1 Samuel 19:23 - Kaxinawá Bíblia (BR)

²³ hariri kai bai tanabaini namakis shũ Deusũ yushinĩ Saul betsa wakĩ kushipa wa ha dikabi paeã keska benimakĩ Deus kẽwãkubaini Ramá dapi Naiote anu Saul hikitã

1 Samuel 19:23 Referencias Cruzadas

Provérbios 16:9

Hawara wakatsi hunibu yubakakĩ shinaĩbu Senhor Deusũ hatu merabewakĩ haska wai buaibu hatu yunukubaĩmiski.

Provérbios 21:1

Haska shanẽ ibuhairatũ shinãkĩ atirurã, Senhor Deusũ kushipawẽ haska betxipaiai amamiski, hawẽ shinã hene bai tapia keska washũkinã.

Números 23:5

hau haska hatu yuitanũ hawẽ hãtxa Senhor Deusũ Balaão unãmatã yuikĩ: —Balaque anu txĩtũkaĩ na habias hãtxa ẽ mia yuishu ea yuishũtãwẽ— aka

Números 24:2

Israelĩ huni bakebũ enabu shukuabu tibi meribi hiwebaunabu uiãyã Deusũ Yushĩ Pepatũ hawẽ hãtxati kushipa Balaão inãkĩ unãmaiwẽ taea

Mateus 7:22

Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

João 11:51

Haska yubakaibu xinãmakinã, ibubis Caifásĩ xinãma hakia na habia baritiã Deusbe nukunabu hãtxashunika shanẽ ibuhairawẽ taeshũ: “Jesus judeubu mawashũtiruki”, akĩ Deusũ Caifás hatu yuimaniki.

1 Coríntios 13:2

Haska inũ, ẽ Deusũ kakape shabakabi yuinikabia inũ, Deusũ xinã ẽ unãbiamis inũ, hamapai betsa betsapa hunea ẽ unãhairabiai inũ, Deus ikũhairawakĩ mati ẽ maewatirubia ẽ nuikipama ẽ hawamahairaki.

1 Samuel 10:10

hanua hawẽ dayarube Saul Gibeá ma kemai kai Deusũ hãtxa yuishunikabu benimabirani Saulki nukuabu Deusũ yushinĩ Saul betsa wakĩ kushipa wa nishi paewẽ paeã keska benimakĩ hatubetã Saulũ Deus kẽwãkubainaya

1 Samuel 10:12

huni betsã ana hãtxa betsawẽ yuikĩ: “Habũ eparã, tsuamẽ, hatũ hatu kushipa wairã?” hanushũ shinãkubiranibu yuikĩ: “Saulrã, habiari hawenabu Deusũ hãtxa yuishunikari ikimẽkaĩ”, iwanã, yuiakeakepaunibukiaki.

1 Samuel 10:6

Hatuki mĩ nukukẽ Senhor Deusũ yushinĩ mia kushipawaya Deusũ hãtxa yuishunikabu paeã keska hatube benimai habu betsa keskai mĩ huni betsahaira ishanaii.

1 Samuel 18:10

haska washina shaba betsatiã Deusũ yunua yushĩ txakabũ Saulki hikitã hawẽ hiwe hawẽrua anua Saul dushku itsai bika teneaya shushawakĩ mimawashũmis keska wakĩ harpa Davĩ mawashunaya Saulũ hashi tsumashũ

1 Samuel 19:18

haskakaini Davi hunekaini Ramá anu Samuel uĩ kashĩshũ haska Saulũ ashiã Samuel yui keyushina hanua habe maei mae betsa Naiote anu Davi Samuelbe hiwei kakẽ

1 Samuel 19:20

ana Davi hau haria atxitanũbũ hawẽ tsumabu Saulũ ana hatu yunua bui kemashũ Deusũ hãtxa yuishunikabu Samuelĩ hatu imaya nishi paewẽ paeã keska benimakĩ Deus kẽwãkubiranaibu uiãbũ hawaira Deusũ Yushinĩ Saulũ tsumabu haburi hatu betsa wa Deusũ hãtxa yuishunikariai nishi paewẽ paeã keska benimakĩ hatubetã Deus kẽwaĩbũ Davi tsuã hawa wama

1 Samuel 19:22

hanua ana nĩkatã ibubis Ramá anu Saul kai Seco anushũ hanu ũpash aruti ewapa anu hikishũ hatu yukakĩ: —Samuel inũ Davirã, hanimẽ?— hatu wa, itxapabũ kemakĩ yuikĩ: —Ramá dapi Naiote anu hiweabuki— akeakeabu