1 Timóteo 5:22 - Kaxinawá Bíblia (BR)

²² Ha dikabi hau tsuãra Deusũ daya ashunũ katukatsis ikinã, hĩ hĩ, iwanã, uĩriama mamepishũ hawaira Deus yukashũyamawe. Hakia hawẽ txakabu unãriama kanekĩ mĩ hawaira katukẽ: “Hawẽ txakaburã, unãma ikimẽkaĩ?”, iwanã, mikiri xinãtirubuki. Haska huni betsã txakabu mĩ pewashũtirumarã, mimebi mekekĩ uĩrakubaĩwẽ.

Kashinawa : Diosun Jesúswen taexun yuba bena yiniki

²² Ja dikabi jau tsuanda Diosun daya axunun katukatsis ikinan, jin jin, iwanan, uindiama mamepixun jawaida Dios yukaxunyamawe. Jakia jawen chakabu unandiama kanekin min jawaida katuken: “¿Jawen chakabudan, unanma ikimenkain?”, iwanan, mikidi shinantidubuki. Jaska juni betsan chakabu min pewaxuntidumadan, mimebi mekekin uindakubainwen.

1 Timóteo 5:22 Referencias Cruzadas

Hechos 13:3

hanushũ samakeyabi hau Deusũ hatu mekekubaĩshanũ habũ hatu yunuaibũ yukashũtã hau dayatanũbũ meribi wakĩ mamepishũ hatu nitxiãbu

Hechos 18:6

nĩkatã judeu itxapabũ ikũwãkatsi ikama danaĩ habi aki haki shetxakai ha ibaunaibũ Paulõ hatu henebaĩkatsis ikĩ Deusũ hãtxa danaĩ hau habiaskasi hiwenũbũ habu unãti wakĩ hawẽ tari anua mai kuru datakakĩ hatu yuikĩ: —Deusũ Messiaskiri ẽ matu yusĩa nĩkama matũmebi ibubis matũ txakabuwẽ mã benu kayabiaii. Haskawẽ taeshũ ea akama matu besti Deusũ kupishanikiki. Haskakẽ judeubu ana yusĩama natiã unuri judeubuma besti ẽ yusĩkubainaii— hatu watã

Hechos 20:26

Haskakẽ ikis matu yuinũ nĩkakãwẽ. Dasibi Deusũ yurabu yubani hawa huneama shabakabi ẽ matuki txanimiswẽ taeshũ tsuãra habũ danãkĩ Jesus ikũwãbumawẽ taeshũ Deusũ ea kupiama ishanikiki.

Hechos 6:6

Jesusũ kuxipayabu anu hatu iyuabu hanushũ hatu unãti wakĩ mamepishũ Deus hatu yukashũkĩ hatũ merabewanikabu hatu wanibukiaki.

Efésios 5:11

Tsuabura mexu merã nia keskashũ txakabu xinãtã matu amakatsis ikaiburã, hawa pe hayabumaki. Ana hatuki dasiama matuĩ hatu dakewakĩ shabakã kaĩma keska wakĩ shabakabi pepakiri hatu yuikubaĩkãwẽ.

1 Timóteo 3:10

Ha dukũ hatũ hiwea pemẽkaĩ ishũ uĩkubaĩkĩ hakiri hawa txakabu kaĩmabumakẽ unãtã merabewanika dayanika katutirubuki.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

1 Timóteo 3:6

Ha inũ, mekenika katukĩ dama ikũwãkĩ taewabainai hawaira uĩtã katuyamakubaĩwẽ. Hamẽ dama ikũwaĩ mã haska katua: “Ea besti ẽ pehairaki”, iki keãyã Deusũ Satanás putani keska wakĩ haskari wakĩ hatu putariatiruki.

1 Timóteo 4:12

Mĩ berunã huni ewariamabiatũ mĩ hatu yusĩaĩ hau mia danãyamanũbũ pe bestikũkaĩwẽ. Ha inũ, mĩ hãtxa pe tashnimakĩ duapai hatuwẽ nuikĩ Jesus Cristõ yusĩa ikũhairawakĩ mĩ ikũwaĩ hatu uĩmawe, hau haskariakĩ yura betsã ikũwãtã hiweriakubainũbũ ikũwaĩbu hatu yusĩkubaĩwẽ.

1 Timóteo 4:14

Ha inũ, mĩ mae anushũ Jesus Cristonabu mekenikabũ mia mamepishũ Deus mia yukashunabu hawẽ Yushĩ Pepa mia yunua mia kuxipa wanirã, unãnumas hamakiri hãtxama haska Deusũ mia merabewani hakiri besti hãtxai dayakũkaĩwẽ, kaneamarã.

2 Timóteo 1:6

Haskakẽ natiã ẽ mia yunukĩ yuairã, nĩkairawe. Deusũ hawẽ kuxipa pepa hau mia inãkĩ kayati wamanũ mia mamepishũ ẽ mia yukashuniki. Habiaswẽ ana kuxipai txi ketiãbu hi imis keskai ana mĩ kuxipa babu wayamawe.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

Hebreus 6:2

hatu naximakatsi hatu yusĩakirirã, habũ Cristo ikũwaĩbuki mapepishũ hatu Deus yukashũtikirirã, mawabu ana bestẽshanaibukirirã, Deusũ hatu unãti watã hanu hatu bika tenemapakeshanaikiri haskas yusĩawẽ besti nũ matu yusĩtirumaki.

2 João 1:11

Tsuãra ha parananaĩbu hatube hãtxanamekĩ beyawakinã, hawẽ txakabu habetã abaĩshãkanikiki. Uĩrashãkãwẽ.

Apocalipse 18:4

hanua hui betsa nai anua tashnikĩ yuikĩ: “Enabuũ, ha mae ewapa anua tashniribaĩkãwẽ, hau habũ txakabu akaibube mã husiama inũ hau Deusũ atimapawẽ hatu kupikĩ matu dikabis hau matu kupiyamashanunã”, iwanã,