1 Timóteo 1:1 - Kaxinawá Bíblia (BR)

¹ Ea ẽ Paulorã, Deus nukũ mekenika inũ Jesus Cristo hawẽ yubakaniwẽ nũ hiweshanai nũ manaitũ Jesus Cristõ kuxipaya ea washũ ea yununibuki.

Kashinawa : Diosun Jesúswen taexun yuba bena yiniki

¹ Ea en Pablodan, Dios nukun mekenika inun Jesucristo jawen yubakaniwen nun jiwexanai nun manaitun Jesucriston kushipaya ea waxun ea yununibuki.

1 Timóteo 1:1 Referencias Cruzadas

Isaías 43:11

Ea besti ẽ Senhor Deuski. Eamaki hawa tsua betsa piskutirubumaki”, itã

Isaías 43:3

Earã, ẽ Israelĩ enabũ Senhor Deus meribi matũ piskumanikaki. Matu tashnimakinã, matu ana ena wakĩ bikatsis ikĩ ha nawabu Egito inũ, Etiópia inũ, Sebá habũ matu itxakawaibu hatu matu kupishũkĩ Pérsia nawabuwẽ ẽ matu tashnimabirãshanaii.

Isaías 45:15

Isaíasĩ ana hatu yuikĩ: Haskabiaibũ miarã, tsuã mia uĩtiruma mĩ Israel mekekĩ piskumanika Deuski.

Isaías 45:21

Mã haratura dami yushĩbe hãtxakĩ yukakatsi ikairã, haska matu ashũtirumẽkaĩ, betsa tibi meakeakei habe hãtxakĩ unãti wakĩ unãkãwẽ. Na haska tibi inũbariairã, bebũkirihairarã, tsuã yui txaninimẽ? Ea besti ẽ ikama inimẽ, Senhor Deusrã? Deus kayabi betsa ea keska hayamaki. Deus kushipahaira maemakĩ mekekĩ binumanika tsua ea keska hayamaki.

Isaías 49:26

Habũ matu yunu yunu akĩ bika tenemamisburã, ibubis hatunabubetãri bika teneshãkanikiki, hatũ nami ibubis piai keska wakinã. Ibubis hatũ himiwẽ paẽshãkanikiki, vinhowẽ paeã keskairã. Haskaibũ ha dasibi yura hiwebaunabũ ea ẽ Senhor Deus matũ mekenã piskumanika inũ ea ẽ Jacó kushipahaira inũ ea ẽ matũ mebikinanika habũ ea unãshãkanikiki”, itã,

Isaías 60:16

Nawa shukua tibibũ hatũ piti pepahaira beshũ matu inãshãkanikiki. Nawa shanẽ ibubũ hatũ mabu hawẽrua karuhaira matu beshũshãkanikiki. Matu haska waibu uĩkĩ ea Senhor Deus ẽ matũ piskumanika mã unãshanaii, Jacó merabenanika kushipahaira earã, ẽ matũ mebikinanikarã.

Isaías 63:8

Deusũ yuikinã: ‘Ha enabu ẽ bakebunã, hawa ea danãkĩ ea txakabuwama ishãkanikiki’, itã hatũ habu piskumaikiki,

Lucas 2:11

Matũ shenipabu shanẽ ibuhaira Davĩ mae Belém anu haska Deusũ yubani matũ merabenã Shanẽ Ibu ma kaĩyãki, Cristo Messiasrã.

Hechos 9:15

haska yuibiaya Shanẽ Ibu Jesusũ ana yuikĩ: —Hẽ iyamai dateama katãwẽ. Ha huni kaĩriama ẽ katunitũ ekiri txanikĩ nawa shukua betsa betsapabu hatu yusĩkĩ inũ, hatũ shanẽ ibubu yusĩriakĩ inũ, Israelburi ea hatu yusĩriashũkubaĩshanikiki,

Romanos 1:1

Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

1 Coríntios 1:1

Jesus Cristõ kuxipayawakĩ Deusũ ea xinãkĩ ea katunikẽ Cristowẽ taea nukũ betsa Sóstenesbetã ẽ Paulõ ẽ matu kene bumakĩ taewaii.

