1 Tesalonicenses 1:3 - Kaxinawá Bíblia (BR)

³ Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

Kashinawa : Diosun Jesúswen taexun yuba bena yiniki

³ Man eskai jiwea ikunwain Jesúski chiti itan, ikunwain betsabube medabenain bika tenebiai jawa chintuanma nukun Xanen Ibu Jesucristo man manaya nukun Epa Diosbe janchakin matu dayuixunkin matukidi shinankin nun jeneama ikunkainaii.

1 Tesalonicenses 1:3 Referencias Cruzadas

Gênesis 29:20

Jacó Raquel betxipaihairaiwẽ taeshũ aĩwãkatsi ikĩ Labão dayashũkĩ: “7 ano hawẽ ibu ẽ dayashunairã, Raquel ẽ bishanairã, hatishuĩra barimaki”, ishũ Jacó shinãkubainikiaki.

João 14:15

ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.

João 15:10

Hawẽ hãtxa ẽ txibãyã ea abukĩ ẽ Epã ea putaismaki. Haska keskari wakĩ ẽ yunua hãtxa mã txibãyã matu abukĩ ẽ matu putamari ishanaii.

Hechos 10:31

ea yuikĩ: “Cornélioõ, mĩ Deusbe hãtxakĩ dayuimis inũ haska dasibi nuitapaibu mĩ merabewamis Deusũ uĩkĩ xinãkubaĩmisshũ ma miwẽ benimaikiki. Haskawẽ taeshũ mia yuinũ nĩkawe.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Romanos 12:12

Ha inũ, Deusũ matu yubani hawa betsa wama ishanai unãkĩ mã manaiwẽ taea benimai hiwekubaĩkãwẽ. Ha inũ, matu itxakawaibu bika tenei txĩtuãma mestẽkubaĩkãwẽ. Haskakĩ Deusbe hãtxakĩ hamapai tibikiri yukai heneyamakubaĩkãwẽ.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 15:4

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

Romanos 16:6

Ha inũ, Mariã matu dayahairashũkũkainairi ẽ hãtxa ea yuishũriashãkãwẽ.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

1 Coríntios 13:13

Ha inũ, na xinã dabe inũ besti keyuismaki, ikũwaĩnã, yubakani dateama manatirã, nuikipa kayabirã. Na xinã dabe inũ besti hatũ binu keyuarã, nuikipa kayabiti bestiki.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

Gálatas 1:4

Haskakẽ nukũ Epa Deusũ haska xinaĩ keskawẽ nuku ikirã, natiã hiweabũ txakabuhaira wakubainaibube hau nuku kupiyamashanũ haskawẽ taea Jesus Cristo mawai hawẽ hiwea yauxiama nukũ txakabu buanũ ika iniki.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

1 Tesalonicenses 3:6

Hakia mã ikũwaĩ txĩtuãbuma inũ mã abunamei heneama Tessalônica anua haska kaka Timóteõ nĩkatãxĩshũ nuku yuia nĩkai haska nũ matuwẽ nuiai keskariai matũri nuku ana beisnũ ika mã nukukiri xinaĩ matu uĩtani huxĩshũ nuku yuikĩ benimawaxinaki.

2 Tesalonicenses 1:11

Haskawẽ taea Deusbe hãtxakĩ matukiri yukakĩ nũ heneismaki. Deusũ matu kenakĩ katunishũ pepabu matu wakatsis ikaikiri matu yukashũkinã, mã ikũwaĩwẽ taeshũ hawẽ kuxipawẽ hamapai pepa akĩ betsabube merabenamei mã hiwekubainũbũ ẽ matu ea ashũkubainaii.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

1 Timóteo 1:14

Nukũ Yavé Deus ha besti nuikipahairakĩ ea duawatxakayamakĩ hawẽ xinãwẽ ẽ xinã ea betsa wamatã Jesus Cristo ẽ itxakawabiaya ha ikũwaĩbuwẽ ea hatuwẽ nuitiwaniki, Jesus Cristowẽ taeshunã.

1 Timóteo 2:3

Haska nũ hatukiri xinãkĩ hatu yukashunairã, harã, peki, nukũ mekenika Deusũ haska abumiskenã.

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

Hebreus 11:17

Ha inũ, Abraãonẽ Deus ikũwãniwẽ taeshũ Deusũ hawẽ bake Isaquekiri yubakĩ yuikĩ: “Isaquewẽ mĩ bababu itxapa mia washũshanikiki”, abianishũ hanushũ haska ikũ ea txibaĩmẽkaĩ? ishũ unãti wa hawẽ bake Isaque Abraãonẽ Deus inãkĩ kua keyushunũ, iwanã, hawa yauxi hawẽ nuiama hawẽ bake bestitxai iyui kanikiaki.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

Hebreus 4:11

Haskawẽ taea hawẽ huĩrukũti pepa anu hikishanũ ika nukũ merabenã Jesus txibaĩ yumãbiai txĩtũtaskayamanãkãwẽ, ha habũ hawẽ hãtxa nĩkama nukũ shenipabũ danãnibu keskakĩ hatu tanaĩ hatu txibãyamanãkãwẽ.

Hebreus 6:15

nĩkatã hawẽ yubati hãtxa manai hĩ hĩ ikama ikũkaĩkĩ atimas haska Deusũ yubani bi benimanikiaki.

1 Pedro 3:4

Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.

1 João 3:18

Ẽ bake keskabuũ, txanima Deus abukĩ duawakinã, hãtxa bestiwẽ akama ikũwaĩ betsabuwẽ nui merabenãkĩ hatu uĩmakĩ ashũkubainãkãwẽ.

1 João 3:21

Ẽ betsabu inũ ẽ puibuũ, matuwẽ nuikĩ ẽ matu merabewairã, nukũ txakabu nũ ma pewa ana hawawẽ taea Deuski nũ datetirubumaki.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.

1 João 5:3

Deus nũ abuairã, hawẽ yunuti inũ hawẽ nemati nũ txibãkubainaii. Hawẽ yunuti txibaĩnã, shãkamama bikamaki.

Apocalipse 2:19

Haska matũ xinã pepa hayashũ ea txibaĩ mã hiwekũkainai ẽ unaiĩ. Haskakẽ nuinamekĩ ea ikũwaĩ txĩtuãma ea txibãkĩ ea duawanũ, iwanã, hamapai betsa betsapa pepa mã akĩ taewani mã binumai ẽ unãriaii.

Apocalipse 3:10

Ha inũ, itxakanikatũ mai hirabi anu dasibi maniabu hatu bika tenemakĩ itxakawaya mã Filadélfia anuabũ ẽ yusĩa hãtxa txibãkĩ hawa mã heneismakẽ matu merabewakĩ hawa putama ẽ matu keshekubaĩshanaii.