1 Timóteo 1:15 - Kaxinawá Bíblia (BR)

¹⁵ Na haskarã, txanima kayabiki, tsuabũra ikũwãtiruburã. Ikũki Jesus Cristo mai anu tashnirã, txakabu wamisbu hau Deusũ hatu kupiyamashanũ hatũ txakabu buatã hatu mekẽnũ ika huniki. Hamẽ eãnã, txakabu wakĩ yura dasibibu ẽ binuhairaniki.

Kashinawa : Diosun Jesúswen taexun yuba bena yiniki

¹⁵ Na jaskadan, chanima kayabiki, tsuabunda ikunwantidubudan. Chanima Jesucristo mai anu taxnidan, chakabu wamisbu jau Diosun jatu kupiyamaxanun jatun chakabu buatan jatu mekenun ika juniki. Jamen eanan, chakabu wakin yuda dasibibu en binujaidaniki.

1 Timóteo 1:15 Referencias Cruzadas

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Mateus 1:21

Ha huni bake kaĩtã ewatã hawenabu Deuski petxia txakabumisbu hau hatũ ana Deus txibanũbũ hatu merabewashanaiwẽ taeshũ kenakĩ: ‘Jesus’, washãwẽ”, aka Josẽ haska nĩkatã xinãnikiaki.

Mateus 18:10

ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,

Mateus 18:11

—Miyuiwẽ matu yusĩnũ nĩkakãwẽ. Tsuara 100 txashuwã haya bestitxai benua 99 besti basi mati anu mapukẽ heneyubaĩ bestitxai benua mã benamisbuki. Haskamamẽ? Haskakẽ ha 99 benuabumawẽ benimabiakĩ atimas ha bestitxai benua betxitã mã hawẽ benimahairamiski. Habiaskari wakĩ matũ Epa nai anuatũ hawa bestitxai bakeixtã ea ikũwaĩ benukatsi ikamaki— iwanã,

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

Marcos 2:17

Jesusũ hatũ hãtxa nĩkatã hatu yuikĩ: —“Ẽ peki”, iwanã, xinaĩbu anu huni dauya kaismaki. Hakia isĩ teneaibu anu besti huni dauya kenabu kamiski. Haskakẽ: “Ẽ txakabuki”, iwanã, xinaĩbu hatũ huĩti pewakĩ merabewatanũ ika ẽ hushuki, huni dauya keskairã. Hakia: “Ẽ txakabumaki”, iwanã, xinaĩbu hatu merabewatanũ ika ẽ huamaki— hatu wanikiaki.

Lucas 15:2

uĩkĩ Moisés keneni txibãhairamis fariseubu inũ Deusũ hãtxa kenenibu yusĩnanãmisbũ Jesus yuaĩ yuinamekĩ yuikĩ: —Ha huninã, yura txakabũ Moisés keneni txibaĩsbuma beya wakĩ hatubetã pikiki— ikaibu

Lucas 5:32

Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu wa

João 1:12

hakia hatiritũ hawẽ hãtxa nĩkatã ikũwãkĩ beya waibũ Deusũ Xinaĩ Hãtxatĩ hau Deusũ bakebu ishanũbũ hawẽ kuxipa hatu inãkĩ hatu duawakĩ taewaniki.

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

João 12:47

Hakia yurabu kupinũ ika huama hatu merabewanũ ika ẽ huniwẽ taeshũ ẽ hãtxa nĩkabiakĩ tsuabũra txibãmakẽ ikis ẽ hatu kupiamaki.

João 3:36

Haska inũ, tsuabũra hawẽ bake ikũwãkĩ txibaĩbu hiwekuĩshãkanikiki, ikibi ikirã. Hakia hawẽ bake danãkĩ ikũwãbuma hatu danãriakĩ Deus haki sinatakĩ hiwekuĩmama hatu kupikubaĩshanikiki, hiwe txakamakinã— iniki.