1 Coríntios 9:17

Ẽ xinãnẽ Deusũ kakape yusĩbaunũ, iwanã, emebi ẽ akĩ taewaniwẽ taeshũ mã ea devekeanaii. Hakia ẽ haska ẽ xinã meribi ẽ akama Deusũ ea kenatã ea txai putani ha ẽ dayashũshanũ ea katukĩ nitxĩnikẽ haskakĩ matũ hamapai tibi biãtibiakẽ ẽ tsua matu yukaismaki.

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

Gálatas 1:1

Jesusũ tsuma kuxipaya betsa earã, ẽ Pauloki. Hawa hunibũ hatũ xinãnẽ katushũ ea yunuama inibuki. Hakia katukinã, Jesus tenãbu hatũ bestẽwani hawẽ Epa Deus inũ ha kayabis Jesusũ hamebi ea katunishũ ea yunukubaĩmisbuki.

Gálatas 1:11

Ẽ betsabu inũ ẽ puibuũ, matunã, nĩkairakãwẽ. Deusũ yusĩni Jesus mekenãkiri kaka wakĩ datã akĩ ẽ matu yuikubainirã, yurabũ ea hawa tapĩmama inibuki.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

1 Timóteo 1:12

Nukũ Shanẽ Ibu Jesus Cristõ ekiri pe xinãkĩ ẽ txĩtũtiruma xinãkĩ ea duawakĩ hawẽ daya ea yununiwẽ taeshũ txanima hatũ ea kuxipa wa ẽ kẽwãkubainaii.

1 Timóteo 2:3

Haska nũ hatukiri xinãkĩ hatu yukashunairã, harã, peki, nukũ mekenika Deusũ haska abumiskenã.

1 Timóteo 2:7

Haskawẽ taeshũ Deusũ ea katutã hawẽ kakape yuishunika ea wakĩ Jesus Cristõ kuxipaya ea watã judeubuma anu na yusĩa Jesus Cristokiri txanima ẽ ha ikũwaĩ ẽ txanikauanũ ea yununiki. Na haska mia yuikinã, txani txakakĩ ẽ mia yuiamaki.

1 Timóteo 4:10

Haskawẽ taea dayakĩ Deus hiweatũ yura betsa betsapabu merabewakatsis ibiaya tsuabũra hawẽ bake Jesus Cristo ikũwaĩbu besti hatu mekekubaĩshanaiwẽ taea nũ habe hiweshanai manakakĩ habias hawẽ hãtxa nũ yusĩayã nuku itxakawabiabu hatu ikũwãmanũ ika nũ dayakũkainaii.

Tito 1:3

Natiã hanu ma menekĩ hanu ati wani anu hawẽ bakekiri kakape nũ unãshanũbũ nukũ Epa Deus mekenãtũ nuku unãmani haska wanishũ eki txiti ikaya hawẽ yunuawẽ hawẽ hãtxa ẽ hatu tapĩmakubainaii.

Tito 2:10

yumetsuama inũ, hau hawa hatu parãma dasibi hatu ashũkubainũbunã. Hatu haska wamakĩ nukũ mekenã Deusũ hãtxakiri dasibi pepa atikiri hatu uĩmashũkĩ hatũ tsumabu mĩ hatu abumatiruki.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Tito 3:4

Hakia hanushũ nukũ mekenã Deus dasibi mai anuabu nukuwẽ nuikĩ nuku abukĩ hawẽ pepa nuku unãmaniki.

Tito 3:6

Nukũ mekenã Jesus Cristõ hawẽ pepa hawa yauxiama hawẽ Yushĩ Pepatũ kuxipa nukuki dasiwaniki.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

1 João 4:14

Txanima Epa Deusũ hawẽ bake hau yurabu mai hirabi anu hatu mekekubaĩshanũ yununi nukubũ uĩnishũ nũ shabakabi hakiri txanikũkaĩmiski.