1 Timóteo 3:10 - Kaxinawá Bíblia (BR)

¹⁰ Ha dukũ hatũ hiwea pemẽkaĩ ishũ uĩkubaĩkĩ hakiri hawa txakabu kaĩmabumakẽ unãtã merabewanika dayanika katutirubuki.

Kashinawa : Diosun Jesúswen taexun yuba bena yiniki

¹⁰ Ja dukun jatun jiwea pemenkain ixun uinkubainkin jakidi jawa chakabu kaianmabumaken unantan medabewanika dayanika katutidubuki.

1 Timóteo 3:10 Referencias Cruzadas

1 Coríntios 1:8

Haskawẽ taeshũ Deusũ hawa heneama matu kuxipa wakubaini Cristo ana huaya hawa txakabu matukiri yuitirubuma ishãkanikiki.

Colosenses 1:22

Hamẽ natianã, Deusũ bake Cristo ma huni hawẽ yurawẽ nuitapatã matu mawashũkĩ hawẽ mawawẽ Deus matu daewamashuniki. Haska matu wakinã, hawẽ besuuri hawa txakabuma inũ hawa mexu tsamiama inũ tsua txakabu matuki txanitiruma matu nitxĩkatsi iki matu ishuniki.

1 Timóteo 3:13

Hanua merabewanikabu pepakĩ Jesus Cristo dayashũkinã, betsabu uĩmai hawa txakabuamakẽ habũ kẽwãtirubuki. Hanua Jesus Cristo ikũwaĩwẽ taea benimai unãnuma hiwekubaĩtirubuki.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

1 Timóteo 3:6

Ha inũ, mekenika katukĩ dama ikũwãkĩ taewabainai hawaira uĩtã katuyamakubaĩwẽ. Hamẽ dama ikũwaĩ mã haska katua: “Ea besti ẽ pehairaki”, iki keãyã Deusũ Satanás putani keska wakĩ haskari wakĩ hatu putariatiruki.

1 Timóteo 5:22

Ha dikabi hau tsuãra Deusũ daya ashunũ katukatsis ikinã, hĩ hĩ, iwanã, uĩriama mamepishũ hawaira Deus yukashũyamawe. Hakia hawẽ txakabu unãriama kanekĩ mĩ hawaira katukẽ: “Hawẽ txakaburã, unãma ikimẽkaĩ?”, iwanã, mikiri xinãtirubuki. Haska huni betsã txakabu mĩ pewashũtirumarã, mimebi mekekĩ uĩrakubaĩwẽ.

1 João 4:1

Ẽ betsabu inũ ẽ puibuũ, matuwẽ nuikĩ na haska tashnibiranaibukiri ẽ matu yusĩkatsis ikaii. Mai hirabi anu Deusũ hãtxa yuishunikanikapai habu txani txakaiburã, mirima hayaki. “Eari ẽ Deusũ hãtxa yuishunikaki”, ikaiburã, dasibi hatu ikũwãyamakãwẽ. Hakia hatu unãti wakinã, txanima habu Deusũ Yushĩ haya ikanimẽkaĩ? Hayamabia matxupai ikanimẽkaĩ? Hatu uĩkubaĩkãwẽ.