1 Samuel 31:2 - Kaxinawá Bíblia (BR)

² Saul inũ hawẽ huni bakebu txibãkĩ Filisteu nawabũ Jônatas inũ Aminadabe inũ Malquisua detekĩ tenãtã

1 Samuel 31:2 Referencias Cruzadas

2 Samuel 1:6

ha hunĩ kemakĩ yuikĩ: —Mati Gilboa anu kashũ Saul hĩ iki hawẽ hashiwẽ mesteã nia Filisteu nawabu hatũ cavalo katsaumea beaibu ẽ uiãyã

2 Reis 25:7

hanushũ Zedequiasĩ berubi hawẽ huni bakebu hau hatu tesẽ keyunũbũ Nabucodonosorĩ hatu yunua hatu tesẽ keyutã Zedequiasri hawẽ beru tsekashũ mane dispi txiwetameyawẽ meneshtã Babilônia anu hau iyunũbũ Nabucodonosorĩ hatu yunua Babilônia anu Zedequias iyushunibukiaki.

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

1 Samuel 13:16

Saul inũ hawẽ huni bake iyua Jônatas inũ hatube beabu Benjamimnẽ enabũ maewã Gibeá anu niti ishũ manayuaibũ Filisteu nawabu Micmás anu hatũ tari hiwe pũtebauna maniabũ

1 Samuel 13:2

detenamenika hau ikubaĩshanũbũ Israelĩ enabu 3.000 huni detenamenikabu katukẽ Betel manã mati matipa anu mae betsa Micmás anu 2.000 detenamenikabu habe bashikuabu hanua 1.000 detenamenikabu hawẽ huni bake iyua Jônatasbe hawẽ epa Saulũ yunua Benjamimnẽ enabũ maiwã pakea Gibeá anu hari hatu binukĩ keshemai kakẽ hanua hatiri yurabu tesheabu hau hatũ hiwetã bunũbũ Saulũ hatu yunua buabũ

1 Samuel 14:22

Hatu deteabu Efraimnẽ enabu maewã mati matipakiri Filisteu nawabu hari pashaibu nĩkatã hatu detenũ ika tashnibirãkĩ detekubaĩkĩ hatu txibãbaĩkĩ

1 Samuel 14:49

Hati Saulũ bakebu inibukiaki, hawẽ huni bakeburã, Jônatas inũ Isvi inũ Malquisuarã. Hanua hawẽ aĩbu bake daberã, iyua Merabe inũ mashku Mical inibukiaki.

1 Samuel 28:19

Hanua ha dikabi Israelĩ enabu Filisteu nawabu detenamenikabu Senhor Deusũ matu hatu anu yunua matu maemashãkanikiki. Mia inũ mĩ huni bakebube mawatã meshukiri mã eki nukuaii. Ha inũ, txanima Filisteu nawabu Senhor Deusũ merabewaya minabu Israelĩ enabu maemakĩ keyushãkanikiki— akĩ hãtxa watã nesekẽ