1 Samuel 17:32 - Kaxinawá Bíblia (BR)

³² Davi kashũ Saul yuikĩ: —Ha Filisteu nawawẽ datei hau punu nukayamanũbũwẽ. Earã, ẽ mĩ dayaruwẽ taea ẽ habe detenamei kaii— aka

1 Samuel 17:32 Referencias Cruzadas

Isaías 35:4

Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 7:4

eska yuitãwẽ: ‘Síria shanẽ ibu Rezim hawenabube inũ Remaliasĩ bake matuki sinatahairai txi tsistu dekẽbia ma nukai keskabuki. Haskawẽ taea mesei hatuwẽ dateama mimebi pe mekewe.

Números 13:30

haskaibu Calebe hatube kashũ uĩriatãshĩshũ yurabu inũ Moisés bebunua ha ibaunaibu hatu hãtxa nesewatã hatu yuikĩ: —Kushipatã ha mai pakea hatu mebinãshãkãwẽ. Hatũ mae tibi atxitã nũ ibuwatirubuki— hatu waya

Números 14:9

Hakia nukũ mekenika Senhor Deus danãyamakãwẽ. Ha dikabi, ha mai pakea anu hiweabuwẽ dateyamariakãwẽ. Senhor Deusũ nuku merabewakĩ hatũ mekenika yushibu nemaya misi pia keska wakĩ nũ hawaira hatu maemashanaii. Nukurã, Senhor Deuski nũ txiti ikaki. Hakia haburã, tsuã hatu mekeamaki. Hatuwẽ hawa dateyamakãwẽ— hatu abiabu

Hebreus 12:12

Deusũ pewati yusĩa bikabiakẽ ana mesteĩ kuxipakĩ ana Deus kẽwaĩ matũ mekẽ mexãtã dãti ishũ kẽwãkĩ heneyamakubaĩkãwẽ.

1 Samuel 14:6

hanushũ hawẽ merabewanika Jônatasã yuikĩ: —Filisteu nawa detenamenikabu hawa nukũ Deus unãbuma anu hatuki kemai ukeri kesha betsauri kawanãwẽ, Senhor Deusũ nukuwẽ taeshũ nuku merabewatirumẽkainã. Senhor Deusũ hawẽ maemati kushiparã, hawa bikamaki. Huni itxapawẽ kasmai huni eskarabeswẽ Senhor Deusũ nuku hatu maemamatiruki— aka

1 Samuel 16:18

hawẽ tsuma betsã Saul yuikĩ: —Belém anushũ Jessé huni bake mashku Davi hawẽruatũ harpa mawa unãhairai inũ ha dikabi kushipakaĩ detenamea unaĩ inũ pe shinaĩ hãtxai pemis ẽ uĩmaki, Senhor Deusũ haskai merabewakubainairã— aka

1 Samuel 17:31

Davi yuka ikai betsabũ nĩkabaini kashũ Saul yuiabu nĩkatã hau Davi iwenũbũ hatu yunua