1 Samuel 18:30 - Kaxinawá Bíblia (BR)

³⁰ Haska inũ, betsarã, Filisteu nawa shanẽ ibubũ Israelĩ enabu detenũ ika beaibu tibi Saulũ detenamenika shukua betsabu hatubetã hatu detekĩ maemabiaibũ Davĩ hawenabu binumakĩ hatu itxapa deteshũkubainikiaki, comandante betsabu binukinã. Haskaiwẽ taeshũ Davikiri dasibibũ nĩkabauni betxipaihairai hakiri pe shinãkubainibukiaki.

1 Samuel 18:30 Referencias Cruzadas

2 Samuel 11:1

Shaba betsatiã bari pakei ni hua tueaya hatũ beya txibaĩ shanẽ ibubu detenamei bumisbutiã Davĩ hawẽ detenamenika shanẽ ibu Joabe inũ hawẽ detenamenika shanẽ ibu beshmasbu inũ Israelĩ enabu detenamenikabu dasibi hatu yunua bushũ Amom nawabũ mai pakea anushũ hatu detekĩ maematã hatũ mae ewapa hawẽ kena Rabá hatu mebiaĩbu hakia Davi hatube kama Jerusalém anu niti ishiã hiwea

2 Samuel 7:9

Hanu mĩ nia ketaĩ anu ẽ mibe kakũkaũriamiski. Habu miki sinataibu ẽ mia hatu tenã keyukĩ nemashũkubaĩmiski. Shanẽ ibu kushipabu hiwebaunabu keska mĩ kena dasibibu ẽ hatu unãmakubainaii.

2 Reis 1:13

hatu haska washu huni betsã ana uĩbaĩ shanẽ ibu banabima hau habũri itanũbũ Capitão betsa 50 detenamenikabube shanẽ ibũ hatu yunuria bui ha mati anu kema hawa yuiama hawẽ 50 detenamenikabu hatu bashitã Elias tsaua anu mapekekaĩ ha bebũ dãti ishũ ea akĩ: —Deusũ huniĩ, nukuwẽ nuiwe. Ẽ hiwea inũ na mĩ 50 tsumabu hiwea shinaĩ nukuwẽ nuiwe.

Provérbios 12:8

Tsuãra pe shinãkĩ hawaira tapĩhairanikarã, haburã, hatu kẽwãkubaĩmisbuki. Hakia tsuara tatima unaĩsmaparã, hawa hatu kẽwãma danãkubaĩmisbuki.

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

1 Pedro 2:4

Jesus hiwe mestẽwãti mixki keska hunibũ danãbianibũ Deusũ abuhairakĩ katuni bestibu tibi ha mixki hiwea pepa haibu wai haki ketashamekubaĩkãwẽ.

1 Pedro 2:7

Na haska keneni keska tsuabũra ma ha mixki kuxipa ikũwaĩbu maturã, mã ha abuhairaii. Hamẽ tsuabũra ha mixki kuxipa ha ikũwãma danãkubaĩkanikiki, ha keneni keska wakinã: “Mixki hiwe wanikabũ ha mixki danãbiaibũ hawẽ hiwe mestẽwãti kayabi mixki pehairaki, kuxiparã”, aniki.

1 Samuel 18:29

ana Daviki datekũkaĩshina binumai ana haki Saul datekĩ danaĩ haki sinatai henetiruma inikiaki.

1 Samuel 18:5

Haska Saulũ Davi yunua ashũkĩ Davĩ hawẽ unanepa uĩmakubainaiwẽ taeshũ detenamenikabũ shanẽ ibu beshmas Saulũ Davi washĩkẽ hanushũ Saulũ shanẽ ibu beshmasbu inũ hawẽ detenamenikabu dasibibũ Davi betxipaikubainibukiaki.

1 Samuel 19:8

ana hatube detenamenũ ika Filisteu nawabu Israelĩ enabu maiwã pakea anu ana bei hikiabu hatu nemakĩ putanũ ika hawẽ 1.000 detenamenikabuya Davi ka Filisteu nawabube detenamekĩ hatu maemakĩ mirima tenaĩbuwẽ taea Filisteu nawabu habu hiwenũ ika datei pashai keyuabũ

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.