1 Timóteo 6:10 - Kaxinawá Bíblia (BR)

¹⁰ Pei inũ maburã, hatũ kemuti pae txakabũ hatu atxia hanu hayaki. Haska mabu inũ peiwẽ kemui Jesus Cristo ikũwaĩbu bestibu has besti dayanũ ika haska abuai hatũ xinã pe henetã ana Jesus Cristo ikũwaĩ xinãma ma hakimawẽ taea hanua hakiri hawẽ txakabu betsa betsapa tashnibirãkĩ hatu nuitapawamiski.

Kashinawa : Diosun Jesúswen taexun yuba bena yiniki

¹⁰ Pei inun mabudan, jatun kemuti pae chakabun jatu achia janu jayaki. Jaska mabu inun peiwen kemui Jesucristo ikunwainbu bestibu jas besti dayanun ika jaska bechipaiai jatun shinan pe jenetan ana Jesucristo ikunwain shinanma ma jakimawen taea janua jakidi jawen chakabu betsa betsapa taxnibidankin jatu nuitapawamiski.

1 Timóteo 6:10 Referencias Cruzadas

Gênesis 29:14

Labão Jacó yuikĩ: —Mĩ enabu kayabiki, mĩ nami inũ mĩ shaurã, ẽ himi keskarã— akima hatube dayai Jacó hiwekĩ hatu merabewakĩ txashuwã mekei ushe bestitxai nitxiãyã

Gênesis 29:26

Labão kemakĩ: —Iyua beneyawariama mashku dukũ beneyawarã, haska nukũ beyamaki.

Gênesis 34:27

hanua hatũ pui Diná Siquémnẽ itxakawashinawẽ taea Jacó huni bake betsabu ha hatũ betsã hatu tenãkãshu anu haburi bushũ hiwe tibi anua hatũ mabu biãbaũkĩ

Gênesis 38:16

haki nukushũ hawẽ babawãma dabanẽ unãma habe yubakakĩ yuikĩ: —Mĩ ea txutamatirumẽ?— aka —Ea txutakatsirã, hawa mĩ ea inãtirumẽ?— aka

2 Reis 5:27

Haskawẽ taea Naamã bitxiki txamima shushakaĩshurã, mikiri tekikũkaĩshanikiki. Mia bestimarã, mĩ bakebu pakubainaibu ha bitxiki txami ipapakeshãkanikiki— aka ana dayashunama Eliseũ hiwe anua tashnikaini Geazi hawẽ yura hirabi ma txami keyua matsi tãkia keska hushupahaira uinibukiaki.

Salmos 32:10

Huni txakabukubaĩmisburã, hawa merabe hayama bika betsa betsapa tenekanikiki. Hakia tsuãra Senhor Deus ikũwãkĩ txibãbainaibuwẽ taea bika tenebiaya hawẽ nuikipawẽ mekekĩ yabukĩ akawamiski.

Provérbios 1:19

Habunã, kemukĩ mabu besti hatu parãtã bikubainaibu ibubis haska kemui parananãmisbuwẽ taea hawẽ henei mawa bestishãkanikiki.

Provérbios 1:31

Hatũ hiweawẽ shinã txakakĩ txakabu tibi amisbuwẽ taea nuitapai bika tenekubaĩshãkanikiki, hatũ txakabu itxapa yaniwa keskairã.

Provérbios 15:27

Tsuãra hawenas besti wanũ, iwanã, mabuwẽ kemukĩ hawenabu duawama ibubis txakabumisbuki. Hamẽ tsuãra hawẽ txakabuwẽ taeshũ shanẽ ibu hune pei inãpaia danãkubaĩmisrã, hiwei pekũkaĩkĩ Senhor Deus benimawamiski.

Isaías 1:23

Haska inũ, matũ shanẽ ibuburã, sinatapa yumetsubũ haibuaibuki. Ana pei mais hatu pewashũkatsi ikama hatu parãkĩ hatũ peiwẽ besti hatu itxakawakubaĩkanikiki. daketapai ea inãkuĩwẽ ika ea ikĩ bena bestikubaĩkanikiki. Bake ibuumabu hatu pe merabewati shinãbiai habũ hatu uĩs bestikanikiki. Ha inũ, aĩbu beneyabiani beneumabukiri habũ hatu merabewai pe hãtxashũkatsi ikama hatuki petxiabuki.

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Malaquias 1:10

“Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.

Mateus 13:22

Hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Mateus 6:19

ana hatu yuikĩ: —Na mai anushũ huni itxapabu hiweshũ mabuwẽ kemukĩ itxawamisbuki. Hakia matunã, mabuwẽ kemukĩ itxawayamashãkãwẽ. Hawara bikĩ mã itxawa hawẽ masãnẽ pesa pesa akĩ inũ nakashã piriatiruki, matu benũkinã. Ha inũ, huni yumetsubũ matũ hiwe anu hikitã matũ mabu dasibi mã aru pewabiakẽ matu biãbaĩtirubuki.

Marcos 4:19

hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui itxa bestiwanũ ika pepaisbumaki, haskatũ yabua hãtxa pepa txibãma yurabu mibã bimiuma keskabuirã.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

1 Timóteo 3:3

Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

1 Timóteo 6:9

Hakia tsuabura mabu inũ pei bestiwẽ kemuaiburã, habũ hawa unãmawẽ taearã, birũ tibi keska hatũ kemu pae tibiwẽ hatu atxi keyua haska tibi tashniaiwẽ taea hawa xinãma: “Ẽ peaii”, i bestikĩ hamapai txakabu hawẽrua besti abui hawẽ hiwe txakai pikukũkaini hawẽ hiwea benui hanu kupiaitiã hawa pepa biama benushãkanikiki.

2 Timóteo 3:2

Ha yurabu eska bestiwẽ hamebi kẽkĩ hatũ mabu inũ hatũ pei bestiwẽ kemui: “Earã, tsua ea keskamaki”, ikĩ Deuskiri hãtxa txakabukĩ hatũ ibuã hãtxa nĩkama inũ, hawa pepa xinãma inũ, Deus kẽwaĩbuki meseama txakabushãkanikiki.

2 Timóteo 4:10

Demas hawẽ hiweawẽ besti inũ mabuwẽ kemukĩ ea henebaini Tessalônica mae ewapa anu kaxiãki. Crescente Galácia mai pakea anuri kariaxinaki. Tito Dalmácia mai pakea anuri kaxiãki.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

Santiago 5:19

Ẽ betsabu inũ ẽ puibuũ, tsuara matũmebi txakabui bai pepa henetã mã ma benukenã, hau ikũwaĩ betsã mia merabewakĩ hau ana matu txĩtũwãkubainũbũwẽ.

Josué 7:21

Jericó nawabu nũ hatube detenameaitiã hatũ mabu uĩbaũkĩ Babilônia anua tari peyabukuti hawẽruahaira inũ, 200 prata pei heshe inũ, ouro ture pishta meio quilo binua betxishũ hawẽ kemukĩ bibaĩ ẽ tari hiwe merã mai pukĩtã ha dukũ pei heshe mãtxĩtã hanua ouro ture hanatã hamamaki peyabukutiwẽ atximashũ ẽ maiwashinaki— akaya

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.