1 Samuel 31:4 - Kaxinawá Bíblia (BR)

⁴ hawẽ detenameti mabu bushunika hawẽ tsuma Saulũ yuikĩ: —Hawa Deus umabũ ea atxitã eaya kashekĩ ea bika tenematirubuki. Hau habuã ea tenãyamanũbũ miã mĩ matxatu txaipa kenuhaira sitã ea detekĩ tenãwẽ— aka hakia hawẽ tsuma hawẽ datekĩ haska yunua akamawẽ taea haska uĩtã Saul ibubis hawẽ matxatu txaipa maiki timatã haki beukaini tatxakash iki hawẽ matxatu debuwẽ txatxitã hawaira debuaya

1 Samuel 31:4 Referencias Cruzadas

2 Samuel 1:1

Saul Filisteu nawabube detenamei kashiã mawakẽ hanua Davi hari Amaleque nawabube detenamekĩ hatu maematã hawẽ detenamenikabube mae betsa Ziclague anu txĩtũtani hanu huĩrukuĩ usha dabei hiweyuabũ

2 Samuel 1:14

hanushũ hãtxa kushipawẽ Davĩ yuikĩ: —Shanẽ ibu wakĩ Senhor Deusũ katuni dateama haskakĩ mĩ nukũ shanẽ ibuhaira deteshinamẽ?— atã

2 Samuel 1:20

Gate anu kashũ hatu banabimayamakãwẽ. Ha dikabi Asquelom bai tanabaĩkĩ hatu yuiriakubaĩyamakãwẽ, hau Filisteu nawa aĩbuaibu Deus ikũwãbumã haska kaka nĩkatã benimai hau ishtxu ishtxu iyamanũbunã.

2 Samuel 1:6

ha hunĩ kemakĩ yuikĩ: —Mati Gilboa anu kashũ Saul hĩ iki hawẽ hashiwẽ mesteã nia Filisteu nawabu hatũ cavalo katsaumea beaibu ẽ uiãyã

2 Samuel 17:23

hawẽ yusiã hãtxa nĩkatã ashuãbumawẽ taea Aitofelĩ unãtã punu nukai huĩti nishmatã hawẽ jumentoki katsaumekaini kaĩkaini hanua kaini anu kashũ hanushũ hawẽ hiwe inũ hawẽ mabu inũ hawẽ yunu bai betsa betsapa hawenabus hatu yunu keyutã habiatiãri dispi bua hiki neshatã ibubis tenesheketã mawa hawẽ epa maiwanibu dapi maiwarianibukiaki.

Juízes 14:3

hakia hawẽ ibubũ kemakĩ yuikĩ: —Filisteu nawabu tsuã Deus kẽwãbuma anua haskakĩ aĩbu binũ ika mĩ ikai? Mĩ betsabu aĩbu bake hayamamẽ? Nukunabu Israelĩ enabu dasibi anurã, aĩbu bake hayabumamẽ?— akabu Sansãonẽ hawẽ ibubu kemakĩ yuikĩ: —Ha aĩbu txipash ẽ betxipaihairai ikai ea haska wama ha aĩbũ ea yuka iki peshũtãkãwẽ— hatu wa

1 Samuel 14:6

hanushũ hawẽ merabewanika Jônatasã yuikĩ: —Filisteu nawa detenamenikabu hawa nukũ Deus unãbuma anu hatuki kemai ukeri kesha betsauri kawanãwẽ, Senhor Deusũ nukuwẽ taeshũ nuku merabewatirumẽkainã. Senhor Deusũ hawẽ maemati kushiparã, hawa bikamaki. Huni itxapawẽ kasmai huni eskarabeswẽ Senhor Deusũ nuku hatu maemamatiruki— aka

1 Samuel 17:26

nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya

1 Samuel 17:36

Haskakĩ leão inũ urso detekĩ ẽ amis keska ha huni Filisteu nawa Deusuma ẽ habiaskari watirumamẽ? ha Deus hiweatũ detenamenikabu hatu mesewakubainairã.

1 Samuel 31:5

haskatã Saul ma mawa hawẽ tsumapã uĩtã hari habiaskariai hawẽ matxatuwẽ Saul ishu keskai mawariaya