1 Samuel 5:10 - Kaxinawá Bíblia (BR)

¹⁰ haskawẽ taeshũ maewã betsa Ecrom anu Deus hatube yubakani hãtxa aruni bau Filisteu nawabũ ana maewai bukĩ hatu anu bitxibainaibũ Ecrom anu hiweabũ uĩkĩ hui kushipawẽ hatu nemakĩ: “Nukuri dasibi tenã keyunũ”, iwanã, “Israelĩ enabũ mekenika Deus hatube yubakani bau mã bekanaii”, iake iakeaibũ

1 Samuel 5:10 Referencias Cruzadas

2 Samuel 7:9

Hanu mĩ nia ketaĩ anu ẽ mibe kakũkaũriamiski. Habu miki sinataibu ẽ mia hatu tenã keyukĩ nemashũkubaĩmiski. Shanẽ ibu kushipabu hiwebaunabu keska mĩ kena dasibibu ẽ hatu unãmakubainaii.

2 Reis 1:2

hanua shaba betsatiã Samaria anu Acazias hawẽ hiwe hawẽrua anu manaũri tapa betsa anua hanu niwe hikiti shui uĩbaũti anu tsaua hawa shinãma kauani maĩ tĩ iki txakamana txakayama isĩ tenei dakashũ hãtxa bunikabu hatu kena beabu hatu yunukĩ: “Ecrom anushũ hatũ mekenika yushibu Baal-Zebube ẽ txakamana ẽ isĩ teneai ẽ shushaimẽkaĩ, ea yukashũtãkãwẽ”, hatu wa buaibũ,

Amós 1:8

Maewã Asdode anu shanẽ ibuhaira inũ maewã Asquelom anu yununika ẽ yamawakĩ keyushanaii. Dasibi ẽ kushipawẽ maewã Ecrom ẽ hatu atxima Filisteu nawabu hawa betsa teshe heneama mawai keyushãkanikiki”, akĩ Senhor Jeová yuiniki.

Amós 6:2

Assíria nawabu maewã Calné anu bushũ uĩtãkãwẽ. Hanua Síria nawabu maewã ewapa hatu binua Hamate anu bushũ hatu uĩriatãkãwẽ. Hanua butubaini bushũ Filisteu nawabũ maewã Gate anu bushũ uĩriatãkãwẽ. Ha nawabu betsa betsapabũ mae matuna keskamabiakẽ mã hatu hawa binuamaki. Hakia matũ mai pakearã, hatũ mai pakeatunã, matunarã, binuamaki. Ha mai pakea tibi hawa dasibi pemaki.

1 Samuel 17:52

Israelĩ enabu inũ Judá enabũ hatu uĩtã hatu detenũ ika hui kushipawẽ sai sai ibaĩkĩ hatu txibãbaĩkĩ hatũ detetiyashũ Filisteu nawabu maewã dabe Gate inũ Ecrom mishki kenebaunibu anu hatu henetã Saaraim bai kawẽ inũ Gate bai kawẽ Ecrom anu bai ka namaki Filisteu nawabu mirima debua mania uĩkubirani

1 Samuel 5:11

Deusũ haburi kupikĩ su ika pawakĩ hatu isĩ tenemakubainaya ha maewã anu hiweabu datetxakayamakĩ hatũ shanẽ ibubu hau hatu yuishũtanũbũ hatu kenabu ma bei itxai keyuaibũ hatu yuikĩ: “Israelĩ enabu mekenika Deusũ hãtxa hatube yubakani aruni bau nenu mã beimarã, hatu bushũritãkãwẽ, ibubu anurã, hau nenushũ nuku dasibi tenãyamanunã”, hatu wanibukiaki.

1 Samuel 5:9

Gate mae anu mistushinabũ hanushũ Senhor Deusũ habu dasibiri hawẽ hatu datekĩ kupikĩ bake mishtĩyãbis su imakĩ isĩhaira tenemakĩ hatu nuitapawaya

1 Samuel 6:1

Senhor Deusũ hãtxa aruni bau Filisteu nawabũ hatũ mai pakea anu bushũ aruimabu hari 7 ushe kaya