1 Tesalonicenses 4:3 - Kaxinawá Bíblia (BR)

³ Haskakẽ Deusũ matu pepa besti wanũ, iwanã, matu yunukĩ: “Aĩbu mĩ aĩmawẽ kemuama inũ, huni mĩ benemawẽ kemuama haska ha dabe mã haya hatũ aĩbe besti hau txutanamekubainũbũwẽ”, iwanã, xinãmiski, Deusunã.

Kashinawa : Diosun Jesúswen taexun yuba bena yiniki

³ Jaskaken Diosun matu pepa besti wanun, iwanan, matu yunukin: “Ainbu min ainmawen kemuama inun, juni min benemawen kemuama jaska ja dabe man jaya jatun ainbe besti jau chutanamekubainunbunwen”, iwanan, shinanmiski, Diosunan.

1 Tesalonicenses 4:3 Referencias Cruzadas

Salmos 40:8

Ẽ shanẽ ibu Deusuũ, eã mia benimawakinã, haska shinãkĩ mĩ betxipaiaiwẽ ẽ mia ashũkatsis ikaii. Mĩ hatu yusinirã, ẽ huĩti merã ẽ haya niaki!

Mateus 12:50

Ha inũ, Deusũ hãtxa tsuabũra nĩkatã ikũwãkĩ ashũmisburã, habiabu ẽ betsabu inũ ẽ puibu inũ ẽ ewaburiki— hatu waniki.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Mateus 5:32

Hanua huni betsã hawẽ aĩ huni betsabe txutanameamabiakẽ henekatsis ikĩ hawẽ aĩ hawamabiakẽ henebainarã, hanua aĩbu haska xinãmabiakẽ ha hunĩ ma putabaina hanushũ ha hunĩ txakabuwẽ taea hanu aĩbu hawẽ benẽ txakabumaikiki, bene betsa benatikiri xinãmakinã. Hanu aĩbu hawẽ benẽ ma henebainima huni betsã ha aĩbu habe biakanãtã habe txutanamei pebiairã, huni betsã aĩbe txutanamei keskaikiki.

Mateus 7:21

—Ha inũ, tsuabũra hatũ kesha bestiwẽ ea kenakĩ: “Shanẽ Ibuũ, Shanẽ Ibuũ”, ea wabiakĩ haska xinaĩsbumarã, habũ ẽ Epã hãtxa txibãma nai anu nukube hiweama ishãkanikiki. Hakia ẽ Epa nai anuatũ hawara yununi inũ abuai txibãkĩ akubaĩmisbu besti nukube hiweshãkanikiki.

Marcos 3:35

Ha inũ, Deusũ hãtxa tsuabũra nĩkatã ikũwãkĩ habũ txibãbaĩkĩ ashuaĩburã, habiabu ẽ betsabu inũ, ẽ puibu inũ, ẽ ewaburiki— hatu anikiaki.

João 4:34

Jesusũ nuku ana yuikĩ: —Hatũ ea yununitũ xinã ẽ hayawẽ taea hawẽ daya keyui ẽ kuxipamiski, yani wa keskairã

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

Hechos 15:29

Yushĩ dami betsa kẽwãkĩ nami inãmisbu ana piyamakubaĩshãkãwẽ. Ha inũ, yuinaka teneshabu piyamariashãkãwẽ. Ha inũ, yuinaka himi ayamariashãkãwẽ. Ha inũ, aĩyãkinã, haska Moisés nuku nemani ha txibãriakubaĩshãkãwẽ. Haska besti mã mekearã, hawa txakabuma mã pe besti hiweshãkanaii. Hau Deusũ matu pe mekekubainũwẽ”, hatu washũtã

Hechos 20:32

—Ẽ betsabu inũ ẽ puibuũ, ẽ matu hãtxa wai ma hatishũ ẽ matu keyuai nĩkakãwẽ. Natiã Deus ẽ matu yukashunaii. Hawẽ hãtxa pepa nuimis mã unãyã haska dasibi yubakani Deus matuwẽ dayakĩ hawẽ kuxipawẽ matu amashanikiki, mã hawenabu meribi ewai unãnepanũbunã— itã

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Romanos 1:29

Eska tibi matawaibuwẽ taeshunã, hawẽ atimapaiburã, txutanametxakaiburã, yauxiaiburã, ha pewẽ hiweama txakabuwẽ hiweairã, betsabu hatũ hawara hayawẽ hatuki sinataiburã, yura betsa tenaĩburã, detenameaiburã, txani txakabaunaiburã, beparameaiburã, yuãnanaĩburã, haskai hiweabuki.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 7:2

Hamẽ dasibibu txutanamekatsi ikirã, huni tibi hau meribi aĩyanũbũwẽ. Habiaskariai aĩbu tibiri hau meribi beneyarianũbũwẽ. Hamẽ mã haskabumarã, atimapa hiwei mã txakabuskubaĩtirubuki.