Hechos 11:1

Hanua nawã mae anushũ judeubumabiabũ Jesuskiri Deusũ hãtxa nĩkatã ikũwãxinabũ kakaibu Judéia anushũ Jesusũ kuxipayabu inũ ikũwaĩ betsabũ nĩkaxinabũ

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 3:26

Haskawẽ taeshũ Deusũ hawẽ bake bestẽwaĩmashũ mã hawenabu dukũ matukiri pe xinãkĩ matu duawakĩ taewaikiki, matũ txakabu henetã mã xinã betsa wanũbunã— hatu wai

Romanos 5:6

Yura dasibibu Deusũ nuku kupinũ ikũkainaya haska ibubis pashai nũ meketirubumakẽ hatiãra hanu Deusũ Cristo yunua tashnitã yurabũ Deuskiri xinãma txakabukubaĩmisbu hatũ txakabu dasibi Cristõ hatu bua keyushunũ ika debuniki.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

1 Timóteo 1:13

Ha dukunã, Jesus Cristokiri txakabu yui haki shetxakakĩ ha ikũwaĩbu danãkĩ ẽ hatu itxakawayuniki. Haskati dabanẽ Jesus Cristo ẽ ikũwãriama haska ẽ xinaĩ inũ haska ẽ akubainai Deus ẽ benimawai dabanẽ ẽ ibiaya ha ẽ kaneaiwẽ taea Deus ewẽ nuitxakayamaniki.

1 Timóteo 3:1

Na hãtxarã, txanima habiaskaki. Haratubũra Jesus Cristo ikũwaĩbu hatũ mekenikakatsis ikirã, daya pepa akatsi ikaiburã, haskarã, peki.

1 Timóteo 4:9

Ha hãtxa txanimaki, dasibibũ nĩkakĩ ikũwãtiruburã.

1 Timóteo 6:13

Deusũ dasibi damiwakĩ hiwea hatu inãkĩ keyumis inũ nukũ Shanẽ Ibu Jesus Cristõ haska shabakabi huni dateama Romano shanẽ ibu Pôncio Pilatoski txanikĩ ma yuinitũ natiã nuku uĩaĩbũ mia merabewakĩ ẽ mia yunuaii.

2 Timóteo 2:11

Na haska ẽ mia yuiairã, txanimahairaki. Xinaĩrawe. Tsuabura nũ ma habe mawani keska habũ nũ xinaĩburã, habusri nũ habe hiweshãkanaii, niti ikamarã.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

1 João 3:5

Yurabũ txakabu buanũ ika Jesus Cristo na mai anu tashnitã Deusũ yunua kanei txakabuwama inirã, mã unaiĩ.

1 João 3:8

Hakia tsuãra txakabu akubainaiburã, Satanás txibãkĩ akanikiki. Bebũkiri Satanásã Deus nĩkama hatũ dukũtũ hakiri txakabuwanishũ hatũ hatu amakubainikiki. Haskawẽ taea Satanásã haska hatu amakubaĩmis yamawakĩ keyunũ ika Deusũ bake tashniniki.

1 João 5:11

Ha inũ, Deus txani: “Hiwea ikibi ika ẽ matu inãshanaii”, inirã, ha hiwearã, hawẽ bake anu hayaki.

Apocalipse 21:5

hanua shanẽ ibu haki tsauti anushũ nukũ Shanẽ Ibũ ea yuikĩ: “Txanima hãtxa xinã kaya ẽ mia yuiai keneriwe, eskarã. Uĩa. Eãnã, dasibi ẽ bena wakĩ keyuaii”, itã

Apocalipse 22:6

Hanushũ nai tsumã ea ana yuikĩ: “Txanima hãtxa ẽ mia yuiai nĩkawe. Nukũ Shanẽ Ibu Deusũ hawẽ hãtxa yuishunikabu hawẽ hãtxa hatu yunumistũ haskarara samama ishanai hau hawẽ tsumabũ yusĩshanũ, iwanã, ẽ hawẽ nai tsuma hawẽ hãtxa eari yunushuki, ẽ mia tapĩmanunã. Deusũ txanima hãtxa tibi yubakatã ashanai ẽ mia uĩmashu ẽ mia yuiai nĩkatã ikũwãriwe”, ea waya

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