1 Timóteo 3:3 - Kaxinawá Bíblia (BR)

³ Ha dikabi eska tibi meama xinãmisburã, paẽakiri xinaĩsbuma inũ, detenamekatsi ikĩ xinaĩsbuma inũ, mabu inũ peiwẽ kemuisbuma inũ, duapakatsis iki pepamisbu itirubuki.

Kashinawa : Diosun Jesúswen taexun yuba bena yiniki

³ Ja dikabi eska tibi meama shinanmisbudan, paeankidi shinainsbuma inun, detenamekatsi ikin shinainsbuma inun, mabu inun peiwen kemuisbuma inun, duapakatsis iki pepamisbu itidubuki.

1 Timóteo 3:3 Referencias Cruzadas

Provérbios 1:19

Habunã, kemukĩ mabu besti hatu parãtã bikubainaibu ibubis haska kemui parananãmisbuwẽ taea hawẽ henei mawa bestishãkanikiki.

Provérbios 15:27

Tsuãra hawenas besti wanũ, iwanã, mabuwẽ kemukĩ hawenabu duawama ibubis txakabumisbuki. Hamẽ tsuãra hawẽ txakabuwẽ taeshũ shanẽ ibu hune pei inãpaia danãkubaĩmisrã, hiwei pekũkaĩkĩ Senhor Deus benimawamiski.

Isaías 28:1

Samaria anu hiweabuũ, mã peirawa! Efraimnẽ maewã Samaria hawẽ maiti hawẽrua keska wakĩ hawẽ kẽmisburã, harã, habu paẽmisbũ maeki. Hua hawẽrua keska ibiaima ana hawẽruama utsitã txapuai keska bestiki. Mati mapãpa anushũ hatũ yunu bai tenãmã mai pepa uĩmisbu hanu hiweabu vinhowẽ kemui haki neshenibũ akĩ heneisbumaki.

Isaías 28:7

Betsabu ikirã, vinhowẽ paeã ni peama keshka keshka iki hanua shia paepa aki hawẽri paẽhairai berame berame iki di imisbuki. Habu hawenabu Deusbe hãtxashunikabu inũ Deusũ hãtxa yuishunikabũ ha shia paepa akawẽ taea ni peama keshka keshka iki inũ vinho aki paeãwẽ taea shinã pe watirubumaki. Nama keskakĩ habũ Deusũ yusiã uĩkĩ nĩkabiatã pe shinãtirubumaki. Paẽtã hatu unãti wakĩ haratu pe inũ haratu txakabumẽ, ishũ hatu unãtirubumaki.

Miquéias 2:11

Tsuara txanitxakakĩ yuikĩ: ‘Vinho inũ shia paepa mã ea inãkubainaya Deuskiri ẽ matu yusĩkubaĩshanaii’, ikaya na yurabũ haska txakabu betxipaikĩ ẽ hãtxa yuishunika hatu wai haska hatũ shinanã, pehairaki, ishãkanikiki”, itã,

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Miquéias 3:5

Deusũ hãtxa yuishunika paranananikabũ hatu yusĩ txakaibuwẽ taea enabu hiwei peama bai txakabu tanabaini hamakiri bukubaĩkanikiki. Tsuabũra hatu pimakubainaibu bestikiri unanuma hiwetikiri hatu banabimakubaĩmisbuki. Hakia tsuãra hatu yaniwamabumawẽ taeshũ tsakanamei beaibukiri hatu yuikubaĩmisbuki. Senhor Deusũ habukiri eska hatu yuikiki, nĩkakãwẽ, habu hawẽ hãtxa yuishunikabubiakenã.

Malaquias 1:10

“Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.

Mateus 21:13

hatu ha akĩ yuikĩ: —Hawẽ Templokiri hawẽ hãtxa yuishunika Isaías Deusũ kenemani matu yuinũ nĩkakãwẽ. “Ẽ hiwerã, hanua ebe hãtxakĩ ea kẽwãshãkanikiki”, ibianikẽ na hiwe hemaĩtĩ shabaturu anua mã yumetsubũ hiwe wamisbuki— hatu wakĩ hatu nitxĩkĩ tashnimakĩ keyuaya

Hechos 20:33

—Daketapakĩ ibubis matũ pei inũ matũ mabu matu bianũ ika kemuama

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Efésios 5:18

Haska inũ, mã nushuti pae xarabu beya wanirã, hawẽ kemui xinã txãkaĩ pe mekeama mã txakabumisrã, ha henetã natiã Deusũ Yushĩ Pepa bestiwẽ kemukĩ nushukĩ akawakĩ mata wakĩ matũ huĩti benimai xinã txãkãkubaĩkãwẽ.

