hãtxa bena matu yusĩaĩwẽ nuikĩ ẽ pewakatsi ikamaki. Matũmebi mã haska akatsis ikai pewarikãwẽ— hatu watã

Hechos 8:9

Hamẽ betsarã, Filipẽ hatu yusĩ kariamakẽ huni betsa Simão ha mae Samaria anushũ hawẽ mukawẽ unãkĩ hawẽ hatu shuũ akĩ yurabu paraĩ keĩ shanẽ ibukĩ hatu mesewamistũ

Romanos 12:16

Ha inũ, mã hatubetã ikũwaĩ habube hiwearã, hatube ha ikama duanamei unãnuma hiwekubaĩkãwẽ. Matũmebi keãmarã, habũ hawara hatũ hamapai xinãma hakia habu xinã pepa haya keĩsbumabe haibunamekubaĩkãwẽ. Tsuãra xinaĩ: “Ea besti unãnepakĩ ẽ pewamiski”, ikĩ hatu mesewakĩ dakewayamakubaĩkãwẽ.

Romanos 13:13

Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.

Romanos 14:1

Jesus txibaĩbu nũ betsa betsapabukẽ Deusũ nukukiri xinãmis matu yusĩnũ nĩkakãwẽ, eskakirirã. Jesus Cristo habũ mã txibaĩbu betsabu ma huĩti kuxipa haya xinãkĩ dasibi piti betsa betsapa mã pimiski. Hanua betsaburi habũ tapĩ taewaibu huĩti babu mestẽriabumã nami pisbumaki. Haskawẽ taeshũ tsuara ha yurã ikũwãkĩ taewai haibu wakĩ hawara pimis inũ hawara pismakiri yuinamei habe ha irabeama uĩrakubaĩkãwẽ.

Romanos 2:8

Hamẽ yura betsa pubeĩ sinatai ha irabenamekĩ Deusũ hãtxa txanima danãkĩ ha txibãma txakabu betsa betsapa wakubaĩmisbu habuki Deus sinatakĩ kupishanikiki.

1 Coríntios 11:16

Na yusĩawẽ mã ha ikatsis ikairã, ha ikãwẽ. Hakia na haska ẽ matu yusĩaĩnã, habias keskari Jesus ikũwaĩbu itxamisbu tibi anushũri habiaskari xinãkĩ yusĩkanikiki.

1 Coríntios 11:18

Ha dukũ matukiria hushũ ea yuiabu ẽ nĩkairã, mã ikũwaĩbu itxairã, mã shukui pashkakanikiaki. Haska txanima pashkatã mã pewairã, mã haskaiwẽ taeshũ eskarabes ẽ matukiri ikũwaiĩ.

1 Coríntios 3:18

Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

2 Coríntios 11:20

Haska inũ, habũri matu dayaru watã matu yunuabu mã hatu dayashũmiski. Matu parãbetanã, itxakawakĩ matũ hawara matu biaĩbu mã hatu inãmiski. Habũ matu tãpais akabu mã tenemiski, haskatimabiakenã.

Gálatas 5:15

Hakia yuinaka hawẽ betsabe keyunamekĩ tenã keyumis keskakĩ, maturã, ikũwaĩ betsabube mã binũkatsis iki yuãnanaĩ maturi mã beshtekei yamatirubuki. Pe mekekĩ uĩrakubaĩkãwẽ.

Gálatas 5:26

Haskakẽ nukuburã, ibubis keãma betsa binũkatsis ikama hawara yura betsã bimiswẽ kemuama inũ hawẽ nuiama hiwekubainãkãwẽ.

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.

Filipenses 1:15

Huni betsa betsapabu hatũ huĩti pepa hayabu Cristokiri yura betsabu ikũwãmanũ, iwanã, pe yusĩkanikiki. Hakia hatiritũ ea binunũ ika eki sinatai keĩ pashkatã yusĩnanãriakanikiki.

Filipenses 2:14

Mã ma haskarã, ana tsuabura nãtakeabuki nĩkabumabiakẽ matũ hãtxa hamẽ ha ikĩ txakawama inũ ana ha irabeama pe hiwekubaĩkãwẽ.

Filipenses 2:3

Na haska hiwekaĩkinã, yurabu binunũ iki keãma hakia babutã bestibu: “Ea dukũ ẽ bebui pepakainaii”, ikĩ xinãma: “Betsabũri ea maemai ẽ hawamaki”, ikubaĩkãwẽ.