2 Coríntios 12:21

Haska inũ, matũ mae ewapa anu ana ẽ kakẽ habũ txakabu betsa betsapa wakĩ kanekubaĩkĩ xinã betsa wariabumawẽ taeshũ Deusũ ea dakewashanaiwẽ ẽ dateaii. Uatiã mã txakabu heneriama ẽ matu uĩtanima keska ana habiaskaswẽ mã hiwea uĩ huĩti nixmahaira ẽ matuya kashatuxitiruki, eska tibiaibu uĩnã, tsuabura mã habũ txakabu heneriama haikaimas txakabuwẽ habũ xinã txakaibu inũ, huni dabe txutanameaibu inũ, aĩburi yura tibibube txutanameaibu inũ, atimapakĩ hatũ xinã benutã txakabu bestiwakubainaibuwenã. Ẽ betsabu inũ ẽ puibuũ, ẽ matu anu kariamakẽ matũ xinã betsa wai bebũkiri peparikãwẽ.

Gálatas 5:19

Haska inũ, heshe txakabu banabu txakabu hukũmis keskai tsuabura txakabũ hatu mekea habũ akĩ shabakabi txakabuwakubainaibu hatu uĩtirubuki, hatũ kemu txakabuwẽ aĩbuaibube inũ hunibube txutanamekinã, atimapa betsa betsapa beya wakinã.

Efésios 5:17

Haska inũ, ana hawarawẽ unaĩsmapama hawara nukũ Shanẽ Ibũ matu amakatsis ikai nĩka pewatã haska xinaĩkiri tapĩrikãwẽ.

Efésios 6:6

Haskakẽ matũ tsuma pe dayashũkĩ duawairã, hatũ berubi uĩaĩ bestiwẽma hakia uĩyamarikẽ pe dayashũkubaĩkãwẽ, Cristõ dayarukĩ hawara hawẽ Epa Deusũ abumis haska xinaĩ ashũkinã.

Colosenses 1:9

Haskawẽ taea mã abunameaikiri nĩkatã Deusbe hãtxakĩ nũ matu yukakĩ heneshuĩsmaki, Deusũ hau hawẽ xinã shabakabi matu unãmakĩ haskai unãnepati tibi inũ nĩkati xara matu wamakĩ hawẽ Yushĩ Pepatũ hau matu inãmakĩ unãmakubainunã.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

1 Tesalonicenses 4:4

Haska inũ, Deuskiri unãma inũ ikũwãbumã aĩbuaibu tibiwẽ kemukĩ txutabaũmisbu keska iyamakubaĩkãwẽ. Hakia Jesus ikũwaĩ aĩyãkatsis ikĩ shabakabi Deus uĩmai pe hiwenũ ika habe biakanãtã nuitapawama hatũ mabu mekei hau pe besti ikubainũbũwẽ, hatũ aĩbe menamei txutanameirã.

1 Tesalonicenses 5:18

Hawara tibi mã haya inũ mã hayama haska Deusũ matu unaĩwẽ taeshũ ha besti kẽwãkubaĩkãwẽ, mã haskaibu Deusũ matu abuikiki, mã Jesus Cristo ikũwaĩbuwẽ taeshunã.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

Hebreus 12:16

Matunã, tsuara txutawẽ kemukĩ Deusũ hawẽ pepa ma matuki tanabiani kaneyamakãwẽ. Haskakĩ Esaũ Deuskiri xinãma piti bestiwẽ kemukĩ xinãkĩ hawẽ betsa mashkubiakẽ hawẽ piti pinũ, iwanã, haska iuwatũ pepa bimis inãniki, hawena benukinã.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

1 Pedro 4:2

Hatishũ matũ kemu na mai anushũ henetã hatishũra matũ hiweawẽ besti haska Deusũ xinãkĩ abuai matũ hiweawẽ dayashuni hiweyukãwẽ.

1 João 2:17

Hanua yurabũ haska xinãkĩ abiamisburã, hatũ kemu paerã, keyukũkainikiki. Hakia xinã betsa watã haska Deusũ abumis aki hiwekubainaiburã, habe hiwekuĩshãkanikiki, ikibi ikirã.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.