1 Tesalonicenses 5:14

Ẽ betsabu inũ ẽ puibuũ, nũ ana matu yunuai nĩkairakãwẽ. Dayama txikixaibu hatu yusĩ pewakĩ hatu ha akubaĩkãwẽ. Ha inũ, hatũmebi hawara txakabuwatã kasmai nĩkatã beshtekei babuaibu hatu merabewakubaĩriakãwẽ. Ha inũ, betsabũ dama ikũwaĩ huĩti shubu heneama hatu merabewakubaĩriakãwẽ. Ha inũ, yurabu hiwe txakabu haskaira hatuki sinatama unãshubira hatu tapĩmakubaĩkãwẽ.

1 Timóteo 3:8

Habiaskari wakĩ merabewanikabu katukinã, eskari akubaĩkãwẽ. Hunibũ hakiri pe xinaĩ haki kasheisbuma inũ, hawara yubaka bestitã kaneisbuma inũ, paeĩsbuma inũ, hatu beparãtã pei inũ hatũ mabu ibubis binumatã itxawaisbuma hau ikubainũbũwẽ.

2 Timóteo 3:2

Ha yurabu eska bestiwẽ hamebi kẽkĩ hatũ mabu inũ hatũ pei bestiwẽ kemui: “Earã, tsua ea keskamaki”, ikĩ Deuskiri hãtxa txakabukĩ hatũ ibuã hãtxa nĩkama inũ, hawa pepa xinãma inũ, Deus kẽwaĩbuki meseama txakabushãkanikiki.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

Tito 1:7

Ha daya pepa ikatsi ikĩ hatu bebushunũbũ mĩ hatu katutirurã, bebukĩ Deusũ enabu hatu mekemakatsi ikĩ haska tibi Deusũ abuai akatsi ikaibu hatu katukĩ yunukinã, hatũ hiwea hawa txakabu hayama pe besti ikubainaibu hatu akubaĩwẽ. Hatũ xinã betsa maewatirubuma akama inũ, sina besu akama inũ, paẽkatsis imisbu inũ, hãtxawẽ hatu bekũyã amisbu inũ, hatu beparãtã hatũ pei inũ hatũ mabu ibubis binumatã pei itxawamis haskabu uĩtã katutimaki.

Tito 2:3

Aĩbu ewabu hatu merabewakatsi yusĩkĩ habiaskari hatu akubaĩwẽ. Hatũ hiweawẽ pe hiwekĩ Deuskiri hau pe xinãnũbũ inũ, hau ana yuãnanãyamanũbũ inũ, hau ana paẽyamanũbũ inũ, haska Deusũ abumis hawẽ hiweawẽri hau dasibibu uĩmakubainũbũ hatu yuikubaĩwẽ.

Tito 3:2

Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Santiago 4:1

Mã unaĩ ikai hanua hukĩ matu ha imakĩ hãtxawẽ hanubi txitenamemakĩ matu detenamemairã, haska kaĩkinã, matũ huĩti meranua kemu txakabu tashnikĩ matu imaikiki. Mã haskakũkainairã, xinãkãwẽ.

1 Pedro 5:2

Deusũ enabu txashuwã keska matube hiweabu Deusũ matu yununi hatu mekeirakubaĩkãwẽ, mã haska pe xinãkĩ hatu merabewakatsi ikairã, haska Deusũ abuai keska wakinã. Hatu yunu bestiama inũ pei binũ ika kemuama hakia xinã tibi wama pe bestiwẽ nuikĩ hatu pe mekekĩ ashũkubaĩkãwẽ.

2 Pedro 2:3

Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.

Judas 1:11

Uĩa. Habu ikirã, Caim hawẽ betsa tenãni keska ha txibãkĩ txakabuwakanikiki. Haska inũ, huni betsa Balaão pei binũ ika kemui ini keskariakĩ Deusũ bai kayatapia benui yusĩnã betsabu parananaĩ peiwẽ kemuriakanikiki. Haska inũ, huni betsa Corã Deusũ yunua danaĩ benuni keskai ha parananãmisbu habu mawariai pemashãkanikiki.

Apocalipse 1:9

Ea ẽ matũ betsa Joãonã, matu keska Jesuski dasia Deusbe shanẽ ibuaibe nia betsa betsapa tenei txĩtuãma Jesusũ kuxipawẽ ẽ binukubainaii. Ha inũ, Deusũ kakape yusĩkĩ Jesusũ nuku mekekatsis ikai shabakabi ẽ hatu yuikubainaiwẽ taeshũ na natukã hawẽ kena Patmos anu ea nitxiãbu

1 Samuel 8:3

hatu haska wakĩ hawẽ bakebu hatu katushũbiaima hatũ epa pepakũkaĩmis keskama hakia ibubis kemuhairai shinã txakakĩ pei hune binũ, iwanã, hatu yukakubaĩkĩ hawara yunuti pepa txibãma ikubainaibuwẽ taea