Colosenses 2:18

Haskakẽ tsuabura pepa kayabitikiri xinaĩ keĩsbuma inũ, tsuabũra nai tsumabu kẽwãmisbu inũ, haskamabia usha namai keskakĩ hawara tashnikiranai shabakabi uĩ hatũ xinã merã keĩ xinã txãkãmisbuki. Haskamisbũ hau habũ matu txitekĩ dakewayamanũbũ uĩrakubaĩshãkãwẽ.

1 Timóteo 1:4

Tsuabũra hatũ shenipabu hiwenibu tanakubainaibu inũ hatũ shenipabũ beya hawẽrua keska hatu yusĩ txakaibu hau nĩkayamanũbũwẽ, ha miyuirã, hamẽkirã. Haska yuimisbube hãtxanamei hau hamẽyamanũbũwẽ. Haska Deusũ abuai hawa hatu amakĩ merabewatirubumaki. Hakia Jesus Cristo ikũwãkĩ besti haska Deus yubakani abukĩ ikũwaĩ besti mã hiwetirubuki.

1 Timóteo 1:7

Haburã, yusĩa kayabi unãmabia Moisés keneniwẽ yusĩnanãpaikĩ hatũmebi yuibiai habũ ibubis nĩka pewama inũ yusĩ pewai keska xinaĩ: “Ẽ pe hatu yusĩaiĩ”, ikĩ yuimisbuki.

1 Timóteo 3:6

Ha inũ, mekenika katukĩ dama ikũwãkĩ taewabainai hawaira uĩtã katuyamakubaĩwẽ. Hamẽ dama ikũwaĩ mã haska katua: “Ea besti ẽ pehairaki”, iki keãyã Deusũ Satanás putani keska wakĩ haskari wakĩ hatu putariatiruki.

2 Timóteo 2:14

Ẽ mia yuiai keska xinãkĩ betsabu hatu yusĩkĩ tapĩmairakubaĩwẽ. Deusũ nĩka keyuaya yusĩa betsa betsapakiri yui hau kemanameyamanũbũ hatu nemakubaĩwẽ, tsua hatu merabewatirubumakirã. Haskaibu tsuãra hatu nĩkai e ishãkanikiki, Jesus Cristo ikũwãpairã.

2 Timóteo 2:23

Ha dikabi, unaĩsmapabu kemanamei sinatanamemisbuwẽ taeshũ hatu nĩkayamakubaĩwẽ.

2 Timóteo 3:4

Haska inũ, betsarã, yura pepabu tsuabura hatuki sinataibu hatũ hatu unãmamis inũ, hawara itiru bebũkiri xinãma hamapai amisbu inũ, hamebi kẽkĩ xinãkĩ: “Yura betsã atirumabiakẽ eã besti ẽ atiruki”, iwanã, xinaĩ inũ, hawẽ kemu pae bestiwẽ xinaĩ pe hiwenũ ika Deus benakĩ xinãma iriashãkanikiki.

Tito 3:9

Hakia Deusũ Moisés yusĩmaniwẽ taea hawẽ yunuti inũ hawẽ nemati inũ hatũ shenipabukiri hãtxai judeubu sinatai kemanamei tsua merabewatirumabia ha iki kũyã ikaibube hatube kemanamei haskayamakũkaĩwẽ, mia nĩkabumakenã.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.

2 Pedro 2:12

Ha hunibu parananãmisburã, hawa nĩkati kayabi hayabumaki, yuinakapã xinãyã keskaburã. Yuinakarã, txanima hawẽ nĩkatinĩs hiweabuki, tsuãra atxishũ deteshũ pimisbu inũ pisbumarã. Ha parananãmisbu haska keskabuki. Deusũ bai kayatapiakiri unã pewamabia hakiri hãtxatxakamisbuki. Hakia haskabu mawairã, yuinaka deteabu imis keskashãkanikiki.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

Judas 1:10

hawara unãkĩ nĩkabuma ha parananãmisbu yupukunãkubaĩmisbuki. Haska hatũ xinãnã, yuinakapã xinãyã keskabuki. Hatũ xinã txakabuwẽ taearã, hatũmebi hatũ kupiti bikanikiki.

Judas 1:16

habias keska menei hawara tibi abuama ha iki yuãnanaĩ hawarawẽ ibubis hawenas benai benimanũ ika hatũ kemu pae besti txibaĩ inũ keĩ mia akaitũ besu wakĩ dasibibu hatu binumakĩ maemaikiki, hatu kẽwãmairã.

Apocalipse 3:17

Haska inũ, matũmebi xinãkĩ yuikĩ: Mabu itxapa haya pei itxapa haya dasibi ẽ hayaki, ikĩ mã xinãbiakĩ ẽ yusĩa xinãkĩ mã txibãbumawẽ taea mã ibubis nuitapai hawa hayama bekũ tariuma keska mã hiwekũkainaii.